الكاسكو

[مطنشهم]

السلام عليكم

كيف الحال اخباركم ان شااء الله في احسن حال
http://dc05.arabsh.com/i/01555/hcb0o5isbwxj.jpg

عندي ها الحلو له الحين4 او 5 اياام بدون تصفير بدون حركه في القفص من بعد ما خليته عند البزران اضنهم طقوا او لعبوا فيه
بس مدري وش اسوي عشان ارجعه مثل اول و احسن الحين اذا قربت من القفص يفتح فمه وده يجعر وماوده واذا دخلت يدي عليه وانا لابس القفازات يبدا يصفر و يطلع صوت غريب فمدري ش الحل معاه

[hnoo]

وعليكم السلام ..

اصبر عليه توه جاي .. ماراح يصفر ويطمئن الا اذا بدا يألف المكان ..

انا يوم اشتري ببغائي ماكان يقول ولا شي ..

انت ابعده عن البزران ..

اتركه في مكان ولاتحركه عن مكانه عشان يبدأ يألفكم ..

ولا تدخل يدك عنده لانه مايعرفك ..

اتركه يرتاح وعطه اكل ومويه واتركه ..

واذا جاء بكره الصباح اجلس قباله وناظره بدون ماتسوي اي شي ..

ثم حط له اكل وهو يشوفك .. ولاتحاول تلمسه ..

ولاتنقله من مكان لآخر خله يستقر في مكان .. ويكون المكان بعيد عن تيارات الهواء والشمس ,,

وان شاء الله كلها شهر او اقل ويألفكم .. وان طول اصبر عليه ..

لو تشوف ببغائي اول ماشريته .. كان مايصفر ولا شي وكان خواف ,,

ومايسمح لأحد يلمسه .. واذا احد قرب منه نفش ريشه وجعر ع خفيف ,,

بس الحين الحمد لله صرت احكك له واوكله من يدي .. وصار يطلع ع يدي ,,

وموفق يااااااارب

واعتذر عن الاطااله

[مطنشهم]

الحين كمل عندي شهر قبل كان يصفر و يلعب و احك راسه بس الحيين يرفض حتى انه ما يتحرك في القفص بعد ما لعبو فيه البزارين مدري وش سوو فيه بـ الضبط

[S7R]

والله شكل البزران صفقوووه

انا اقول .. تجمع البزران قدامه ... وتخليه يناظر

وتصفقهم واحد واحد عنده .. لحد مايرضى

هههههههههههههههه .. *

:::: تقبل مزحي :::

انا اقول ان جته ردة فعل .. بعد ماعطاكم الثقه .. بهذلتوووه .. عطه فرصه يسترجع الثقه من جديد

[S7R]

نسيت اقول .. ان السبب ممكن يكون الطفش

طلعه من القفص .. خله يشوف الشمس .. السطح او الحوش

.. واخترع له العاب ... اشتر له استاند

لعبه ... خله يتسلى


تقبل مروري

[مطنشهم]

يسلمو على مرورك يا الغلا

هههههههههه طلعت مهب الحوش الى طلعته الشاارع طال عمرك ما فييه فاايده
وشتريت له لعبه اذا حطيتها عنده قاام يرجف في محله

[كوكو واوا]

ينبغي عليك اخي العزيز عند شراء الطير وضع القفص في مكان مرتفع وتركه مدة لاتقل عن اسبوعين مع تقديم

الطعام والماء له ، حتى تلاحظ انت بنفسك بأن الطير بدأ يتأقلم مع المكان ويظهر ذلك من خلال التصفير وتشكيل

الاصوات واللعب داخل القفص وتأكد دائما من ان براز الطير سليم ولا يوجد به مشاكل كالاسهال .

ابدأ بهذه الخطوة ومن الافضل ترك الطير داخل القفص لوجود اطفال لديك اولا لحماية اطفالك من المشاكل الصحية

التي تسببها الطيور وثانيا لحماية طيرك من عبث الاطفال به والتي من الممكن ان تسبب مشاكل نفسية للطير

ويبدأ في العزلة ونتف الريش .

تقبل مروري*

[S7R]

اجل اصبر .. اصبر عليه ...

والله يكتب اللي فيه الخير

تقبل مروري

[مطنشهم]

يعني ها الحاله النفسيه الى جته ممكن تعدي ولا ..؟؟

[مطنشهم]

^^^^^^^^^^^^^^^^^^^^^^^^^