معئووول من 9 هامسترات صغار لـ واحد؟!

[راعي الرخويات]

السلام عليكم ..

انا متل ما خبرتكم من أبل انو الهامستر تبعتي ولدت من حوالي اسبوع .. وجابت تسعة
فمن أول يوم اخدنهم وحطتون جوا البيت.. ومن يومها ماعدت شفتون ولا شي ..
ومر شي 4 أيام من يوم ما نولدوا .. وصارت الهامستر حتكسر الأفص .. وتيجي بدها تفتح الباب رحت ربطتو بحبل راحت أطعتو..وبعد ربطتو بالحديد اللي بيكون مربوط فيه الخبر ومان نفس الشي متاكل نصو !
انا صراحة استغربت ..وما اهتميت ..
امبارح اجيت عم بفتح الأفص بدي شوفها ازا ماكلة الصغار ولا لاء !
فتحت البيت البلاستك مالئيت شي .. ودورتو تدوير ما في شي..
انا زعلت كتير وكرهتا للهامستر انها مجرمة وما بعرف شو .. وكنت بعدني اليوم بدي كبهم واتخلص منهم
بس كمان استغربت من شي انو البيت فاضي وكانت خايفة عليه .. يعني ضاجت بس فتحت البيت..
فاليوم كنت فايت عالمطبخ ولا ما لئيت الا الخدامة عم تئولي جملة وفيها بيبي .. انا فكرتها عم تسألني ازا أكلت الصغار إلتلها اي ..
آلتلي لا لا انو لئيت واحد صغير عم يمشي بمكان صغير برات الأفص ..
انا استغربت إلتلها إيمتن شفتيه ؟
آلتلي من عشر دئايئ وهي حطتو بالأفص
وراحت ورجتني ياه .. لئيتو كبران وطالعلو شعرات سود
وكان عايش ..أول ما رجعتو عالأفص على طوووول أمو اخدتو وفوتتو جوا البيت وكانت خايفة عليه كتير
فأنا رجعلي الأمل صرت دور بالمطبخ لئيت واحد تاني تحت خزاين المطبخ بس مييت
والمسكينة كانت عم تحاول تطلع تفتح الأفص عشان تجيب أولادها وتدور عليهون
طيب وين ممكن لائي البائي؟
والمشكلة لأن كان الأفص عم يتنأل كتير . .يعني ساعة ماما تحطو جنب باب البلكون
وساعة انا حطو عالغسالة .. وساعة شيلو و حطو بالكريدور .. فما بعر وين أراضيهون
و هل بينفع ازا طلعتها برا الأفص وهي تدور عليهون وتجيبون ؟
وانا متأكد انها ما ماكلتون للستة البائين !
فالله يخليكون ساعدوني ..

[الاسطورة]

طيب دور كويس يمكن تلقى الباقين

واذا عارف انك ممكن بتلاقي الأم اذا فكيتلها القفص سويها اما اذا ما بتلاقيها خلاص عوضك على الله

[ولد ابو متعب]

اخوي شوف اذا كنت بتطلع الام انتبه لا تموت زيهم تر هامستر يدخل باي مكان و لين دخلت يمكن تنشب او يجيها شي و تموت ..

شف المكان الي حاطهم فيه انت خل الام تدور ولا تقربها من فتحاااات ابد

[X - S R I -X]

صارت لي نفس مشكلتك ...
بس انا حطيت القفص بصندوق كبير
وكم واحد هرب ورجعتهم ....
طبعا ما ماتوا .... الحمد لله الحين كبروا وعمرهم اسبوعين ونص

[راعي الرخويات]

الاسطورة..انا دورت منيح بكل مكان بالمطبخ مالئيت غير اتنين من اساس تسعة واحد ميت و واحد عايش..
وشركن لمرورك
..
ولد ابو متعب انا بعدني ما طلعتها ..وانتا عم تئولي ما خليها تفوت بالفتحات .. أصلن انا لئيتهم بالفتحات يعني ..
وشكرن لمرورك
..
X sri X
طيب خبرني كيف لئيتهم وكيف رجعتهم ؟؟
والله يخليك البائي وشكرن لمرورك
....
طيب يا جماعة الواحد اللي ضل اختفى .. امبارح بعد ما رجعناه عالأفص ضل شوي وشفتو بعدين بعد شوي رحت شوفو لئيتو جوا البيت ما عم يتحرك .. بعدين بعد شوي رجعت شوفو مالئيتو نهائيا بالبيت..نكشت البيت تنكيش وما لئيتو !
يعني هل بيكون رجع هرب ولا كيف ؟؟
لأن مستحيل تكون أكلتو .. هي حبة العنب بتنئر نصها وبتتركها !!

[X - S R I -X]

يمكن بالكيس

[X - S R I -X]

وحط قاعدة براسك
هذه المرة عملية الولادة ما نجحت معك
يعني حظ اوفر
المرة الثانية حط القفص في صندوق كبير دائما
من الحين حط
والي راح راح
اصلا حيكونوا ميتين
وانت لا تخاف ترى اليوم مات بكرة تستفيد من اخطائك
انا والله كانوا يهربون من القفص وهذيك مرة كنت بدعس واحد بالغلط لكن الحمد لله ربي وفقني وما دعسته
يعني انت انتبه ... المرة هذي راحت عليك
يمكن الواحد يكون باقي
لكن هذه المرة راحت
المرة الجاية حاول تركز
يعني انقل الحاملة لصندوق مرتفع مثلا

[راعي الرخويات]

فعلن معك الحئ الواحد بيتعلم من أخطاؤو وبياخد العبرة.. ما عاد عندي ولا واحد صغير
وشكرن لنصيحتك ومرورك

[اسير الشوق1]

يجب ان تغير القفص .. او تجري تعديلات عليه ..