الريش المكسور.. و الظفر!!

[كاسكوكيه]

السلام عليكم و الرحمه

عندي كم سؤال بخصوص الكاسكو.. واحتمال يتطبق كم سؤال فيهم على انواع مختلفه من الببغاوات


كنت كاتبه الأسئله في ورقه.. بس ضيّعتها..


قريت في رد أحد الأعضاء.. أن الريش المقصوص.. ما يرجع يطلع مره ثانيه.. على عكس الريش المنتوف .. أريد أتأكد من صحّه هذا الكلام.. ممكن أحد يفيدنا..؟!


السؤال الثاني.. في حالة تكسّر ريشة ببغاء بسبب سقوط أو ما إلا ذلك.. يسقط جزء من الريشه و يظل الأنبوب الملتصق بالجلد في الجناح.. ويتأخر لحد ما يسقط.. ما أعرف اصلن هل المفروض انه يسقط...؟؟ و هل ينمو ولا يطلع ريشه مكانه..؟

هل بإمكاني سحبه حتى لا يضايق الطير..؟!


أريد اقص أظافر شامبيه.. لأنها طويله وايد.. أخاف اقصها زياده عن اللزوم و يتسبب بالنزيف.. هل هناك من لديه صوره تشريحيه لأظافر الببغاء توضّح لنا الحد الي تكون فيه العروق..؟؟

وأشكر كم من كل قلبي

[نمط]

هلا اختي / عليكم السلام ورحمة الله
بخصوص الأظافر انا مثلك ما تعودت أقص الأظافر , بس اخلي الوالد يقصهم وتوه قاص اظافر الامازون قبل كم يوم
الطير بداخل القفص ويلاعبه الوالد لين يسحب رجله ويبدأ يقص اظافره بس شي بسيط منهم
ولا يحتاج يلفه بمنشفة ولا شي , كنت استصعبها بس مشاء الله العملية صارت امامي سهلة

أما بخصوص الريش , الريش المقصوص أو المكسور ما راح يطلع من جديد إلا في حالة وحدة
اذا سقطت الريشة من الطير راح يظهر بدلها , الريشة المقصوصة ما تنمو , لكن اذا سقطت ترجع تنمو
يعني اذا انكسرت الريشة وسقطت وظل الانبوب على قولتك , فما راح تنمو الريشة الا بعد سقوط الانبوب
لذلك لاحظي الفاهمين في ريش الطير , قبل دخول الطيور السباق أو ما شابه بفترة , يقلعوا الريش التالف أو المقصوص , ويعزلو الطير ويحافظو في هالفترة عليه لان ريشه راح ينمو بسرعة ويصير حلو
ولاحظي ان الطيور المدربة ما يقلعو ريشها , وانما يقصوها لانها ما راح تنمو الا بعد فترة (يعني بعد ما تسقط الريش)
جربي اقلعي الريش وبتشوفيه بسرعة درز له ريش
لكن حذاري منن انك تقلعي ريشة "في فترة النمو" تلقي الانبوب فيه دم , هالشي يأثر على الطير

سلام

[الكوس]

اختي كاسكوكيه اسمحيلي تضيف سؤالي بموضوعج

كم يأخذ الطير بعد قص جناحه ليعاود الطيران

للي ما فهم

يعني اذا انا اليوم قصيت ريش الكاسكو مالي و ما قدر يطير ... عقب كم اسبوع بيقدر يطير

[نمط]

الإجابة على سؤالك يالكوس صعب لأنك لو قرأتي مشاركتي اعلاه بيوضح لك شي آخر
قص الريش ما راح يجعل الريش ينمو إلا بعد سقوطه كلياً لينمو الريش من جديد
قلع الريش راح ينمو بسرعة
لكن قص الريش بيطول , متى ما بدل ريشه الطير وسقط الريش المقصوص راح يظهر له ريش جديد
واذا ما سقطت الريش فما راح تنمو الريشة المقصوصة

يعني موسم تبديل الطيور ريشها ممكن ينمو بسرعة لان الريس المقصوص بيسقط
لكن وقت توقف الطير عن التبديل فراح يطول جداً

[الكوس]

يعطيك العافيه

و معاك اخوك

[زياد محمد]

هلا آختي كاسكوكية حبيت اشارك بموضوعك هههه طبعا اخوي نمط والله بصرآحة كفا ووفا ..؟ اختي وديه للبيطري يقصص اظافره افضلك قولي ليش ...؟ لان لو تعور الطير مع القص رآح يزعل منك واحتمال يتغير عليكي

[كاسكوكيه]

المشاركة الأصلية كتبت بواسطة نمط

هلا اختي / عليكم السلام ورحمة الله
بخصوص الأظافر انا مثلك ما تعودت أقص الأظافر , بس اخلي الوالد يقصهم وتوه قاص اظافر الامازون قبل كم يوم
الطير بداخل القفص ويلاعبه الوالد لين يسحب رجله ويبدأ يقص اظافره بس شي بسيط منهم
ولا يحتاج يلفه بمنشفة ولا شي , كنت استصعبها بس مشاء الله العملية صارت امامي سهلة

أما بخصوص الريش , الريش المقصوص أو المكسور ما راح يطلع من جديد إلا في حالة وحدة
اذا سقطت الريشة من الطير راح يظهر بدلها , الريشة المقصوصة ما تنمو , لكن اذا سقطت ترجع تنمو
يعني اذا انكسرت الريشة وسقطت وظل الانبوب على قولتك , فما راح تنمو الريشة الا بعد سقوط الانبوب
لذلك لاحظي الفاهمين في ريش الطير , قبل دخول الطيور السباق أو ما شابه بفترة , يقلعوا الريش التالف أو المقصوص , ويعزلو الطير ويحافظو في هالفترة عليه لان ريشه راح ينمو بسرعة ويصير حلو
ولاحظي ان الطيور المدربة ما يقلعو ريشها , وانما يقصوها لانها ما راح تنمو الا بعد فترة (يعني بعد ما تسقط الريش)
جربي اقلعي الريش وبتشوفيه بسرعة درز له ريش
لكن حذاري منن انك تقلعي ريشة "في فترة النمو" تلقي الانبوب فيه دم , هالشي يأثر على الطير

سلام

تسلم اخوي.. و ما قصرت.. هيه اذكر اخوي كان ينتف ريش الحمام قبل لا يسابق فيها بس الخوف ان نتف الريش يعوّر.. ..

هيه الريش الي ينمو يكون معباااااااي دم .. و الخوف دايمن اني امسك طيري بطريقه تسكر له هالريش و يبدأ بحر الدم يطلع

مشكور اخوي و ما قصرت...

[كاسكوكيه]

المشاركة الأصلية كتبت بواسطة الكوس

اختي كاسكوكيه اسمحيلي تضيف سؤالي بموضوعج

خذ راحتك

[كاسكوكيه]

المشاركة الأصلية كتبت بواسطة زياد محمد

هلا آختي كاسكوكية حبيت اشارك بموضوعك هههه طبعا اخوي نمط والله بصرآحة كفا ووفا ..؟ اختي وديه للبيطري يقصص اظافره افضلك قولي ليش ...؟ لان لو تعور الطير مع القص رآح يزعل منك واحتمال يتغير عليكي

هيه صح.. انا منتبهه لهالنقطه.. بس حبيت اسأل احتمال اوديه البيطري

[سكر]

يا هلا بكاسكوكيه,,,

والله الشباب ما قصروو جزاهم الله خير

بس عندي اضافة بسيطة, كنت ناوي ازلها مع مجموعة اضافات لكن ربي ما أراد,,,

تقدري تستغني عن قص الأضافر بسهولة

تجيبي باطوقة (احنا نسميها بلك),, تكون خشنة شوي,,

عشان نوضح أكثر,, تاخذي البلاط اللي يجي في الرصيف مثلاً,,

وتخليه مثل الاستاند للببغاء يوقف عليه,,

في فترة اسبوع بتلاحظي ان اضافره ما صارت تخدش, وما تصير حادة,,

وبكذا تريحي مخك من القص, ومن الألم ومن الخوف..

وهذي طريقتي مع ببغائي ميزوو,,,

وأحيانا أخليه يمشي على أرض السطح كثير,, حتى ينحت اضافره,,,


تحياتي