اسئله عن فرخ الكاسكوو تعاالوا يا طيبيين

[7mamah]

السلام عليكم ورحمة الله وبركااته



اليوم لقيت في محل الطيور فروخ كاسكوو هو قال لي عمرهم 4 شهور وياكلون سيريلاك

ما ادري هو ما يعرف او انه يكذب

لانه الكاسكو عمره ما يتعدى الشهرين يعني تقريبا عمره 50 - 55 يوم فقط والبايع على باله اني ما اعرف شي

يا كثرهم الحراميه هههه

المهم مب هذا موضوعنااا


افكر اشتري فرخ

يعني عمره اقل من شهرين

1- شو الاشياء اللي لازم انتبه لها وهو في هالعمر ؟

2- كم وجبه يحتاج في اليوم ؟

3- اذا كنت نايمه طول الليل وما اطعمته لين الصبح هل هذا الشي يضره والا عادي ؟ يعني كم ساعه يقدر يتحمل بدون اكل ؟

4- هل يحتاج فيتامينات في هالعمر او مضادات حيويه ؟ يعني كل كم اعطيه فيتامينات علشان احافظ على صحته على طوول ؟؟ يعني باختصار كيف اخلي صحته دايما زيينه ؟

5- متى يتم فطمه في اي عمر ؟

6- متى نقدر نميز جنسه ؟

7- لو كبر اقدر اخليه في غرفة مكيفه ؟؟ يعني بالليل اغطي القفص علشان ما يحس بالبرد والا شو الحل ؟ لاني اريده يلازمني على طول في غرفتي وانا ما اقدر انام بدون مكيف باااارد

علما بأن غرفتي دايما تكون درجة الحراره فيها 20 - 21 درجه مؤويه << ( حاطه مقياسيين للتأكد من درجة الحراره )

8- متى يبدا الكلام ؟ او متى ابدا في تعليمه ؟ وهل اذا علمته على اشياء من هو فرخ بيتقنها بسرعه والا لازم يوصل لعمر محدد علشان يتعلم؟

و و و و....... بس


ادري الاسئله كثييييره بس شو اسوي دايما اكون خايفه من كل شي وانا قريت المواضيع المهمه والاسئله اللي عن الرمادي لكن ما حسيت اني حصلت اجوبتي بدقه ..

اسفه ع الاطاله

وجزااكم الله خيييير مقدماا ^_^

[الكحلي]

اي طير فرخ لزم يكون في مكان دافي وبنسبه في الاكل وهو فرخ ازعاج لازم كل فتره لزم ياكل اقل شي كل بعد 1ساعه والفرخ مايقاوم للامراض وانا انصحك تاخذ واحد ياكل بلحاله يكون بين 6-5 اشهر على شان الفرخ يجوع بسرعه ولزم ابره وسرلاك وحاله صعبه وترا الي عمره 5-6 شهور يكون مفطوم لايعض ولا يجعر ولا شي واليف واذا كبر عادي الجو بارد دافي حار موحار مره معتدل والجنس صعب لزم تحليل هاذا الي اقدر افيدك فيه

[بحريني خطير]

ياخي وين مكانهم وبكم اسعارهم بروح اخذ لي واحد انا صار لي فتره ادور بهل العمر او شوي اكبر

[الكحلي]

مكانه الر ياض سوق الحمام وترا افريقي مو هولندي

[7mamah]

اخوي الكحلي

تسلم على ردك بس انا سبق وربيت فرخ دره وفرخ زيبرا وما اعتقد انه تربية فرخ الكاسكو بهالصعوبه
بس كنت اتعب في اطعامهم بحيث اني كنت اصحى من النوم علشان اوكلهم اخاف يجوعون فسؤالي هل ماله داعي اني اصحى بنص الليل لاطعامهم والا هذا شي ضروري


بحريني خطير

انا لقيته في محل في الامارات اعتقد بعييد عليك وسعره عندنا 1500 درهم اماراتي



وتسلموون جميعا ع المورررو ^_^

[بحريني خطير]

ايه بعيد لو كان بالسعودية سهله بس الامارات يبالي خط 10 ساعات
احنا في البحرين 90 دينار الفرخ افريقي 150 هولدني
يعني 900 درهم للفرخ الافريقي و 1500 درهم للهولدني
و في 800 درهم فروخ بس نهاية 10 يجيبونهم

[7mamah]

للرفع