يا شباب لحقوني هذي ثالث مشاركة وما لقيت الحل

[محب للكوكاتو]

اشتريت بالامس كروان وحتى الآن يرفض الاكل او حتى التحرك من مكانه سألت البائع عن عمره فقال لي أنه لا يعرف لأن البضاعة(الطيور) وصلوا يوم الجمعة وأنا اشتريته يوم السبت وحتى الآن لم يأكل او يتحرك من مكانه الذي أضعه فيه, مع العلم أنه اليف يصعد على اليد ويسمح لي بلمسهويحاول الهروب قليلا وعندما أعطيه حب شمسي يأخذها ويلعب بها ثم يرميها أعتقد انه لا يعرف أكلها فماذا أفعل ساعدوني لو سمحتم كيف اطعمه ؟! هل بالابرة كالفروخ و كيف وماذا اضع بها؟! تكفون مساعدة يروح عند الاكل يشوفه بعدين يوخر أحس انه ما يعرف شنو هذا
وهذه الصور
[IMG][/IMG]

[IMG][/IMG]

[عالم الكوكتيل]

اخوي انا صار معاي نفس الحاله انه ماياكل


بس طلع السبب الحب الشمسي مايقدر ياكله


الحل حط له دخن

تجي حبات صغيره جدا و لونه ابيض و سعره رخيص الكيلو بربع او نص دينار


تلاقيها عند الي يبيعون الاقفاص و الاكل بسوق الجمعه


بس تبي شي نضيف و مضمون روح محل الواوان مقابلهم ترا اكثر من محل للواوان و كلهم جنب بعض الاكل الي عنده ماشاء الله عليه نضيف جدا

اي خدمه انا موجود

[محب للكوكاتو]

مشكور يا أخوي بس آنا شاري الخلطة و موجود الحب الابيض الي تقول عنه والحمد الله تو بدء ياكل بس شوي .مشكوووووووووووووور والله اول ما شفته ياكل استانست وايد. بس احس أن الأكل مو عاجبه . مومشكلة أحاول اشتريله خلطة ثانية بالنسبة للمحل اسم صاحبة الواوان؟!
بس الكروان خامل غير نشط هل في حل حق هذا؟! ومشكورر وما قصرت تعبناك وايد والله يوفقك و يكثر من أمثالك

[عالم الكوكتيل]

اولا الحمدلله انه اكل


و حاول توكله بيدك


ثانيا اعتقد اسم صاحبه الواوان بس اسم المحلات الواوان


اي خدمه انا موجود بعد بعد ساعه او ساعتين

[محب للكوكاتو]

مشكور بس شلون أخليه نشط؟!
وهو ماأكل الحب الشمسي بس أكل الحبوب الصغار في أكل جربته وتفضله تنصحني فيه؟!

[THE X FILE™]

السلام عليكم

اخوي حبيت اقولك شغله وريح راسك
قي بالجمعيات يبيعون أكل خاص للكروان عليه صورته
وهو مخلوط معاه انواع من الأكل والفيتامنات المفيده
لون العلبه أخضر وعليها صورة الكروان ومكتوب بالعربي ( البغبغاء الصغير )
صدقني جربه وادعيلي ماراح تغيره واذا ماعرفته قولي احطلك صورته

تحياتي

[محب للكوكاتو]

لا عرفته مشكور بس المشكلة طيري احسه للحين صغير و شكله فرخ للحين في أماكن ما ظهر فيها الشعر بس آنا شفته ماياكل الا الحبوب الصغار مثل مال الكناري و البادجي و ما ياكل الحب ان شاء الله أشتريله وادعيلك ؟ انت من الكويت صح؟!
ما تعرف باي جمعية يبيعونه؟! جمعيتنا ما في منه

وانشاء الله احطلكم صورة و تحددولي عمره

[THE X FILE™]

والله اعتقد اغلب الجمعيات يبيعونه
لكن انا دايماً اشتريه من جمعية كيفان تحت السرداب يم محل الزقاير

بالتوفيج

[عالم الكوكتيل]

المشاركة الأصلية كتبت بواسطة محب للكوكاتو

لا عرفته مشكور بس المشكلة طيري احسه للحين صغير و شكله فرخ للحين في أماكن ما ظهر فيها الشعر بس آنا شفته ماياكل الا الحبوب الصغار مثل مال الكناري و البادجي و ما ياكل الحب ان شاء الله أشتريله وادعيلك ؟ انت من الكويت صح؟!
ما تعرف باي جمعية يبيعونه؟! جمعيتنا ما في منه

وانشاء الله احطلكم صورة و تحددولي عمره

اخوي اما بنسبه للشعر

انا عندي اكثر من كروان بعض الاماكن و خاصه الراس مايطلع و اذا طلع شوي شوي يطلع يعني راح يطول


اما بنسبه للاكل


انا شريت واحد و ماياكل الا الحب الصغير



شوف هذه كم اكله يحب حيل الكروان و ترا تخليه سمين متعافي


العيش . الخبز . التوست او الصمون . خس . رويد . جرجير


اما بنسبه للفواكه هي مفيده حيل بس للاسف بعض المرات ماياكله











.

[محب للكوكاتو]

مشكورين و ما قصرتو و الله يعطيكم العافية والله ساعدتوني وايد