ادخلوا بسرعه ..ضروري

[al3nabia]

هاااي


هاو ار يوو.,.!؟

انا بدخل ع الموضووع ع طوول


اليووم شفت قطوه صغيره بس بعدها مب فاتحه عينها

وامها مب رايضه تأخذها

والقطوه الحين جوعانه ...

بس ابغي اسوي حليب يصير ولا لا ..؟!

ويصير اني اربيها ..؟!


واتنمى انكم تساعدوني ..

[Octopus]

تقدرين تسوين لها الحليب
ومن حيث تقدرين تربيها ولكن هي صغيرة وما تشوف
لو أنتي بغيتي تربيها

[sisi_moon]

في حليب خاص للقطط اعطيييهاا منه

و حتى لو حليب السعوديه مخفف بمااي

واذا قفلت عليج أي حليب اهم شي يكون قليل الدسسسم ومخفف بماي

وشربيه بالرضاعه او الابره .. بس يفضل الرضاعه عشان مايدخل الحليب بكميه كبيييره

وطبعا لازم يكون داااافي

وشربيه كل ساعتييين .. وامسحي منطقه الاخراج عنده عشان يخررج الفضلات

وخليه بمكاان دااااااافي .. وخلي تحته مفررش عشان يكون مريح له أكثرر

و إي تقدريين تربينها .. بس اخذي فوطه وبلليها شوووي مااي دافي ومسحي جسمها عن الوسسخ

[al3nabia]

مشكورين ع الردود وماقصرتوا ..^^

[amul]

حبيتى انا مره القطه اختفت وتركت صغارها واتصلت بالدكتور البيطرى قال لى استعملى لبن الاطفال من الصيدليه لارضاعهم وفعلا كل ساعتين وممكن تستعملى قطاره نقط العيون وبالراحه على الصغيره وافرشى لها شىء مثل البطانيه الناعمه تحتها وحسسيها بالحنان واضغطى كما قالت الاخت بالراحه على فتحه الاخراج وطمنينا على اخبارها

[al3nabia]

اوكي رح اجرب..^.^

يسلمو ع الرد النايس..^^

[كونان]

اختي مدري اخوي

اكيد تقدرين تربينه بس انا انصحك حطيه بمكان دافي زي ماقال اخونا وجيبي كرتون واسع شوي وحطي في فوطه وحطيه فيها الحليب حق الصغار في محل حيوانات موجود بس حاذري تخلينه مركز
خفيفيه اول ودفي واعطيه كل شوي حق ساعتين الى ثلاث بس الافضل كل ساعتين

[سكوتـــــر]

مافيها مشكله من رضاعتها وتربيتها
وانصحك برضاعتها بحليب مخصص للصغار
بمشورة الطبيب البيطري أو أعطائها حليب
خفيف جدا لمدة شهر من الولآده وبعدها
تعوديهم على الاكل من أشياء سهلة الاكل لها

أموفقــــــــــــــــه

[قطوتي لوسي]

ان شاء الله باقي الاعضاء يردون عليك

[ღ الـوفـا كلـهـ ღ]

الاعضـاء ماقصروو .. واهم شي تداركين الموقف ..

لانه صغيير حرام مايتحمـل الجوع ..

عآد طمنينآ عنه يالعنابيهـ .. وان شاءالله خير