كاسكو غريب

[المخلب]

السلام عليكم

عندي كاسكو شريته قبل اسبوع غير اليف وفرخ على كلام صاحبه عمره سنه
الكاسكو أول ماجبته كان يجعر وكل ماحد يقرب منه يجعر ولايسكت
شوي شوي راحت الجعره وصار ياكل من يدي كل شيء
صار موقف وكان خطاء مني حسبته بيعضني وحركت يدي بشكل سريع وطاح
ومن بعدها حقد علي وصار ماياكل دوار الشمس من يدي بس ياكل تفاح وطماطم وخيار وبرتقال وعنب بس مستغرب شيء وقت أكله نص التفاحه تتطاير وماياكل الا شوي
ماعرف اذا هو متعمد يقطعها وياكل شيء بسيط منها

الكاسكو مايتكلم ولايصفر ولاشيء
يطلع من القفص على الستاند ويوقف فوق القفص لكن هادي مره وياكل من وحده وشهيته مفتوحه
بس يحك منقاره ويطلع صوت مزعج بمنقاره بشكل يومي وينفش ريشه وينظف ريشه ويرجع ينام
واذا تحركت أو شيء ينتبه لي

واذا لمست راسه يحاول يبعد شوي شوي


واذا قربت وتكلمت منه العين حدقة العين تتوسع وتضيق
بس بعض الكلمات لو قلتها له يعطيني جعره مع مدة رقبه ماعرف وش قصده

واذا شغلت الشاشه على أصوات طبيعه أو ببغاء من اليوتيوب يطير فوق الشاشه

تتوقعون بعد هالقصه ذي الببغاء طبيعي ؟