ما هو الحل مع الكيكاتو؟؟

[3obd]

السلام عليكم ورحمة الله وبركاته
هذي أول مشاركة لي بالمنتدى
وحبيت اسئلكم اذا كان احد عنده حل مع
صياح الكيكاتو المزعج؟؟
لأنه انا عندي كيكاتو من اربع سنوات وصار يصيح بزيادة من حوالي سنة ومالقيت له حل
والوالد والاهل يقولولي بيعه وانا ما ابغىأبيعه
الطير جرمه كبييير ماشاء الله عليه و على قد ما أدور في السوق ما القى واحد بحجمه وانا احب الطيييير موووت والطير يسوي حركات مررررره حلوه
وذحين انا محتار ايش اسوي؟
اللي عنده حل يعجل الله يخليكم

[عالم الامارات]

هلا

طيب انا ما عندي خبره بس يمكن عشان هو وحيد كذا جيبي له ونيس اشتري الكيكاتو يمكن يسكت جربي

[THE HITMAN]

الأغلب إنه دخل في مرحلة البلوغ والتقلبات الهرمونية حتى راح تشوف يعضك بدون أي سبب بعد فترة وهي تمر بجميع الببغاوات,, والمشكلة الأصعب فيها المكاو والكوكاتو , الحل كثرله ألعاب خشبية وخشب يعضض ويكسر فيه وحاول إنك تحطه في ملحق خارجي أو قبو ولاتنسى إنك تخليه من بعد صلاة المغرب لأنه يحتاج 12 ساعة نوم ضرورية جداً,, إذا ما فاد أي شئ ما لك تجيب له أنثى إذا كان ذكر أو العكس,,, إن شاء الله إني أكون أفدتك
لأن عندي كوكاتو وحاطه في قبو وقفص مفتوح يطلع ويتمشى على كيفه وكل يوم يمسكله زاوية يلعب فيها...

[PINK COCKATOO]

طبيـعي ان الكوكآتو مزعــج ..
وآنآ صـار لي نفس المشكله وجربت احطها بمكآن هادي مافيه ناس كثير ( زي المقلط )
وخــف الصرآآخ ..

[3obd]

مشكورين اخواني على المرور والإقتراحات الطيبة
لكن المشكلة انه هوه خواف جدااا لدرجة انه انا لمن اكون معاه يهدى شوي صراخه لكن بس اطلع من الغرفة تسمع صراخه بقوه وسريع جدا يعني ورا بعض.
واذا احد اتحرك فجأه او رفع شي من الارض بسرعة يطيير على طول ويدور بالبيت لين يشوفني وامد له يدي وينزل عليها والقاه يتنفس بسرررررررعه وخاااااييييففففف مرررره وله صوت زي الشخيير.
وبعض الشباب قالولي يوم يصرخ لا تعبره وشوف ويش يسير ؟
ومافيه فايده يسكت شوي ويرجع من جديد
بس الظاهر انه يبيله ونيس وحبيت اسئلكم
كيف اعرف جنس الكيكاتو انا اللي شريته منه يقول انه ذكر وانا خايف اشتري انثى واتورط ويطلع هوه انثى عشان كذا ابغى اتطمن واتاكد .>>>>>>>>>> صارت مع واحد من الشبااب هههههههه

ملاحظة لاخوي عالم الامارات 3obd) يعني عوبد وهذا يعني عبدالله

وشكرا لكم جميعا

[أبو العيناء]

الله يعينك وافحص ريشه من جسمه عند الخبراء