ساعدوني ببغائي صارت شرسة

[جبال الهموم]

السلام عليكم

عندي ببغاء الدرة ماادري شنو فيها من يومين صارت شيطانة اذا كانت واقفة جنب شي مثلا صحن او ورقة وانا شلتة تركض وراي تبي تعضني او اذا البس وانتو بكرامة نعال لونة وردي تلاحقني تبي تعضني في رجلي اليوم ماقدرت اتحرك منها تركض وراي من مكان لمكان تبغى تعضني بدون سبب

اول ماجبتها البيت كانت هادئة يادوب تتكلم الحين ماادري وش صار لها



ساعدوني

[elnoon]

المشاركة الأصلية كتبت بواسطة جبال الهموم

السلام عليكم

نعال لونة وردي تلاحقني تبي تعضني في رجلي

هههههههه بأمانه اجرامهااا شي حلو صح لووول


اتوقع الدره فيهم فوبيا عض ارجل .. لانه اول دره ربيتها كانت تلاحق اهلي وتعض اصابع رجولهم حتى الوالده ماسلمت منها



المهــــم

كم صالها عندك ؟؟

اتوقع الطير مب اليف 100% واعطيه عندك اقل من 3 شهور وتعود على البيئه الجديده وبدأت تطلع شخصيته الحقيقيه ..

اذا كانت الفيه وفجأة جنت .. اشغليها بالالعاب واعطيها وقت اكثر .. لانها لما تشوف شي ملفت بين ايدك تبي تاخذه وتلعب فيه .. وطريقتها طبعا باظهار القوه من خلال العض

وبعض الطيور فيهم عداء لبعض الاشياء والالوان .. اذا كانت طبيعتها ماتحب هاللون فلا تتوقعين تغيرين طبعها

حاولي تروضين الطير اكثر ^^

الله يعينك على عض الرجول

[جبال الهموم]

صار لها بس اسبوعين اول ماجبتها اليفة وهادئة الحين صارت شيطانة بس تصرخ لااقدر انام لاظهر ولا ليل البارحة الى الساعة 1 وهي تصارخ لازم الا اطلعها من القفص وتتمشى لي في البيت انا ابي انام وهي بتلعب

العض قتلتني حتى الوالدة مسكينة كم يوم اذا تشوفها نايمة تنتهز الفرصة وتعضها في رجلها

خليت لها كل انواع الألعاب ماتهتم لهم تروح الى ريموت التلفزيون تعض الحبات اللي فية شالتهم كامل تروح الى شنطة اللابتوب هذا هو همها بس وعلى طول تبغى تلعب وتمشي برة القفص وهي توصخ كثير تعبت وانا امشي وانظف مكان الوصخ

[elnoon]

توها جديده ومحتاج ترويض اختي
وقت النوم لازم ظلام دامس وتغطين القفص مع فتحه للتهويه
لا تعودينها على اللعب وقت النوم .. وان صارخت طنشي وراح تسكت بعد فتره

العض ماله حل غير التوريض اختي .. خلي كل اللي فالبيت يأكلونها اشيا تحبها بالايد عشان تتعود عليهم

[جبال الهموم]

ان شاء الله

شكرا للمساعدة

[مس^^مس]

ههههههههههههههههههههههههه من جد فوبيا عض ابدعت بالتعبير .. elnoon

الله يكون بعونك جبال الهموم .. والله نفس حالتك

والله يبعد عنك وعنا الهموم يارب ..

[7mamah]

الدره طبعهااااا العض

الدره اللي كانت عندي مربتنها من عمرها شهر ولين 7 شهور وهي تعض احيانا مع انها كانت تاكل من اليد وتطير وتجي على الكتف بس تعض باذني يا حبها للعض

بعديج جربت معاها طريقه خبروني عنها هنا فالمنتدى

انه تغمسي اصبعك بالفيمتو او عصير التوت وتقريبه لهاا وهي بتحاول تعضك بس بتذوق التوت وبتقعد تلحس

وكل يوم نفس الطريقه بعدين لو قربتي اصبعك بدون عصير ما راح تعض لانها بتفكر انه فيه توت


جربي انا هالطريقه بدت تنجح عندي لولا الحادثه المؤسفه اللي صارت لدرتي


والله يعينك اختي