سؤال للاخ "محماس المنحاس" :)

[like animals]

ألسلآم عليكم ورحمة الله وبركآتة ..
كيفكم يا هواه طيور الحب
سؤال موجّة ل - محماس المنحاس :
شفت بالموضوع اللي حاطة (صور طيور الحب) ان عندك طيور الحب مدربة , وواقفة على ايدك عآآآدي ؟؟ طيب انا عندي فروخ طيور الحب صغيرة وأبي ادرّبها لين أصل للوضع تبعك , ممكن الطريقة ؟
واللي عندة خبرة في التدريب , يتفضل يعطينا رأية
مشكوريييييييين جميـــــــــع~!

[like animals]

وييييييييييييينك ؟؟ وانتم وينكم يا اعضاء 7 مشاهدات وما في ولا رد ؟؟!!!!!!!!!!!!!

[جورجي]

وعليكم السلام ورحمة الله وبركاته
الطريقة هي بتربية الصغار .. يعني من يكون عمرهم 20 او 21 يوم .. توه ينبت لهم ريش .. تغرهم الطعام عن طريق الابرة المنزوعة الطرف الحاد .. تصفر لهم تصفيرة معينة علشان يعرفوا انه وقت الطعام .. واذا كبروا شوي وصار بامكانهم الطيران بشكل خفيف .. توريهم ابرة الغر وانت من مسافة قريبة منهم وتصفر لهم وراح يطيرون لك طلباً للطعام وتلعب معاهم يومياً وطبعاً بامكانك تعليمهم بعض الحركات واحياناً نادرة ينطقون كم كلمة ان كانت سهلة

[like animals]

شكرا اخي لانك رديت على موضوعي ..
يعني اقدر احط فرخ (اذا اقدر بعمر 15 يوم ) احطة بقفص لوحدة بعيد عن الطيور الاخرى حتّى يتعود عليّ ؟؟
هيك انا قراأت ببعض المواضيع ..
والابرة يكون داخلها سيريلاك اطفال بالماء بس ؟؟

[جورجي]

العفو اخوي ..
اخوي الفرخ بعمر 15 يوم صغير جداً .. يفضل من عمر 21 يوم
لا ماتحطه بقفص .. تحطه بصندوق بلاستيك مفروش بنشارة خشب .. وتخليه بمكان دافئ
هذي صور للفروخ من النت ..
بعمر الـ 15 يوم


وهنا بعمر الــ20 يوم


بعمر الـ 21 يوم


بعد مايكبر ويصير بعمر الشهر والنصف تحطه بقفص مع استمرار الغر وتحطه قدامه الحبوب علشان يتعلم اكل الحبوب .. بالبداية هو بيلعب بها .. استمر بغره لين تشوفه صار يعرف يقشر الحبوب ويأكلها بشكل زين .. بعد كذا اقطع الغر
هذي طريقة الغر
http://www.youtube.com/watch?v=OZ9Ya8STc-k
السيرلاك يجي بودرة .. تحط ماء دافئ وبعض البودرة في كوب وتخلطهم .. يعني مايصير سميك او سائل .. الافضل وسط ..وتسحب السيرلاك بالابرة وتغر الفرخ ..
تأكد ان السيرلاك مو بارد ولاحار .. اقصد تخليه دافي .. والابرة تكون خالية من فقاعات الهواء وتضع الابرة من يسار منقار الفرخ

[like animals]

ما شآآآآء الله عليك يا جورجي , عنجد انتا عضو راااائع والله افدتني كثيـــــــــر يسلمو ايديك عالمجهود

[الامل]

الاخت جورجي ماقصرت يعطيها العافيه ردودها اكثرمن رائعه
لكن من الافضل تستعمل خلطات الطيو الجاهزه حتى تزداد حجم فروخك ولان السيريلاك يسبب اسهال للفروخ وهذي صور للخلطات الجاهزه



وربي يوفقك ان شاء الله

[مـحـمـاس الـمـنـحـاس]

في البدايه اعتذر منك لتأخري بالاجابه
وذلك لضروفي الخاصه

ع العموم الاعضاء ماقصرو وكفوو ووفوو
الله يعطيهم العافيه

[like animals]

مشكورييييين ,, بس يا اخ محماس المنحاس انتا عملت نفس الطريقة مع الفروخ ؟؟
وأقدر استبدل طعام الفروخ الجاهز بسيريلاك الاطفال ؟ لانني يمكن ما القى طعام الفروخ بمحلات بيع الطيور .!!