كل خبير اسأله ..يقول غير اسمه وهو يتعافى ؟.

[طلع لي قرون]

السلام عليكم ورحمة الله وبركاته ..

<< مالي غير الله ثم انتم ..



انا عندي ببغاء افريقي ..

الاسم : مرزوق

العمر : مدري بس احس انه شايب ..

الطير مو لي لولد خالتي .. ومن يوم ما اخذه وهو ريشه منتف وشكله يجيب الحزن ..

اعطيناه واحد متخصص بالطيور وجلس معه فتره ..

وبعد ما رجع لنا الطير كانت صحته ونفسيته ممتازه ..

بس راعيه ما اهتم فيه .. واخذته انا

المهم هذا كله ماله داعي ..

بس الطير .. ريشه منتف .. وضعفان .. سويت له كل شي .. وتعبت معااه ..

وانا ابي احد يعلمني وش اسوي معه ..

واذا الصور تفيد بنزل له صور ...

بس ياليت احد يعلمني كيف ارجع صحته وريشه ..

مع العلم ان الطير من يوم جبته عندي صار يصفر ويتكلم ...

بس اذا شافني يسكت واذا قربت يبداء يصيح

واذا اي شخص ثاني يقرب منه عادي ..

ولا يصيح وولا يعطيه وجه .. بس انا اذا قربت يصيح

حتى اهلي صاروا يقولو لي لا تقرب منه ما يطيقك ولا يبي شوفتك ..

[طلع لي قرون]

اي صح نسيت اقول ..


انا طبعا كل يوم اجلس مع الطير واحاول اخليه يتعود علي ..

المهم مره جلست له لين صار يطلع على يدي .. بس يطلع هو خايف واي حركه يبدا يجعر ..

المهم لقيت فوق عينه اليسار نفخه .. ما عمري انتبهت لها الا بعد ما قربته من وجهي وكذا وهو علي يدي ؟؟

وقبل كم يوم روشته ..

ورجعت له .. لقيته مزكوم وحالته حاله .. وللحين وهو يعطس ..

<< تو قريت عن طريقة العسل وجربتها .. حبني .. << نصاااب ههههههههههه

[houston]

اخوي
قبل فتره طير اختي قام ينتف نفسه وتعبت نفسيته لانها ماتشيله ولا تلاعبه ... وبعد صار عندنا بناء بالبيت وصوت العمال والطقطه صارت تخوفه
ونتف ريشه وصار حالته سيئه
المهم بدت تعالجه .. جابت له شجره صبار وصارت تخلطه له نفس طريقه وحده من العضوات وطيرها شامبيه
وصارت تشيله وتهتم فيه .. وماتطلع لين تجي عنده وتقوله انا طالع وشوي برجع
ممكن تقول هذي خبال ... بس جد تحسن .. لانه من تطلع يصيح كأنه ورع طالعه امه ومخليته
بختصار : شوي اهتمام وحب ورعايه ويتعلق فيك
اذا سبحته بعده عن تيارات الهواء
وهات له فول سوداني بقشره ،، وخله له هديه في اي وقت تمر من عنده عطه حبه
وموفق

[طلع لي قرون]

الله يحفظه ويخليه ..


بس اعذرني اخوي ما فهمت وش تقصد بالصبار ..

وش اسوي به بالضبط ؟



انا مابيه يتعلق فيني ابيه بس يتعالج وديته لبيطري في مكه .. ولا عنده سالفه ..

قطرات ومدري وش بعد ..



ما قصرت هيوستن ..

الله يعطيك العافيه ..

[طلع لي قرون]

انا حطيت الموضوع لعل وعسى ولكن وليت احد من الي لهم خبره يرد ..


بس محد رد ..

مع العلم ان المنتدى هذا لنستفيد حنى يالي معدومين الخبره مع الطيور ..

اجي القى موضوعي بالصفحه الثانيه

ولا احد اهتم ..

يعني هي بالمعرفه المسبقه

ولا على حسب النك نيم ..

[طلع لي قرون]

والطير الحين برازه سائل ..


في احد بينفعنا ؟

[ProOoF]

صور بارك الله فيك حتى نفيدك هل نتف او تغيير ريش
وحتى يكون الرد وافي

مع الصور + كل ما تحتاجه لتلقى له جواب بارك الله فيك

لي عودة

..................

سبحانك يارب

[طلع لي قرون]

هذا زيزو << ندلعه














ومشكور على مرورك اخوي بروف ..



ولو تلاحظ الرقبه .. بدا يطلع له ريش ..

والذيل بعد الحمدلله ..


بس خوفي ينتفه ..


ولاحظ بعد النفخ الي بين العين وبين فتحة الانف


واسف ما اعرف اصغر الصور

[نادر المكاوي]

السلام عليكم ورحمة الله وبركاته

يسعد مسائك يالغلا ..

بالنسبة للطير ما راح اتفلسف واقولك كل شي بس راح ارد عليك باللي اعرفه وان شاء الله الاخوان يوافقون على

كلامي على اساس اني مو خبير كثير المهم راح اتكلم على حسب الصور .

اذا انت متأكد انه الطير هو ينتف بنفسه معناه الطير في حالة نفسية ومزاجه متغير ومتضايق من شي كثير

لك على حسب رؤيتي للصور انا اشوف انه يمر بمرحلة القلش لانه في فرق بين النتف ومرحلة القلش الفرق

بينهم انه النتف تشوف جلد الطير ظاهر ويجوز تشوف دم اذا كانت نفسية الطير جدا صعبة لكن مرحلة القلش

يا صاحبي بما انه جسم الطير يغطيه الريش الصغير يلي هو الزغب ( الريش الابيض ) فأنا اشوف انه يمر بمرحله

تغيير وتجديد الريش تسمى ( القلش ) وانا اشوف انك تترك الطير في هذه المرحله في مكان هادئ وتحممه

ما بين فترة وفترة بالماء العادي وتعطيه الاكل اللازم ( اكل متنوع ) وعليك بعظمة الحبار لو تشتريها طازجه بيكون

احسن من اللي تشتريه من محلات الطيور .. بالنسبة للانتفاخ ما اقدر افيدك بشي يالغلا .

آسف على الاطالة وان شاء الله اكون افتدك بشي وفهمت عليا .

موفق ان شاء الله ويتربى بعزك .

[ابو اسمى]

اهلا اخوى
ممكن صوره لطير النتف حسب خبرتي نوعان الاول نفسي يقوم بنتف ريش جناحه والثاني يكون حساسيه في الجلد يقوم بنتف ريش جسمه كله علاج النفسي لايوجد له علاج الامن رحمه ربي اماعلاج الحساسيه ياخذ فتره طويله قدتصل الى سته شهور تقوم بترويش الطير بما مالح كل اسبوع ويكون الما دافا ولاتعرضه للبروده يوجد رشه
في البيطره اسمها او تي سي لون البخ بداخلها ازرق مخصصه لتعقيم الجروح تقوم برش الطير مره واحده فقط
على جسمه بالكامل وتقوم بتشميسه واعطاه كالسيم وافتمينات الكالسيم مهم جدا ممكن اعطااه عضام من الدجاج فضيل البيت عضمه الفخد بدون لحم
تحياتي