لأهل الخبرة جيرمن شبرد , كلبي يخاف من الكلاب ؟

[fitness]

السلام عليكم
معاي كلب جيرمن شيبرد عمره سنه ونص الان , وكان شرس واذا شاف كلب ينبح وتبين شراسته ,المهم
وقبل 4 شهور عضه كلب من عند ظهره وعالجته , وبعدها صار يخاف من كل شي من الناس والكلاب , اتمشى معاه في الشارع اذا نبح عليه اي كلب يخاف سواء صغير او كبير او كلب شوارع ولا صار ينبح اذا طلعت معاه , ارجو الافاده شنو الحل ؟ ملاحضه في البيت مايخاف من الناس الغريبين لكن اذا جا كلب غريب يخاف منه .

[Nona999]

وعليكم السلام ورحمة الله وبركاته

خوفه نتج عن موقف حصل له وكانت ردة فعله الخوف المستمر من الناس والحيونات الاخرى ..

الواجب الان استعادة شراسته وثقته بنفسه ..

الحل : اذا كان بإمكانك احضار كلب ودود واليف جداً لتعريفه على كلبك وذلك لكسر حاجز الخوف يقولك " اذا بغيت تتخلص من مخاوفك واجها "

احضر الكلب بعد ان تتأكد من انه اليف جداً مع الكلاب الاخرى وقدمه لكلبك بالتدريج لانك ماتعرف ردة فعل كلبك لو لمسه كلب اخر ممكن ينقلب الخوف لدفاع عن نفس ويحوس عليك الكلب الثاني ويأذينه

فالواجب انك تحرص على تقديمهم لبعض وهو انك تربط كل واحد فيهم بليش ويكونون هادين ، كلبك اكيد بيكون هادي لانه خايف لكن احرص ان يكون الكلب الثاني هادي ايضاً ومسح على الكلب الثاني بحيث توضح لكلبك انه آمن ولطيف

وشوي شوي قربه لكلبك لحد مايوصل عنده وانت تمسح على الكلب الثاني وعليه وراح يبدون يشمون بعض " يتعارفون " اذا شفتهم كويسين مع بعض حاول تلعبهم بكوره او شي ثاني

بس اهم شي تخليهم يجلسون مع بعض اكثر من مره لحد ماتشوفه استعاد ثقته

واي استفسار اخر احنا بالخدمه

موفق

[fitness]

اخي الكريم صاحبي معاه كلبه جيرمن وبعض المرات يجي عندي ونهدهم مع بعض ويشمون بعض ونفس الحاله

[fitness]

قصدي يعني نفس الحاله ان يمشون مع بعض في الحوش ويتمشو ولا في كراهيه ولا يخافو بس اذا طلعت معاه ونبح عليه كلب من الشوارع يخاف وينزل راسه واذا قرب كلب الشوارع الصغير ينصدم من حجم كلبي ولا يضارب وكلبي يشم ريحته من ورا طبعا كأنه يبي نثيه وما ادري شنو الحل

[Nona999]

اختي * لاني بنت

اخوي غلط تترك الكلبين مع بعض لان مستحيل بيمشون مثل السمن على العسل ..

حط فبالك واحد منهم بيفرض شخصيته على الاخر لان الكلاب بطبعها قياديه فأكيد بيكون واحد القائد والثاني التابع واحنا مانبيهم كذا لاننا مانبي واحد يبني شخصيته على حساب شخصية الثاني

ولو فرضنا ان الكلب طول عمره معك فلو تلاحظ اما انت القائد وهو التابع او العكس ..

فالان كلبك هو التابع لكلب صاحبك

[fitness]

ارجو مساعدتي يجماعه ابي كلبي اذا شاف الكلاب الي برا الشارع ينجن نفس قبل وينبح , مو الحين ينبحو عليه وينزل راسه او يلف ورا ظهري شكله صار خواف بين الناس , ومنظره حلو وحجم وبيور

[Nona999]

سنه ونص يكون اكتمل وغالباً يطلب تزاوج لكن لاتزاوجه عشان مايوقف حجمه خله للسنتين بعدين زاوجه

وشي طبيعي جداً اذا حصلت الكلب الكبير ماينبح على الصغير كل الكلاب كذا تقريباً ماتنبح الا على اللي اكبر منها او نفسها بالعمر وخاصه اذا كانو من نفس الجنس

لكن اذا واجه كلب كبير او بعمره هل يخاف وينزل اذانه ويضع ذيله بين رجوله ويتخبى وراك او يجلس بالارض ؟

اذا كان تصرفه كذا فهذا بسبب العضه اللي حصل له بالسابق وشكلها كانت عضه قويه جداً

واذا كان مجرد يتلفت ولا ينبح فهذا غير مبالي وليس خائف

حالياً حاول تخلي كلبك يشوف ويجتمع مع كلاب اخرى ولكن مايتهاوش معها خله يشوف كلاب اخرى اكبر منه عشان يتعلم وياخذ من صفاتهم القويه

[fitness]

ماقدر اخليه يجتمع مع كلاب لأني ماعرف احد عنده , وانا اذا تمشيت فيه بالشارع وهجموا عليه 4 كلاب شواره حجمهم صغييير وينابحو عليه من ورا ظهره يخاف ويجي عندي ومايواجههم ويلف وجها كأنه يبي يهرب

[jassim99]

اضم صوتي لصوت مشرفتنا نونا

و بزيد كلمتين بس قبلهم سؤال.... كيف عضه الكلب الثاني ؟ كيف سمحتله ؟ هل كنت تمارس الفايت ؟

----------------------------

الاولى اذا كان قصدك انك لمن تهد الكلب على كلب صاحبك تبيهم يدخلون فايت فهذا موضوع ممنوع طرحه او السؤال فيه بالمنتدى

الثانيه كلبك شبه منتهي ومتدمره شخصيته و اذا تبي رأيي الشخصي بيعه او عطه احد و اشترلك كلب ثاني و اسسه صح

[fitness]

اخوي جاسم ارد على اسألتك الكلب كان عمره 9 شهور تقريبا وكان قوي الشخصيه وفتح باب البيت عشان دخول السياره وكان واحد في الشارع يمشي وكان ماسك كلب مجاول من الانواع هذي وراحله كلبي يبي يشم جسمه راح يركض والكلب الثاني لف وعضه من عند ظهره , والكلب الحين عمره سنه ونص وفي البيت ينبح اذا سمع صوت ومايرضا احد يدش البيت اي شخص , اذا خرج من البيت يصير خكري ويخاف من الكلاب ومايسوي شي نفس كلب الزينه , بس حرام ابيعه حجم وبيور وحلو الكلب ولا اقطه وعندي سنه ونص اوكله ومتعلم علي وطاعه ؟