معركه بين طيوري

[كويتية]

السلام عليكم ورحمة الله وبركاته



شريت من فتره طيور ما أعرف أساميهم لأن ماعندي خبره بأسامي الطيور شريتهم على أساس شكلهم حلو وعجبني
والطيور منوعه في بلابل والباقي مادري شسمهم يعني كانوا عشر أزواج من كل شي



وشريت قفص كبير وحطيتهم فيه

طبعا أول أيام كان الكل بالبيت يشتكي من ازعاجهم لأنهم ماشاء الله كانوا يغردون تغريد جماعي وبكل النغمات

بس عقب كم يوم لقيت طير ميت !

وبعدها بكم يوم مات الثاني

وقعدوا على هالحال كل يوم يموت واحد

ولأني ما أحب ألمس الحيوانات كنت اذا شفت طير ميت أقول للخدامه ترميه بالزباله أعزكم الله


لكن أمي نادتني وقالت تعالي شوفي الطيور ليش يموتون

تدرون شنو شافت أمي

لقت طير ميت ويوم شافته عدل لقت فيه دم ومجروح من رقبه فيه عضه

وثاني يوم بعد مات واحد ونفس الشي فيه عضه برقبته

وكل يوم جذي وماندري من شنو

المهم عقب ما قعدت ألاحظ القفص اكتشفت ان في زوج من الطيور كانوا يعضون الطيور ويموتونهم

بس عقب شنو عقب ما خلصوا على كل الطيور وكان باقي واحد عضوه ومات

كرهت هالطيور وماكنت حابه أشوفهم أحس أنهم مجرمين

وفتحت القفص وطيرتهم