البيطري زعل مني وكان حيطردني..هل انا على صواب

[بسبس مياو]

السلام عليكم
القصة بدأت يوم السبت اللي فات يعني قبل اسبوع ...لاحظت ان تويتي الصغير (شهرين ونص)كسلان وخامل ومايرضى ياكل زي اول ولايلعب مع اخوانه...واستفرغ اخر وجبه اكلها
اليوم الثاني خفت عليه يزيد المرض بالليل وأندم اني ما وديته البيطري...فأخذته على طول للدكتور
كشف عليه وقاس حرارته وقال انها طبيعيه جدا....وسألني هل طعمته؟ فقلت لااااا
انا انتظر لحد مايصير اعمارهم ثلاث شهور علشان تتحمل اجسامهم التطعيم كذا سويت مع امهم
المهم قال لي: هذا فايروس لأنك ماطعمتيه وممكن يعدي اخوانه ...وراح للثلاجه وجاب ابره يبي يعطيها تويتي ..قمت سحبته منه وقلت له لااااا عطيه دوا احسن
قام الدكتور عصب ويتبرطم بالإنجليزي واخوي يضحك ويرد عليه ....انا فهمت انه يقول انا غبي وما افهم شغلي وراح وجاب بيتاموكس وقال عطيه 2.5 مل ثلاث مرات باليوم لمدة 7 ايام ..قلت له بيصير كويس ؟ قال ما ادري ...قام اخوي قال له خلاص دكتور هي ماتقصد بس هي خايفه عليه وخلاص ماعليك منها واعطيه الإبره...رفض وقال لا مابعطيه الابره خليها تعطيه الدوا..
فأقنعه اخوي ان الموضوع مايستاهل كل هذا هي بس خايفه وانت لازم تتفهم
فقام جاب الإبره وسحب تويتي بيعطيه الابره...صراحة انا خفت مرره عليه وخفت اكثر لما شفت الدكتور معصب وقلت يمكن يأذي القطو المسكين علشان ينتقم مني
وسحبت تويتي مرره ثانيه قام قال خذيه يلله ومافي ابره ومالي شغل فيه
اخذت تويتي وطلعت واتصلت بدكتور بالرياض اثق فيه وقلت له على الحكايه وقا لي: المفروض تثقين فيه اذا كان كويس والابره هذي كانت محفز للمضاد بس صار اللي صار والحين اعطيه الدوا وعلمني شلون اخلطه وقال لا تعطيه ثلاث مرات لانها كثير عليه ..اعطيه مرتين باليوم لمدة خمس ايام
وحاولي تجبريه ياكل ..واعطي اخوانه كمان من البتاموكس
المهم سمعت كلامه وسويت اللي قال عليه....صحيح تويتي تحسن شوي وصار احسن وتنشط
بس مارجع زي اول ..يلعب شوي ويرجع لحالة الكسل وينام كثير واذنه احيانا بارده عكس جسمه
وكمان عنده اسهال من ذاك اليوم ..لما يجي يتبرز جزء من البراز جامد والجزء الباقي سايل مرره
ولونه اصفر ...
كلمت امس الدكتور وقلت له..قال اكليه زبادي واستمري عالبيتاموكس يومين وكلميني اذا ماوقف الاسهال وتحسن علشان اكتبلك دوا من الصيدليه البشريه
ما ادري وش اسوي الحين...ارجع للبيطري يعطيه الابره؟ او انتظر ليوم الاحد واكلم الدكتور يوصفلي الدوا...الاسهال مش بكثرة ...مرتين باليوم بس بعد ماياكل...
اعطيته دجاج بالقوة وزبادي بالسرنجة ثلاث مرات باليوم وكمان مهلبية نشا
بس لسه الاسهال موجود....انصحوني ايش اسوي