السكوت بعدالتصفير والامتناع عن الاكل امام الناس

[am2006m]

السلام عليكم ورحمة الله وبركاته

الكاسكو الظاهر زعلان شريته قبل شهر تقريبا اول ماجبته اول يوم صفر وطلع كم تصفيرة انواع واشكال ولعب في القفص بس الان له قرابة الشهر ولا كلمة لاتصفير ولا لعب في القفص وزيادة على ذلك مستحيل ياكل قدامنا لو يجلس يوم كامل ومجرد تودية غرفة ثانية وتشوفه طايح في الاكل دقائق والاكل خالص

الملاحظات

1- بعد ماطلعتة من القفص اليوم الثاني وقصيت جنحانه وهو كاتم لاتصفير ولا لعب في القفص
2- الاكل مستحيل ياكل قدامك فقط إذا اكلته من اليد ياكل بشراها لدرجة انها يجيك إذا شاف الذرة بيدك وإذا شافك جيت وهو ياكل يطلع اعلى استاند في القفص
3- الان تقدر تمسح على راسة وتقلة سلم يمد رجلة ويسلم ويقعد يمسك يدك ثواني وياكل من اليد ومافيه جعرة وشبه اليف بس التصقير انقطع وش السبب
4- ابو الشباب من الفجر الى المغرب وهو قاعد فوق الاستاند اللي فوق القفص مع الاهل صغار وكبار احسه منسجم على الاخر والكل يحبه

ابغى اعرف هل انقطاع التصفير مشكلة وعدم الاكل قدام الناس مرت على احد


بنتظاركم

[عاشق طيور 17]

هوعليكم سلام ورحمه
مبروك على كاسكو

1- بعد ماطلعتة من القفص اليوم الثاني وقصيت جنحانه وهو كاتم لاتصفير ولا لعب في القفص؟
مب عندك بس عند الكل عادي ها شي ياتي الى مرض نفسي فامن اول ما قصيته حاول انك تلعبه واتم معه وقت طويل عسب ما يذكر جناحه فهمت


2- الاكل مستحيل ياكل قدامك فقط إذا اكلته من اليد ياكل بشراها لدرجة انها يجيك إذا شاف الذرة بيدك وإذا شافك جيت وهو ياكل يطلع اعلى استاند في القفص؟
هو يخاف ياكل جدام احد يخاف حد يهجم لانه هو لين الحين مش متعود عليكم وحاول انك تاكله من ايدك و العب معه كثير وخله اكثر شي في صاله البيت عسب يشوف الاهل و ما يخاف



3- الان تقدر تمسح على راسة وتقلة سلم يمد رجلة ويسلم ويقعد يمسك يدك ثواني وياكل من اليد ومافيه جعرة وشبه اليف بس التصقير انقطع وش السبب؟
لانك انت قصيت جناحه وكانك قصيت ايده فاهو الحين حزين ((هو بعد يحس ياخي))حاول انك اتم معه وقت كثير لازم ها شي لو الحين ما تميت معه بعدين عادي يتوحش عليكم وبيكون وايد صعب انك ترد تعلمه او ادربه على شي.


4- ابو الشباب من الفجر الى المغرب وهو قاعد فوق الاستاند اللي فوق القفص مع الاهل صغار وكبار احسه منسجم على الاخر والكل يحبه؟
هو خايف من الكل جماعه يحس انه بيستوي فيه شي هو خايف لازم الكل يعلب ويكلمه ويتعود عليهم


((اخوي اهم شي يكون مع اهلك وياك وقت طويل يعني اي شي تسوي خله وياك مثل خاتمك عسب يتعود ويشوف كل شي تشوف تلفوزن خله وياك قاعد مع الاهل خله صوبك سوالف معه لين ما يتعلم وعلى فكره كاسكو طائر ابسرعه يتدرب يعني ما يكلف وقت وان شاء الله يتعود عليكم))

تقبل مروري

[hamodi44]

اخي الكريم مثل مافال عاشق طيور 17 لازم وبذات في هذه الأيام تجلس معاه كثير وتأكله من يدك واذا خرجة من البيت خليه في مكان تجمع العائلة

تقبل تحياتي

[am2006m]

مشكورين يا اخوان ماقصرتو اجبتو بالمفيد

[naasooh]

إذا صحته طيبه
ماا له ألا العافية
انشااء الله يرجع احسن من قبل
بس
كثر من الكلالام معااه والعب معااه
وألأكل الي يحبه ماااااا ياكله ألا من ايدك

[يوفاوي الكويت]

الكاسكو طائر حساس

وانشالله يرجع مثل قبل

بس خليك قريب منه

وكلمه ولعبه

وتقبل مروري

[am2006m]

مشكورين اخواني وان شاء الله يرجع مثل اول

[NAHHAS]

حاول ان تتقرب منه بشكل اكبر الطير ما يحس بأمان معكم شوف شو اللي مخوفه وازيله.....

[nizarg]

نفس المشكلة وقف تصفير و لكن لم اعمل له شيء يزعله