توليف القطط.... ؟؟؟

[أبو خل]

السلام عليكم ....

لو سمحتم انا اشتريت قطه انثى جديده وكان عندي بالبيت قط ذكر

ممكن اعرف كيف اخليهم يتوالفوا لانهم لما يقربوا من بعض تبدا الانثى بالصياح بصوت مبحوح

ماني عارف كيف اخليهم يتعارفوا ويتوالفوا مع العلم ان فيه اختلاف في العمر الانثى اكبر من الذكر

[nobody-know-me]

اللي اعرفه انا ..

تحط القطو الجديد بالقفص وتحطه بنص البيت - او المكان الي فيه القطو القديم ..

(( لاتنسى تحط الاكل و المويه للي بالقفص لا يفطسسسسس )) ..

وتخليهم كذا تقريبا نص يوم او يوم مدري صراحه ..

بهالوقت بيجي القطو القديم و يلتف حوالين القفص و يشم القطو الجديد و يتقرب منه ..

اليوم الثاني اعكس الموضوع و دخل القطو القديم بالقفص والجديد طلعه برا ..

وكمان قريت مره انو تاخذ فوطه و تمسح القطو القديم بالجديد و العكس ..

لانو القطط تتعارف ع بعضها بالرائحه ف انت اخلط ريحتهم ببعض ..

وكمان خل كل واحد له صحنه الخاص بالاكل ..

اتوقع الموضوع كله يبيله 3 ايام بس و يتوالفو مع بعض ..

هذا اللي اعرفه ، و اذا فيه اي خطا بكلامي اتمنى من اخواني الاعضاء تصحيحه ..