استفسار عن البلوفرنتد

[rashd33]

السلام عليكم ورحمة الله وبركاته
عندي بعض الاستفسارات وقلت مالها الا خبراء تو زو وهم قدها وقدود
قبل اسبوع شريت لي بلوفرنتد من احد اعضاء تو زو يقول انه فرخ والحجل حقه مكتوب عليه بالطول 11 ينغر وياكل من نفسه بس مايتقن مسك الاكل برجله
اللي شريت منه قال سبحه وخله بالشمس لحد مايجف وسويتها بس الطير تعب من بعدها لما يطير ويسوي مجهود اسمع تصفير من الصدر والانف
اخذت له تايلان واعطيته لمدة اسبوع خف كثير الحمدالله بس اللي محيرني للحين لما يطير اشوفه يلهث وتنفس سريع جدا الطير ولف علي ولما اقوله باي باي يطب على زاوية الشبك مايبي اروح
من القطعه الماضيه استخرجت كم سؤال :
هل مدة اسبوع من التايلان كافيه علما بان الجرعه ثلاثه مل بالفم وبالمشربيه مل واحد ?
هل اللهاث عند البلوفرنتد طبيعي اثناء الطيران ?
الطير ياكل من يدي ويدي غيري ووقف عض واقوله تعال يجي مشي هل مع الوقت ممكن يجي طيران ?
هل من الصحي وضع الثوم والليمون والزنجبيل الطازج في المشربيه او عن طريق الفم ام تركهما افضل ?
هل براز البلوفرنتد اعزكم الله يختلف عن براز الكاسكو من حيث الكميه
واحيان اجد براز الطير على شكل خيوط هل هذا طبيعي ?
هل الغر البلجيكي المرسوم عليه فرخين كاسكو افضل غر موجود بالسوق ?
كلمه اخيره
اشكركم على سعة صدوركم وعلى ماتقدمونه لي ولكل الهواة