كم سؤال تحتاج كم اجابه ...

[كوالا]

السلام عليكم ورحمة الله وبركاته

عندي كم سؤال يحتاجو لكم اجابه

انا عندي كاسكو له تقريبا ثلاثه اسابيع عندي اليف جدا جدا ويطلع على اليد والعب فيه على كيفي

يصفر ويلعب على يدي ماشاء الله

بس مشكلته لي ثلاثه اسابيع القنه كلام والى الان ماقال ولا شي

مع العلم عيونه رمادي يعني توه صغير محجل انتاج 09

طيب متى ممكن يتكلم هل تطول الفتره ؟؟ ماتتوقعو ثلاثه اسابيع كافيه لنطق حتى ولو كلمة واحده ؟؟ ماتتوقعو انه طول ومابعد تكلم ؟؟ انا مستغرب لانه اليف وكل شي ويستقبل كل شي بس مو راضي ينطق ؟؟

اذا بتطول الفتره كم ممكن تجلس ؟؟

مع العلم انه يقلد اصوات تصفيرات انا علمته هي بس مايقلد الكلام

وفيه سؤال ثاني

ببغائي مايحب يتروش

اليوم اول مره روشته بطريقه رش المويه بذاك الشي الي ينضفون فيه القزاز وهو داخل القفص

لاحظت انه خاف وبدا يفتح فمه يعني ماتقبل فكرت الترويش ليه ؟؟

ولمن ارش عليه المويه يهرب عن المويه ويتسلق ويتشقلب

ومع العلم يوم رشيت عليه المويه طلع صوت البوسه وبدأ يحاول ينطق كلام غير مفهوم

انا استغربت اول مره يعملها لمن رشيت عليه المويه هل عملها عن خوف ؟؟

بس هذي اسئلتي واسف على الاطاله

[كوالا]

للرفع

[كوالا]

مالكم نيه للرد ؟؟

[عاشــ الطيور ــق]

والله مالي خبرة بالكلام

ننتظر الخبراء يفيدونك

[ابو محمــد]

وعليكم السلام ورحمه الله وبركاته

اخوي كوالا

اسفين ع التأخير

بالنسبه للنطق يعتمد ع ذكاء الطير وتقبله للمربي,,

ع حسب كلامك الطير عيونه رماديه يعني وقت الخربطه وبدايه كلام,,

الطيور الافريقيه لا تخاف عليها راح تتكلم لكن العمر اللي تقدر تحكم عليه,,

اذا وصل السنه المفروض يتكلم ويدد الكلام اللي تلقنه اياااه,,

بالنسبه للترويش هذا نوع من الدفاع ويمكن يكون الماي بارد,,

الحين اذا الحلاق رش عليك بالبخاخ وشلون تعابير وجهك ؟؟؟

اتمنى اني افدتك.

اخوك ابو محمــــد

[كوالا]

ماقصرتو والله ويعطيكم الف عافيه يا عاشق الطيور وابو محمد

اليوم لاحظت عليه شي جديد

صار يعرف يفتح باب القفص ويطلع

اول مره قلت صدفه فتح الباب ودخلته ورحت عنه شوي ورجعت القاه فاتح الباب وطلع برا

جنني شوي هههه

ربطت الباب بحبل عشان لا يفتحه ههه

كيف اعلمه مايطلع ؟؟

وشكرا لكم

[aloorg]

انا حقي مثل حقق اول شي كان يطلع مع الباب ربط الباب سار يطلع من حق الاكل ربطة صار من حق الماي والحين ما يطلع لاني ادخله واقوله عيب
وهكذا الى ان بطل يطلع الا لمن افك القفص

[كوالا]

شكرا لك اخوي على الرد

انا بربط الباب فتره الين يقتنع انه الباب ماينفك ويبطل يفتحه بعدين بشيل الحبل

ويعطيك العافيه