مساااااااعده قطتي تلد

[راقيـــهـ بذاتــي]

السلام عليكم ورحمة الله وبركاتة..
قطوتي من الساعة خمس ونص وهي تولد الى الان مانزل ولا كيتز البيطري يقول عادي وضعها طبيعي بس انا ماني متطمنه هي اول مره تحمل عمرها سنه واربع اشهر تقريبا...

ينزل منها اكياس فيها مويه لونها اصفر بس الحين صار ينزل منها دم اكثر من قبل وافرازات القطوه هاديه وما تطلع صوت وتدفع كل فتره وفتره وبعد مو راضيه تدخل فالكرتون اللي سويته لها ومصره تقعد على البلاط..
ابي اعرف كيف اساعدها وهل وضعها طبيعي وهل تحتاج ابرة طلق لانه اول مره تولد عندي قطوه وماعرف اتعامل معها....

ارجو الافادهــ....

لكم جزيل الشكر

[راقيـــهـ بذاتــي]

لا اله الا اللهـ
معقووووووولهـ مااااحد يرد علييييي اقووولكم تووولد تكفووون

[أوليلوو]

هلا والله

معليش توني أشوف الموضوع سوري

إن شاءالله ولدت الحين طمنينا عنها


و إذا لا ..

إجلسي عندها و خليها بالكرتون و تكلمي معاها

و إمسحي على أسفل ظهرها

لين تجلس و إمسحي على بطنها
و إنتي تمسحين كلميها و شجعيها
أحيانا تكون خايفه
و بما انها نزلت أكياس المفروض ينزل البيبي
و شوفي كم كيس نزل
و إذا شفتيها طلعت جزء من البيبي

حاولي تسحبينه بشويش و إذا كان الكيس لازق عليه شقيه
بسرعه من عند الأنف عشان يقدر يتنفس
و لو سمح الله مات واحد فيهم شيليه من قدامها
هي بتولد واحد و بتنزل معاه بشيمته راح ناكل البشيمه و تنضفه
و بعدين بتولد الثاني

..........



أنا صار لي كذا مع قطوتي و أول مره تولد

المهم طمنينا على قطوتك و البيبي

[أوليلوو]

ترى عادي تطول القطوه لما تولد
على حسب عدد البيبي إلي ببطنها

[دلوعةقطوتي]

الله يقومها بالسلامه
خليها على راحتها لاتغصبيها عالكرتون افرشي شي تحتهاعشان ماتوسخ الدنيا
وخليك معاها ان شاءالله تولد بالسلامه

[الخبيرة ناديا]

ابشركم قطتها ولدت اول واحد بسلامه .

وان شاء الله تولد البقيه على خير <<<<متابعه معاها على الخاص

[أوليلوو]

حمااااااااااااس

حاسه بشعووورها والله ربي يسهل على قطوتها

و يقومها بالسلامه

[راقيـــهـ بذاتــي]

كللللللللووووووووش
ابشرركم لووولتي ولدت خمسه وواحد مات ثلاثه منهم صحتهم زينه ولله الحمد وواحد ماعنده ذيل وفيه نفخه بسييطه فظهره وبعد رجلينه كانه متربع
يارب يطيب ويصير زي الفل
الله لايحرمني منكم


مشكوووورين على التفااااعل


جزاكم الله خير

[تجيني ولا اجيك]

عالبركة عاد نبي صور لهم ...

[راقيـــهـ بذاتــي]

ابشرو بعزكم الام لها موضوع في قسم الصور والحين بحط لكم صوره لها مع الكيتز ماصورت غيرها عشان لاتزعل علي...