نتف ريش الببغاء !!

[Tofee]

السلام عليكم ورحمة الله وبركاته

من شهرين لاحظت ريش الببغاء بالقفص
حسبت ان الريش يطيح من نفسه
بس كلها كم يوم لقيته اصلع . انا جت فتره وانشغلت عنه وماصرت اشوفه دايم
ولاحظت انه هو ينتف ريشه مو يتساقط بنفسه !!



هذا صور له من شهرين





وهذا هو الحين = (





والمشكله كل مايرجع ينبت ريشة ينتفه من جديد
وهو مافيه شي صحته زينه يلعب وكل شي بس لما اخليه لحاله يبداء ينتف ريشة

ممكن تقولون ايش السبب ؟ و كيف الريش يرجع ؟

[ٌابوعمر]

السبب عقده نفسيه لانك مهمله شلون يرجع اول شي تغذيه سليمه ثاني شي تقعد معه اكبر وقت ممكن ثالث شي تحط العاب له بل قفص او قطع خشب او تخليه على استاند
نصيحه دفييييييييييه ترا بدون ريش بيموت بسهوله من البرد

[توريس]

اخوي ما عندي الخبرة الكافية بس انا ببغاء كان ينتف والحمد لله الحين قاعد يطلع ريشه
1) حاول تلعب معه وتشغله
2) إذا بتغيب عنه وفر له العب يتسلى وينشغل بها
ما نفع السابق
(ادهن جسمه بزيت الزيتون لانه يكره ريحته وما عاد بينتف)
حاول تستخدم خلطة الصبار مفيدة مررررره
اتمنى اني افدتك والاخوان ما بيقصرون

[توريس]

واخوي ابو عمر صادق في التدفيه شيء مهم

[Tofee]

المشاركة الأصلية كتبت بواسطة ٌابوعمر

السبب عقده نفسيه لانك مهمله شلون يرجع اول شي تغذيه سليمه ثاني شي تقعد معه اكبر وقت ممكن ثالث شي تحط العاب له بل قفص او قطع خشب او تخليه على استاند
نصيحه دفييييييييييه ترا بدون ريش بيموت بسهوله من البرد

مشكله اني مشغولة بالاختبارات ومع اني اقعد اذاكر عنده بس ينتف
والتغذية كويسة الحمدلله .. وغير كذا مدفيته كويس بغرفه دافية و اغطي القفص حقه مع انه ينزعج شوي
فيه ناس نصحوني احط له طوق عشان ماينتف
رايكم ؟!

[Tofee]

المشاركة الأصلية كتبت بواسطة توريس

اخوي ما عندي الخبرة الكافية بس انا ببغاء كان ينتف والحمد لله الحين قاعد يطلع ريشه
1) حاول تلعب معه وتشغله
2) إذا بتغيب عنه وفر له العب يتسلى وينشغل بها
ما نفع السابق
(ادهن جسمه بزيت الزيتون لانه يكره ريحته وما عاد بينتف)
حاول تستخدم خلطة الصبار مفيدة مررررره
اتمنى اني افدتك والاخوان ما بيقصرون

احاول ادهنة بزيت زيتون
ويارب يطلع ريشة من جديد = (

ماقصرت اخوي

[ابو مزنه]

انا عندي نفس الحالة ومع انه كان على استاند الا انه ينتف ريشه ماادري وش السبب لكن يااختي حطيله نبته اسمها المر حطيها مع المويه وادهني الطير وان شاء الله تحصلين نتيجه طيبه

[بلاك بيري]

لا حول ولا قوة الا بالله
يؤسفني ان ارى الطير بهذه الحاله
المشكله عقده نفسيه بسبب الاهمال الحاصل من طرفكم اخي الفاضل
عليك بما يلي
اولا : تغسيل كامل قفص الطير بالماء والصابون وتعريض القفص للشمس
ثانيا : تعريض الطير للشمس بشكل منظم
ثالثا : تغطيه الطير والحفاظ عليه من التيارات الهوائيه
رابعا : تنويع اكل الطير بين فواكه وخضار وحبوب وكالسيوم
خامسا : اضافه فيتامينات للطير
سادسا : ملاعبه الطير واضافه الالعاب داخل القفص
سابعا : استخدام زيت الصبار او ما ينوب عنه ( زيت السمسم ) ودهنه على الاماكن المتساقطه بشكل يومي ودوري حيث انه طعم الزيت ورائحته غير محببه للطير بالتالي ما راح ينتف الريش مره اخرى بعد ظهوره
ثامنا : ان لم تنجح طريقه زيت الصبار ينصح باستخدام الطوق المانع للنتف والمستخدم بكثرة لطيور الكوكاتو لشهرتها بنتف ريشها
تاسعا : الاهتمام ثم الاهتمام بالطير والاحسان ليه لانه هاذي روح بذمتنا وراح نحاسب عليها وان احتجت شيء او اي استفسار بلغني

تحياتي

اخوكم \\ بلاك بيري