من يمسح دمعة هذا المسكين

[JONIM]

السلام عليكم
يا شباب انقذوني ولدي ذبحني يبي كاسكو الي لونه سلفر وذيله لونه احمر بس يكون فرخ ومايتعدي سعره 50 او 60 دينار واذا تعرفون واحد يبيع فروخ كاسكو عطوني رقمه وادق عليه بس افتك من صراخ الولد ابي انام مو قادر
ودمتم لنا سالمين

[الجناحي 10]

والله شاقولك الله يعينك عليه وشترله ونشالله زي ما ولدك حب هذا الطير وطلبه
صدقني حتى انت راح تحبه وتتعلق فيه
((حبيبي انتو عندكم في البحرين محلات واجد وطب وتخير ولا تبخل على الولد

ونشالله جميع الاعضاء مراح يبخلو عليك
وسمحلي على مروري

[JONIM]

مشكور اخوي بس انا من اهل الكويت وياليت تعرفون احد من الكويت

[kaka 02]

أنت من وين أخووي؟؟

[kaka 02]

أعرف مزرعه ببغاوات في السعوديه

في المنطقه الشرقيه يعطيك الببغاء أول ما يطلع من البيضه

[عزيل_قلب]

عندنا في العين ببغاء الكاسكو غالي مرة يمكن يوصل سعرة 4000

[abo_cady]

اما عندنا بالدمام سعر الفرخ الموالف من 1500 الى 2500

[KASKOO]

المشاركة الأصلية كتبت بواسطة kaka 02

أعرف مزرعه ببغاوات في السعوديه

في المنطقه الشرقيه يعطيك الببغاء أول ما يطلع من البيضه

وين المزرعة عطنا اسمها << لاتقولي الديواني اسعارهم مرتفعه مرررررررررره

[abood]

لن يمسح دمعته سواكم اخي العزيز JONIM , الصبر مفتاح الفرج وإن شاء الله تبارك وتعالى وان كان مقسوما ان يحصل على ما يبغي ولدكم المسكين إلى الله, فسييسر الله تعالى أمركم ويرزقكم من حيث تعلمون ومن حيث لا تعلمون وعليكم ان تضربوا له مثلا بالصبر وإن مع العسر يسرا .صدق الله العظيم.

[الأحلام الذهبية]

السلام عليكم

اخوي انا من الكويت وكل اسبوع اروح سوق الحمام

صعب انك تحصل كاسكو بـ 50 أو 60 دينار

أرخص كاسكو (( الفرخ )) 80 دينار

وحاليا صعب تحصل فرووخ يعني لازم تداوم بسوق الحمام تروح كل جمعة يمكن تحصلك واحد يبيع فروخ

واتمنى اني افدتك