منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
السلام عليكم ورحمة الله وبركاته
اخباركم شعب تو زوو ؟ ان شاءالله تكونون بأحسن حال
طبعا كلنا عارفين انه الاضاءة من اهم الاشياء في التصوير الفوتوغرافي
بس البعض مننا وخاصه المبتدئين في عالم التصوير مايكون عندهم العده الاحترافيه للاستديو
فحبيت اني اسوي سوفت بوكس منزلي بأبسط الادوات
اول شي الادوات :
راح نحتاج
1- كرتونه جزم (الله يكرمكم ) او علبه هديه
2- ورق شفاف
3- قصدير
4- صمغ او تيب
5- مسطرة وقلم ومقص او مشرط
في البدايه بنشتغل على الغطا تبع الكرتون وناخذ المقاسات المناسبه
ونحدد عليها بالقلم مثل الصورة
بعد ماخذنا المقاسات و حددناها نبدا نقصها بمقص او مشرط
الخطوة الي بعدها نصمغ اطراف غطا الكرتون بالصمغ عشان نثبت عليه الورق الشفاف ويفضل انه يكون مشدود لأنه بيعمل مشتت للإضاءة
بكذا نكون انتهينا من الغطا وباقي علينا الكرتون
نصمغ الكرتون كله من الداخل بالصمغ ونبطنه بالقصدير لأن القصدير بيعمل انعكاسات مع الاضاءة وبالتالي يخلي الإضاءة دبل
الحين ماعلينا الا اننا نحط داخل الكرتون اي مصدر اضاءة ويصير السوفت بوكس جاهز وبهالشكل
وهذي ورشه بسيطه سويتها لتجربه السوفت بوكس
نتيجه الورشه
وبكذا نكون خلصنا
للأمانه فكره الموضوع منقوله بس الشرح والصور من تطبيقي
ان شاءالله يكون الموضوع مفهوم و عجبكم
واتمنى تعطوني رايكم
والسلام عليكم