قطتي عنيدة و تسوي حركآت غريبة

[عقربهـ]

مسآء آلخير .. ~



آنا عندي قطة صغيرة بعمر آلشهرين .. حآولت معهآ بكل آلطرق آللطيفة آنها تصير متعودة علي

و مآتخآف لكنهآ عنيدة رغم آنهآ تآكل من يدي و تلعب معآي وآذا نآديتهآ سآعات تجي و سآعات

تطآلعني بنص عين و حتى مآتنام آلا جنبي و بآلليل تقومني من نومي علشآن آقعد ويآها آو

آسوي مسآج ليدهآ حتى تنآم لكن مآتسمح لي آلمس ظهرهآ بس مسموح لي آلمس

رقبتهآ و يدهآ و بطنهآ.. و لآ تسمح لي آشيلهآ الآ بكيفهآ.. غير كذآ تهرب مني كآني رآح آضربها

و تصير عصيبة و هي آصلا غآلبا معصبة من لآشئ و تركض بكل آلبيت كآن شئ يلآحقها

و تستهدف يدي و رجلي بآلعض آو بآلخربشة حتى يدي و رجلي صآرت بشعه بسببهآ..

مو بس آنا حتى آهلي .. آشلون آعودهآ علي 100% ؟ بدون مآ آجبرهآ على شئ ؟

في بعضهم يقولون جوعيهآ بس آنا ضد هآلفكرة حرآم ..

و طلعت عليهآ حركآت غريبة بعد مآ جبنآ لهآ ذكر عمره 3 شهور علشآن تلعب معه صآرت

تتهجم عليه لآنهآ خآيفة خصوصآ آن حجمه آكبر منهآ ( شيرآزي على آمريكي )، و صآرت

تردم على الآكل و المآي مثل مآ تردم على فضلآتها و صآرت تتقلب في آلليتربوكس و تجلس

فيه مدري هآلشئ من خوفهآ من آلقطط آلثانية ؟

و بعدين آضطرينا نرجع آلذكر لصآحبته لآنه مريض فيه حشرآت بآذنه و بعد مآ رآح صآرت

مآ تآكل حتى نحفت كثييير و تدور عليه بآلبيت و ضلت حزينه لليوم .. و يوم الآحد وديتهآ

للبيطري علشآن يطعمهآ و صآرت خآمله مرآ ومآلهآ خلقي و تنآم كثير .. قآلي البيطري

ممكن تطلع عليهآ حرآره .. مدري هل خمولهآ و كثرة نومهآ من آعرآض آلتطعيم ؟ و كمآن

تغير صوتهآ مثل صوت قطة مخنوقة .. و صحيح هي فيهآ آفرآزآت من عيونهآ لونهآ بني

وسبق و فحصتهآ و قآل آلبيطري آنهآ حسآسية بآلعيون من موآد آلتنظيف و كمآن صآرت تعطس

بآليوم حوآلي 3 عطسآت ورآ بعض و يطلع مثل آلرذآذ من آنفهآ .. طبيعي

آو يعني مصآبه بزكآم ؟ لآن بعضهم يقولون آذا عطست آلقطة بدون مخآط شئ طبيعي ..

هذآ آلكلام صحيح ؟

بآلبيت كثير يتدخلون في تربية قطتي و حتى بآلمعاملة .. هل من الممكن تكون عدائيتهآ

تجاهي بسبب تغير المعآمله حتى و آنا آعاملها بلطف ؟

آنا مهتمه فيها و بنظآفتها و مستلزماتهآ كاملة حتى آلعآبها كثيرة .. آتمنى تسآعدوني و تردون

على آسئلتي ..وآسفه طوولت .. ^_^

[دلوعةقطوتي]

ماشاءالله كيوت
اللعب والعض والخربشه كلها اشياء طبيعيه هي بهالعمر نفس الاطفال على ماتعوديها
اما اللمس مو كل القطط تحب اللمس او الشيل بعضهم يحبوا تشيلهم وبعضهم لا راجع لشخصيه القطه نفسها
اما انها تردم الاكل هذي حركه تسويها القطه لما تكون مو حابه الاكل فتعترض
اما تقلبها بالليتربوكس تبي تلفت الانتباه عن القط الثاني غيره قطط
بالنسبه للخمول بعد التطعيمه شي طبيعي بترتفع حرارتها كم يوم
اما عيونها يوميا مسحيهم لها بقطنه مبلوله بمويه دافيه ولو فيه افرازات او العيون محمره بيكون التهاب
عادي القطط تعاطس زي الانسان بس لو فيها افرزات من الانف وكثيره بيكون رشح انتبهي من التكييف
اعطيها العاب صغيره تعضض فيهم وتتسلى او ارمي لها كوره القصدير مره

[عقربهـ]

شكرآ آختي دلوعة .. آلحمدلله يعني بس تكبر تعقل .. آها مآكنت آدري بمعلومة آللمس

و آلشيل بس آتمنى تتغير و تمنحني هـ آلشرف هههه

آيوه يمكن علشآن كذآ مآكآنت تآكل و آنا آفكر من حزنهآ .. ههههه نجحت في لفت آنتبآهي

هآلمجرمة ، آنا آنظف عيونهآ يوميآ مثل آسنانهآ و آذنها .. و من قبل وصف آلبيطري لهآ دوآ

للعيون بسبب آلمنظفآت آلي نستخدمهآ بآلبيت آسمه .. opticlox eye ointment ..لخمسة

آيام ، بس مآ فآدهآ .. مشكورة آختي على الآجابآت ، آلله يعطيكي آلعافية ^_^