موضوع بخصوص الهامستر حقي ..مهم..

[8lb al3na]

السلام عليك ورحمت الله وبركاته اما بعد
اليوم جاي بخصوص موضوع الهامستر اللي عندي
والموضوع ألا وهو ان هم موضوعين في قفص واحد
وان الذكر كل مايبي يتزاوج مع الأنثى الأنثى تتهاوش معاه او تحط رجلها وتنحاش .شالسالفه يالطيبين تعبت معاهم هذول لمى متى وهم رح يضلون على هالحال ...؟
عطوني حلول ....
وسؤال ثاني ماهو الطعام الممكن اني ااكلهم مابيهم يزهقون
لاني ماأعرف غير دوار الشمس والتفاح والخيار والبسكويت
هل فيه انواع اخرى لهم ومحببة لهم .؟؟
وقبل لانسى شي هل لو وضعتهم في غرفه بددون مكيف وحر موت يضرهم ..؟

[عاشقة قطوتها]

اول شيء صباح الخير ..

ثاني شيء بالنسيه لموضوع انك تحطهم بغرفه حرر وبدون مكيف هذا الشيء يضرهم لاني مره سالت الاعضاء هالسؤال وجاوبوني ان الهامستر ابدااااااا مايتحمل الحر ..يعني حطه في مكان معتدل الحراااره مو باااارد مره ولا حااار مرره وفي الاوقات الي يكون فيها الحررر مميت يعني زي الظهر والعصر حاول تجيب علبة مويا ابو ريال وتعبيها مويا وتحطها بالفريزر الى ماتجمد بعدين حطهاا جوه عندهم في القفص اوو تجيب لهم كبس ثلج الصغير وتحطه عشان يبرد عليهم ..

وبالنسبه للاكل ..

فيه طماطم +جزر+كوسه (لاتكثر منهاا عشان مايجيلهم اسهال فديتهم )+خبز ناشف +اكلهم الي من محل الحيوانات كله حبوب مشكله +خس.. هامستري مرره يعشقه +البسكوت كمان بس انتبه مايكون بسكووت مرره حالي ولا مااالح افضل شيء بسكوت الشاااي الي يكون سكره معتدل ..

وبالنسبه للتزاوج مدري والله البقيه يفيدونك ^_^

ربي يحفظهم لك

[8lb al3na]

مشكوره اختي عالأفاده

[عاشقة قطوتها]

العفوو

[8lb al3na]

الو وين الناس

[الدميه الصغيره]

وعليكم السلام ورحمه الله وبركاته
انا سمعت معلومه بس والله ما ادري انه اذا كان في همسترين في قفص واحد يقتل واحد الثاني وانا قد جربت حطيت اثنين مع بعض وبعد يمقن بعد 2شهر قتلت البنت الولد
وو......و .شسمه اي اذا بغيتي اكل روحي واشتري مكسرات هم يحبونها وعندك جزر خس تفاح ووو..ااشتري بذور منوعه حقت همسترات
وبالنسبه للجوو اعتقد انها تروح الحقول لانها تكون رطبه وفيها مويه واشجار طويله تحجب عنها الشمس وواصلا هي دايما تدخل جوا البيت الي جوا القفص...............................
واتمنى افدتك
والسلام عليكم

[8lb al3na]

انا سؤالي المهم الحين هوا التزاوج لان صار لهم مده والمفترض جابو بيبيز
حتى صاحب المحل اللي شريتهم منه كل ماشافني قال ها صديق في جيب هامستر بيبي
ههههه انني ابكي ) ..
ولا بعد انا عاطنه وبر قبل مده وجابو عنده عيال 3 وواحد مات وانا مالت علي
وبالنسبة مايصير اثنين في قفص فما اتوقعها صحيحه

[Mad Mood]

اولا لازم نعرف نوع هامسترك، وعمرهم

اذا روسي وعمرهم كبير فعادي خلهم مع بعض.. ورفض الذكر هنا يعتبر من علامات الحمل

لكن اذا انت متأكد انها مو حامل فالرفض هنا معناه انها صغيرة او الذكر اصغر منها.. خلهم مع بعض فترة وتحمل

اذا النوع سوري فيجب فصلهم كل هامستر بقفص لوحده.. وإدخال الأنثى ع الذكر كل يوم او يومين ومراقبتهم.. لأن الأثنى إذا كانت في غير فترة الشبق الجنسي رح ترفض الذكر وتقاتله وممكن واحد منهم يموت.. أما اذا كانت في فترة الشبق رح تتركه يلقحها.. وفي الحالتين يجب فصلهم سواء تم التلقيح او لم يتم

وزي ما قلت لك تدخلها في قفص الذكر كل يوم لعدة دقائق وتفصلهم حتى يتم التلقيح

الشبق هو فترة الاستعداد والرغبة الجنسية.. تأتي للأنثى بشكل دوري كل 3 او 5 ايام وتستمر من يوم الى يومين

بقية الاسئلة فادتك فيها عاشقة قطوتها ما قصرت

واذا عندك استفسار ثاني انا حاضر

ويا عاشقة الطماطم من الاطعمة الممنوعة على الهامستر

[8lb al3na]

والله انني كنت استنى ردك من زمان لاني شفت مواضيعك وقلت محد هنا موثوق الا انت والبعض فقط
مثلا عاشقه اول ماقالت طماطم ع طول رحت وحطيت لهم وحده كامله زين انك نبهتني انه ممنوع
ونوع اللي عندي .روسي
وعمرهم .مناسب للتزاوج والذكر اكبر بس اذا تبي بالضبط كم عمرهم ماعرف
لان صاحب المحل هو اللي قال ان العمر مناسب للتزاوج
وبما ان هالأيام اشوف الذكر يرفض فاتمنىانه علامة انه الأنثى حامل
ومشكور حبيبي ماد مود

[Mad Mood]

العفو حبيبي هذا واجبي

اشكرك على ثقتك وذوقك والمنتدى فيه من هم افضل مني

الطماطم كثير يخطون فيها حتى بعض المحترفين.. والحقيقة انا ما اعرف اضرارها واتمنى اعرف.. لكن قرأت مرة انها في قائمة الممنوعات فامتنعت عنها.. كذلك وجدت ان كثير ممن يشتكون من امراض الهامستر في المنتدى يشتركون في انهم يطعمونه الطماطم.. فزاد حذري منها وارجو ان اكون على صواب

تصحيح اخوي.. الذكر لا يرفض الانثى ابدا، فهو جاهز للتزاوج معظم الوقت.. لكن الأنثى هي اللي ترفض

قد يمر الذكر في حالة كسل او خمول طبيعية فيرفض اقتراب الانثى منه او يصرخ او حتى يحاول الهرب منها.. وهذا لا يسمى رفض تزاوج وانما مجرد حالة مزاجية

رفض الأنثى للذكر ليس دائما من علامات الحمل.. قد تكون هي الأخرى غير مستعدة او تمر بحالة مزاجية ايضا او انها ليست في فترة الشبق ولذلك ترفضه ولكنها بعد أيام يجب أن تستجيب له

أما إذا حملت فإنها سترفضه دائما ولن تسمح له بتلقيحها حتى تلد

اذا كانت الأنثى غير حامل واستمرت في الرفض فأنصحك بعزل الزوج عن بعضهم لمدة يومين ثم وضع الانثى في قفص الذكر وليس العكس.. لأنك لو وضعت الذكر في مكان الانثى سترفضه وتقاتله لأنها تحمي منطقتها.. لكن لو وضعتها في قفص الذكر سيكون هو المسيطر بحكم المنطقة والرغبة في التزاوج ايضا وسيتم التلقيح بسهولة

هذا فيديو يوريك تزاوج الهامستر الروسي عشان لو شفت هامستراتك تسوي مثلهم تطمن انها تلقحت



واذا عندك سؤال انا تحت امرك