يأهل الخبره بالببغاء الافريقي

[الحيران]

السلام عليكم ورحمة الله وبركاته
ممكن اذا سمحتو
تنصحوني انا احب الببغاء الافريقي وكان عندي واحد عمره كبير شوي بس يتكلم
كلام واجد بس مايطلع على اليد
شافه واحد عندي وقال ليش متبيعه وتشتري واحد صغير فرخ توكله انت
ويطلع اليف مره زي الحمامه
قلت ممكن يلعب علي عشان يشتريه مني قلت بشوف وش عنده
قلتله طيب اشتره انت قال لا والله مابغاه انا وده السوق
قلت لا والله الرجال ناصحني مو بيلعب علي
قلت ليش ماجرب رحت السوق ولقيت افروخ واجد ممكن سمعتو عنها ولا شفتوها السوق كله فروخ
اشتريت واحد منهم وبدت المعاناه من السيريلاك والابر والذره والموضادات وغيره
وانا اول مره اشتري بس قريت عنهم بالمنتدى
المهم الحمدالله عندي صارله ممكن ثلاث اسابيع وطيب ولا فيه امراض مره والحمدالله
لكن وهناء مربط الفرس انا اوكله ولا اقصر معه
وبالابره ولمسه بس الى الان ينحاش مني ولا يبغاني فيه خوف
اوكله يجلس محله واذا ماعطيته اكل انحاش
اوريه الابره ابغاه يجي لمي والله ولا يعبرني
مدري وش فيه واحس انه موحلو
انا بسأل
اذا احد منكم كان عنده واحد مثله يعلمني ضبط ولا لا
عشان ماتعب عليه ويطلع جبان واذا هو بيضبط بخليه عندي
اللي عنده خلفيه عنهم لا يبخل علي في شي
ومعليش على الاطاله ومشكورين

[mns2009]

مبروك عليك الطير اول شي
خليه يجوع وهو يصير يلحقك مشا تعطيه اكل
ولا تضايقه وفي موضوع مثبت للاخ سكر يعطيك طريقة الاطعام الصحيحة

[كاجو]

مراحب اخوي واللة اناجربت مع فرخ تعبني في اول اسبوع وبعدين صار كويس معاي لكن من خبرتي مع طيور مختلفة لاحظت ان بعض الطيور ماتستعدل ولا باالواسطة ومهما تعبت معاها وهي خوافة ماتصير اليفة..

[الحيران]

المشاركة الأصلية كتبت بواسطة mns2009

مبروك عليك الطير اول شي
خليه يجوع وهو يصير يلحقك مشا تعطيه اكل
ولا تضايقه وفي موضوع مثبت للاخ سكر يعطيك طريقة الاطعام الصحيحة

<<<<<<<<<<<<<<<<<<<<<<<<<<<<<<<<<
مشكور على مرورك بس ممكن يموت ولا يمرض اذا خليته جوعان

[يـــاســـرــر 12]

حلوووووو

طبيعي ولا فيها اي شيء

ورد منس 2009 أعجبني

[يـــاســـرــر 12]

لا لا الحيران لاهوب ميت ولا هوب صاير له شيء


فتره التجويع اخوي من 3 - 5 ساعات بعد الاكل

[الحيران]

المشاركة الأصلية كتبت بواسطة كاجو

مراحب اخوي واللة اناجربت مع فرخ تعبني في اول اسبوع وبعدين صار كويس معاي لكن من خبرتي مع طيور مختلفة لاحظت ان بعض الطيور ماتستعدل ولا باالواسطة ومهما تعبت معاها وهي خوافة ماتصير اليفة..

>>>>>>>>>>>>>>>>>>>>>>>>>>>>>>>>>>>>>

وهاذا اللي خايف انا منه وش رايك ابيعه يعني ولا كيف

[كاجو]

شوف أخوي مثل ماقال mns2009 جوعة وجرب وخلك معه طول الوقت لاتتركة الافي وقت النوم واوقات قليلة جداً
لمدة لاتقل عن ثلاث أيام أذا ماأستعدل ولا أعجبك تصرفة .. مافي شي يحدك تخلية بعة ولا تشتري بعد كذا الا اليفة حتى ماتتعب معاها وبعدين تقول شكلة موحلو بعد يعني انت مو مقتنع فية اصلا بعة وريح راسك..
اصلا اقتناء الطيور متعة وأذا أنت مومستمتع مع هذا الطير مافي فايدة تخلية ......وباالاخر لاتسوي الاالي انت مقنع فية ... تحياتي

[Madrid Spirit]

اياك و تجويعه بهذا العمر

يا ريت تضع صورة للطائر

مو كل الطيور تاكل بالابره و السيريلاك

[لوتيه]

بكم اشتريته ؟؟
بعدين اصبر عليه توه يمكن ماتعود ليش مستعيل عليه حرااااااااام