مهم وعاجل

[تركي بن سعد]

السلام علكيم اخواني الاعزاء

ان شاء الله تكونوا بخير

ان اشتريت ذكر كروان يوم الجمعة الماضي على انه اليف وهو كان على يد صاحبه في السوق المهم قالي اليف وطلع على ايده كذا مره لكن بعد ماشريته حطيته في القفص واتجهت للبيت وطبعا جلسته في محل لمدة يومين اثنين وخليته يتعرف على المكان اللي حصل انه الطير

1- يوم جيت اطلعه كانه خايف وكانه طلع غير اليف حتى انه صار يعض حتى لبست القفاز قلت بشوف وش السالفه صار يعض في القفاز وتحس انه خايف جدا جداً وبصراحه اللي لفت الانتباه انه على طول يعض وخايف

2- في بعض الاوقات تحس انها هادي جداً ولا يتحرك لدرجة انك توسوس انه مريض او فيه شي

3- في بعض الاوقات ايضا ينقلب ويكون متحرك في القفص بحركه وصوت كثير جداً لدرجة الازعاج وكانه يروح ويجي في القفص وكان وده يطلع منه رايح تحت بعدين فوق بعدين يجي يمين يسار مدري وش سالفته صراحه
جرى تحريره للعلم بارك الله فيكم فما ادري وش فيه افيدوني جزاكم الله خير لمن لديه افاده

[iCare]

1. بياعين كثير يجوعون الطيور قبل ما يجيبوها للسوق فتشوف الطير اليف لأنه يبي أكل , لكن اول ما يشبع تطلع الحقيقة , لكن احتمال انه خايف من تغير المكان
2. هل يوجد اثر زكام او اسهال ؟
3. يبي يطلع من القفص , خلي باب القفص مفتوح له و حاول تشيله على يدك لما يطلع من نفسه

[لوتينيو]

تحياتي لك يالغالي ...

نصيحه لك ولجميع الأعضاء الكرام ...
لما تكون بتشتري كروان وراعيه قلك وليف ويطلع على اليد ...
شييك بالطريقه التاليه :

خلي الكروان يطلع على يدك وبعد كذا إمسكه من ظهره وإقلبه ... بكذا يبان مستوى قوة عضه الكروان ...

وبالتوفيق للجميع