قطتي نسيتني .......

[oOKittyOo]

السلام عليكم ورحمة الله وبركاته

أنا عضوة جديدة في منتداكم

عندي شوية أسئلة أتمنى إني ألقى الاجابة عليها من أصحاب الخبرة والتجربة ولا تبخلو بأي معلومة ............
أنا عندي قطة اشتريتها وعمرها شهر وشوية وتعودت عليه وصارت متعلقة فيه كثير وانا كنت مررررررة مبسوطة فيها والآن عمرها تسعة شهور............. وقبل اسبوعين سافرت وتركتها في البيت مع أختي وأنا مسافرة اتصلت عليه اختي وقالت لي ان قطتي تسوي اشياء غريبة وتطلع أصوات مزعجة وطبعا من خبرتي عرفت أنه موعد التزاوج وهذي أول مرة لها بس ما قدرت أوديها احد محلات الحيوانات ولما رجعت من السفر لقيت أنها صارت هادئة وما تطلع أصوات وديتها محل للحيوانات قال لي الطبيب البيطري أنه موعد التزاوج عندها راح ولازم أنتظر للموعد الجاي....


السؤال الأول: متى موعد التزاوج الثاني سمعت أنه بعد عشرة ايام أو اسبوع؟

السؤال الثاني: قطتي صارت هادئة وماتلعب معايه زي قبل وأحس انها ماصارت تحبني ولما أناديها ما تجي زي قبل هل هذا بسبب انها ماتزوجت وراح ترجع زي ماكانت بعد ما تتزوج ؟ وكيف أقدر اخليها ترجع زي أول لأني مرررررررررررررة متضايقة وزعلانة لأنها تغيرت وما صارت تنام عندي زي أول ولما اقرب عندها تبعد خايفة تكون نسيتني او تعبت نفسيتها لأني تركتها وهي متعودة عليه؟

أرجو الرد على تساؤلاتي وعدم تجاهلي وآسفة جدا على الإطالة