أبي اشتري قطوه وابي النصيحه منكم

[دلوعه حبوبه]

انه فشلت مرتين في اختيار القطوه
اول مره شريت من سوق الحمام قطوه شعرها كثيف ومون فيس بس ماعرف نوعها يمكن شيرازيه بس كان شعرها يطيح بشل مو طبيعي وتعبانه وعطيتها حق صديقتي
ثاني مره شريت من سوق الحمام يمكن عمرها شهرين او ثلاثه شكلها مثل الهمالايا بس شعرها مو وايد طويل كانت وايد اكتف وايد
حتى انها شمخت زوجي والجرح كان عميق وايد وكان دايما معاها اسهال يمكن لاني كنت اعطيها كله معلب من غير الدراي
وهم بعد عطيتها حق صديقتي لاني تعبت
ادري طولت عليكم
انه ناويه اخذلي قطوه انشاالله بعد رمضان وارتحت لما شفت الموقع واستفدت منه وايد
بلييييييييييييييييييييييييييييييز ابي تعطوني رايكم بنوع القطه الي اخذها بشنو تنصحون
انه تعجبني الشيرازيه بس هل شعرها يتساقط بشكل متعب
وبعد تعجبني البرتش بس اخاف يغشوني فيها

[دلوعه حبوبه]

ليش محد يرد؟؟؟؟

[sisi_moon]

هلا اختي

انتي ترا فيج مشكله

من تشوفينها مرضت عطيتيها صديقتج وتخليتي عنها

انا قطاوتي ياكثــــــــــــــــــر مامرضووا

بس ماعطيتهم أحد .. وبالعكس انا كنت متكفله بكل شي واعتنيت فيهم وهذا هم الحين يازيييينهم وبعتهم بعد ورواعيهم الجدد مرره مستانســــــــين عليهم

...

والشيرازي واغلب أنواع القطط ذوات الشعر الطويل شعرهم يتساقط ويبي له عنايه على طـــول

البرتش رووعه ويهبـــل بس مراح تحصلينه بكثرره مثل الشيرازي او الهيمالايا

واذا شاكه فيها انها مهجنه او شي

حطيلنا صورتها وان شاءالله راح نساعدج

بالتوفيق

[*(الدلوعه)*]

لا لا تشترين من سوق الحمام

صح انهـ رخييييييييص بس البسس الي عندهم مررريضهـ

روحي اشتري من المحلات الكبيرهـ المعروفهـ وهي مو غاليهـ مرهـ

بس تظمنين صحتها وتكون ألييفهـ ومتعودهـ على الحمام وكل شي

واذا كنتي من الرياض

فعندكـ فيفا وعالم جون والحياة والطبيعهـ ومحلات كثيرهـ معروفهـ ^_^ .

[دلوعه حبوبه]

شكرا عالردود
وبالعكس انه اهتميت واخذتهم عالبيطري بس اول وحده تعبت وكانت ما تتحسن
والبيطري قالي انها من زمان تراجعهم من على صاحبتها القديمه
والثانيه لما شفت القيئ الي يطلع من جرح زوجي خفت انه يكون فيها مرض مو زين لانه الجرح صار يخرع