أرنـــوبي تعبان ... ليه ؟؟

[شانشيلا ^^]

السلام عليكم ورحمة الله وبركاته

مساء الخير

كيفكم ان شاء الله طيبين

اليوم رجعت من الجامعه وانا مشتاقه لارنوبي

لانه كل مارجعت من الجامعه اسوي له فسحه

اخليه يلعب برى القفص اللين العشا ادخله

المهم فتحت له القفص ما كان اكتيف ماطلع من قفصه ظل جالس

نفس جلسته لما يبغا ينام نص منسدح وهادئ

بعد خمس دقايق قام وطلع برى انا فرحت

بس لاحظت انه واقف بمكان واحد وكنه يشم شي لما طالعت

لقيت الله يكرمكم شكلها بطنه تعبانه قرفت ورجعته القفص

ماكان يبي يدخل بس اش اسوي كاسر خاطري وبنفس الوقت ماقدر اخليه يحوس البيت

حطيت له نعناع بس رافض ياكل لاني دخلته القفص ولا هو ياكل من يدي

ماعرف اش اسوي معاه و اش ااكله ؟؟ ولا اعطيه دوا

وبالنسبه للقفص الحين كيف انظفه بيكون متسخ على طول

انا كنت انظفه مره يوميا احس الارنوب متضايق من وساخته

هو صغير عمره شهرين وكم يوم وانا ما اعرضه لتيارات هوائيه دايم اقعد بدون مكيف وهو بغرفتي
ووقت النوم احطه بغرفه لحاله عشان المكيف والبرد

وباللنسبه لاكله انا بالبدايه كنت ااكله بس خس واحيان احط له جزر بس لاحظت انه مايحبه ولا ياكل الا قليييييل مره

وبعدين اشتريت اكل الارانب من محل الحيوانات وهو حبوب ماعرف اش مكوناتها بالضبط

بس حسيته مل منها فقام اخوي اكله امس خبز محمص لانه مايحب الاشيا اللينه
وكان مبسوووووط وياكل حتى انسدح على ظهره بايدي وانا اكله وهو ماسك بيده معي الخبز وياكل شكله مره كان عسول


بس مو عارفه ليه جاه ذا الشي تيب انا سويت له شي غلط او اكلته شي يتعبه للمعلوميه احيان اشربه حليب لوو فات (قليل الدسم ) وهو ماررررره يحب الحليب ياليت تفيدوني لانه مرررررره مو مبسوط وانا كاسر خاطري وهوا بالقفص وقت فسحته

لا يكون بس انا طقيته عين ياقلبي عليه مررررره احبه احلى ارنوب بالعالمين

وبسال اذا ممكت اجيب له ارنوبه يتسلوا سوى بس مو بقصد الانجاب لانه ادري صغار وكيف اتصرف يعني اعزلهم وقت النوم ؟ واخليهم قدام عيوني يلعبوا ؟


بالنسبه لشكل القفص اش مواصفاته بالضبط وهل فيه اللعاب خاصه بالارنب ؟

هذي صوره لعسولي

اذكروا الله

((ماشاء الله تبارك الله ))

[رعوود]

اختي شانشيلا ^^

بالنسبة للي بارنوبك ياليت تشرحين اكثر

هل تلاحظين معاه اسهال او امساك او انتفاخ بالبطن او البطن قاسي

يعطس والا لا يمشي طبيعي والا لا عشان اقدر اساعدك

اما القفص الافضل يكون نظيف دايما عشان صحته الارنب

والارنوب باين عليه لسا صغير تقدرين تجيبين له ارنوبه صغيره بعمره وتخلينهم مع بعض ماراح يكون فيه مشاكل ان شاء الله

لكن لما يكملون 4 - 5 شهور لازم تفصلينهم لو ما تبينهم يتزاوجو

ولو تبينهم يتزاوجو افضل عمر للتزاوج 6 شهور لكن الارانب تبلغ قبل هالعمر


وبالتوفيق

[شانشيلا ^^]

عنده اسهال بس مايعطس ولا شي ويمشي طبيعي عادي بس خافه حركته

بالقفص المفروض الحين اطلعه يلعب بس اخاف يعدم البيت

قبل شويا شفته مررررره متضايق ويحاول ينظف نفسه ومو قادر والقفص ماره باد

مع اني منظفته امس اخر الليل

قمت نظفت القفص واخذت الارنوب ونظفته بمويا دافيه ونشفته وخليته جوا المنشفه

اللين تاكدت انه نشف تمام

وبس دخلته القفص وهو نظيف اشوفه جالس هادئ

مو متضايق وماحطيت له اكل ولا مويا

مو عارفه اش احط بالضبط اخاف احط له اكل ويطلع هوا السبب

احط له مويا او حليب عادي ؟

[رعوود]

اختي انتي حطيله بالقفص ارضية عبارة عن نشارة خشب

وغيريها باليوم مره او اثنين

الخضراوات والازر والفواكه اقطعيها عنه نهائيا

واعطيه التبن والعلف الجاف

او اسلقي شوية رز بدون ملح وجففيه واعطيه شوي للارنب

بالنسبة للسوائل اعطيه ماي

او مغلي البابونج او مغلي النعناع

[ تحصلينهم داخل مواضيع الارانب المهمة في موضوع صيدلية الارانب للمربين ]

واواني الاكل والشرب تغسلينهم يوميا لما تغيرين الارضية

تغسلينهم بماي حار ومعقمات

ولو استمر الاسهال لفترة اطول

استشيري بيطري لانه ممكن يكون عارض لمرض ثاني

والله يقومه بالسلامة ان شاء الله

وبالتوفيق

[شانشيلا ^^]

هلااااااااا

والله انا حاطه له نشارة خشب واغير له يوميا
والخضروات ان شاء الله ما احط له شي

يصلح احط اكل الارانب اللي يبيعونه بمحل الحيوانات ؟

اوكي الحين احط له الاكل

لاني من حوالي نص ساعه شلت عنه الاكل والمويا

[شانشيلا ^^]

معليه رعود ازعجتك

بس الارنوب ملان جوا القفص تقترح اطلعه ؟ برى

لانه اول ما افتح القفص يطلع ويبدى يناقز بس اخاف امي تقضي علي انا وارنوبي

اذا عدم البيت

وابسالك الارانب لهم اللعاب ؟؟ مثلا كوره او واش يفضلون

[رعوود]

اختي شانشيلا ^^

اكل الارانب الي ينباع اهو نفسه العلف الجاف

وبالنسبة للالعاب اي نعم موجود العاب للارانب

بيوت - عضاضات - البعض ياخذون كورة وعجلة زي الهامستر

والانفاق يحب الارنب اللعب فيها لكن تنتبهي تاخذي نشي مناسب لحجمه وحطي ببالك انه راح يكبر بعدين

فممكن تصغر عليه

[الاسطورة]

اهلين شنشيلا نورتينى صارلك زمان ما جيتي على المنتدى

ما شاء الله عليه رعوود مستشار المنتدى للأرانب وما قصر معك

وارنوبك ما شاء الله تبارك الله عليه حلو يجنن طمنينا عليه

[شانشيلا ^^]

رعووووووووووود مررررررررره ثانكس

ربي يسعدك ويوفقك ويجزاك خير

تعبتك معاي ارنوبي يسلم عليك وبقولك شكرا

وهو الحين اوكي وطلعته قبل ربع ساعه يلعب ماشاء الله مستلمنا تلحيس

ولحس البلاط والاحزمه حقتي وجزمتي

لقيته نظيف كني توي مروشته

[شانشيلا ^^]

اهلييييييييييين الاسطوره

اخبار حيواناتك طيبين ؟

هاه بشر زادوا ولا نقصوا ؟

احسك مدلع الحيوانات انا عمري مافكرت بالارانب بس هذا الصغير دخل قلبي

لانه مدلع عاقل الهامستر افترو فيه عض

كان نفسي افعصهم صغار وقدرتهم على الله وهو يرفع ايده يبي اطلعه من قفصهم المتوحشين

المشكله اعمارهم على شهر ويعضون

وابشرك الارنوب صار اوك ويسلم عليك و يقولك انه هو يجنن لاني انا صاحبته >> طيري

امزح يجنن لانه يجنن

يسعدك ربي شاكره لك سؤالك وربي يخلي لك الله عندك