ساعدوووني !!!

[الاسد الملكي]

السلام عليكم
كيف الحال يا شباب

قرب بيتنا ( البحرين ) يوجد ببغاوات انواع و اشكال
في الهواء يعني مش حق احد و اشوفها ايام كنت ازرع دوار الشمس في الحديقة
كانت تجي تاكل الحب و تروح
طيب بقول لكم اللي شفته

يوجد ببغاء يشبه هذا , على ما اظن اسمه يلوناب


و كمان يوجد نوع اخضر كامل و المنقار اسود والله ما اتذكر عدل
بس يوجد منها يمكن 4 او 5 ببغاوات تطير في بيتنا

و في كاسيكو رصاصي واحد

و في متو

يعني ما تصدقو هالكثر ببغاوات و في بيتنا و هي مش حق احد

طيب و المطلوب ,, كانت تجي في حديقة البيت ايام كنت ازرع الحب
اليوم بدأت ازرع حب بس قبل ما يطلع الحب و يكون جاهز للاكل
ابي احط فخوخ عشان اصيدها
عطوني فكره عن اصطياد هذا الببغاوات و بالاخص اللي حطيت صورته لانه جميل
و اسمع صفيره حلو جدا
رجاءا اعطوني طرق لصيد هذا الانواع و بسرعة
لان بعد اسبوع يمكن يكونو موجودين في البيت
ابي اصييييدهم كلهم < بسك طمع : p
على الاقل اللي حطيت صورته
طبعا الصورة من النت و اقول لك هذا يشبهه تقريبا
بسرعه الله يخليكم وراي ببغاوات بالمجان

[طير جديد]

شي طيب جدا جدا جدا

حسيتك انك في افريقي مو بالبحرين


الله يوفقك يالغالي


وانشاء الله تصيدهم كلهم

هذي طريقة بس اتوقع الببغاوات اذكاء بس اذا حصلت نفس هذي تضمن الصيد
http://www.youtube.com/watch?v=IW169wAVhok
تحصلها انشاء الله في امكان البيع للمقناص

اخوي ولا اذا المكان صغير بسرعه شبك كبير من فوق



بالتووووفيق تقبل مروري

[fawzi]

اخوي ممكن الي شفته دره نيباليه مو امازوني يرجى انك تراجع معلوماتك

[1Njood]

انا اقول لا تصيدهم حرام خلهم يستمتعون يحاتهم
لو تبي ببغاء رح اشتري واحد محتاج احد يبي ومتعذب عند محلات الحيونات
اما هذا خله فامان الله وش حارق ددمك عليه

[خاأأأأأأأأأأص]

يعني تقول لاتصيده حرام ولا تنباع مو حرام ياخي صدق انك غبي تبي الخصاره لاخوينا على اقل شجعه مو تقله حرام اجل الي يصدونه مو حرام عليهم يعني حلال عليك تشتريه في القفص اقول لايكثر اقول ياااالاسد صيده ومعليك من هذا الي يقول حرام والله يجعله خير لك وشكرا وتقبل مروري

[الاسد الملكي]

المشاركة الأصلية كتبت بواسطة 1Njood

انا اقول لا تصيدهم حرام خلهم يستمتعون يحاتهم
لو تبي ببغاء رح اشتري واحد محتاج احد يبي ومتعذب عند محلات الحيونات
اما هذا خله فامان الله وش حارق ددمك عليه

اخوي يعني شو الفرق بين تصيد ببغاء بدون ما تأذيه
و تشتري ببغاء من محل طيور ؟؟
انا اقول لك
اشتري ببغاء ادفع مال للبائع
و البائع اصطاد الببغاء
يعني شو الفرق اصيده بنفسي و لا يصيده واحد و يعطيني مقابل مال
و ما حرق دمي ولا شي
انا اقول لك
لو تشوف ببغاء حر امامك و اليف تصيده بدون تردد
و ما تقدر تقول لا
و كل الناس بالعالم كذا يعني هذا حلالك تجي تقول حرام تاخذه ؟؟؟