وش الحل .؟! فرخ الببغاء لا يأكل !

[مااجد]

السلام عليكم ورحمة الله وبركاته ..

أخواني الأعزاء .. تحية طيبة وبعد ..
أنا عضو جديد بهذا المنتدى الأكثر من رائع .. وهذا أول موضوع لي بالمنتدى بشكل خاص وبالمنتديات بشكل عام ..
إذا كان الموضوع في غير مكانه .. أرجو وضعه بالمكان المناسب .. لأنني لا أعلم شيء بالمنتديات ..

موضوعي يا أخوان .. عندي فرخ ببغاء الدرة المطوقه .. تم إنتاجه عندي بالبيت بتاريخ 16/05/1433هـ .. وهو أول إنتاج .. أي أنه عمره شهرين ونصف .. ومكتمل الريش .

مشكلته أنه لا يأكل .. منذ عشرة أيام أو أكثر وهو لا يأكل .. فقط أمسكه وأضع الشرنقة بحلقه وكبس السيريلاك بالقوة ..
عطيته فواكة مقطعة ومهروسة ، عطيته حبوب داور الشمس مقشرة ، عطيته الكاجو والفستق المقشر والفول السوداني ، ولكن لا فائدة ، فقط يأخذ الحبوب من يدي ويفتتها خارجآ ، لكن لا يبتلعها ..

معلومات عنه :
أخذته من والديه بعد ولادته بحوالي عشرة أيام ، بعد ملاحظتي أنه جائع وحوصلته فاضيه مع والديه ، فقمت بأخذه وإعطائه ( السيريلاك بالعسل) ..
الآن هو لا يستطيع الطيران ، جناحه الأيمن به مشكلة ، لا يستطيع فرده للأخير مثل الأيسر ! حاولت أن أفرد جناحه ولكن يبدو أنه مكسور وتجبر وهو ملتوي قليلآ ..
يحاول مرارآ وتكرارآ الطيران لكن لا فائدة ..
أيضآ رجله اليمنى ليست مستقيمه مثل اليسرى ، بها إلتوى إلى الأمام من نصف الفخذ ..
أغلب وقته طليق بالبيت ، ونادرآ ما أضعه في القفص ، وبعد وضعه لا يهدأ له بال ، يبدأ يلف ويدور ويصيح إلى أن يخرج بمفرده ، يقوم برفع باب الأكل والشرب ، يرفعه بمنقاره ويخرج ويمشي إلى أن يقترب منا ويبقى مستمتعآ معنا ..
عنده إسهال من يومين ، وكثرت فضلاته في اليومين الأخيرين .. والسبب أظنه من السيريلاك ، لأنه خفيف .. منذ عشرة أيام وأنا أخففه له حتى يبتلعه .. لأنه إذا كان ثقيل لا يبتلعه ..

سبب كسر رجله وجناحه مجهول .. كل ما أعرفه أنني أخذته هو وأخيه الأكبر .. عندما لاحظت أنهما جائعين .. طبعآ الكبير كانت عينه منتفخة .. ورجليه مكسورتان .. بقي ثلاث أيام يصيح ليلآ ونهارآ إلى أن مات ..
وبقي هذا الصغير معي .. ويبدو أنه سيلحق بأخيه الأكبر ..

أرجو من الأخوة ذوي الخبرة مساعدتي ..
لأني تعبت صراررراحة .. وأخشى عليه الموت ..

وشكرآ لكم مقدمآ ..
تحياتي : ماجد الدوسي الزهراني ..

[ماجد علي]

أعرضه على طبيب بيطري في أسرع وقت.

[بلاك بيري]

انصح بغر الطير وان ل تقدر وابوي الطير موجودين ويغرون فروخهم انصحك بوضعه عندهم الطير توه ما يقدر ياكل لوحده

[مااجد]

المشاركة الأصلية كتبت بواسطة ماجد علي

أعرضه على طبيب بيطري في أسرع وقت.

هلا أخوي ماجد ..
إذا ما لقيت حل .. إن شاء الله أعرضه ع البيطري .. بس كمان ماني عارف وين ألاقي بيطري .. عندنا بالمنطقة ..

ع العموم مشكور أخوي ،،

[مااجد]

المشاركة الأصلية كتبت بواسطة بلاك بيري

انصح بغر الطير وان ل تقدر وابوي الطير موجودين ويغرون فروخهم انصحك بوضعه عندهم الطير توه ما يقدر ياكل لوحده

هلا أخوي " بلاك بيري "

هو دائمآ بيروح يوقف عند شبك أبويه ..
بس ما أقدر أدخله عندهم .. لأنه صار يخاف منهم .. ويجلس يهاجمهم ويهاجموه ..

أشكرك أخوي ع إهتمامك ..

[بلاك بيري]

اجل مالك الا الغر اخوي

[Love kasko]

مثل ما قال لك اخوي بلاك بيري مالك الا الغر

بس وده بيطري احسن لك وله وعشان تضمن انه ما يموت وبعدين تتلوم فيه

وربي يشفيه يااااااااااااارب

[مااجد]

المشاركة الأصلية كتبت بواسطة بلاك بيري

اجل مالك الا الغر اخوي

المشاركة الأصلية كتبت بواسطة Love kasko

مثل ما قال لك اخوي بلاك بيري مالك الا الغر

بس وده بيطري احسن لك وله وعشان تضمن انه ما يموت وبعدين تتلوم فيه

وربي يشفيه يااااااااااااارب

أخوي "بلاك بيري" ، أخوي "Love kasko" يعطيكم العافية على إهتمامكم .. بس وش يعني "الغر" .؟
أول مرة أسمعها .. فهموني الله يرضى عليكم ..

أما الطبيب البيطري ، فوالله المشكلة أني ما أدري وين الاقي طبيب بالمدينة اللي انا فيها

شاكر لكم أخواني ..

[none!!!]

اخوي يعني تعطيه اكل ب الابره

وافضل تعرضه لبيطيري

[مااجد]

المشاركة الأصلية كتبت بواسطة none!!!

اخوي يعني تعطيه اكل ب الابره

وافضل تعرضه لبيطيري

أها ..
طيب أنا لي شهرين وأنا أأكله بالإبرة !
أصلآ ما يأكل إلا بها ..
بس مشكلته إلحين رافض يأكل .. بس بالغصب أعطيه .. شوي يروح لحوصلته وبالباقي يرجعه بلسانه ..

يعطيك العافية أخوي .. "none"