اشترك في نشرتنا البريدية ليصلك كل جديد

انسان غير · 19-09-2010, 06:10 AM

السلام عليكم ورحمه الله وبركاته

اخواني الاعضاء

انا عندي الانثى شاريها من فتره تقريبا من رمضان اللي مضى

ولاحظت عليها ضعفها الشديد قلت معليش راح اغذيها زين

ومع الايام الحمدلله بدت تتشافى وصارت نشيطه

بس فيها اتوقع انه ضيق في التنفس

وقبل فتره تقريبا يومين لاحظت وجود اسهال احيانا ابيض

والحين صار اخضر غامق اعزكم الله

ولمى قربت منها لقيتها هي والذكر يوجد بهم افرازات في منطقه الانف

مع العلم ان الانثى لها يوم وهي بس نايمه اغلب وقتها تقضيه في النوم

لدرجه انها ماتاكل ولا تشرب

ولمى يضربها الجوع تجي لم المأكل وتناظر بس ماتاكل

حتى اذا الذكر اعطاها اكل ترميه

وهي الحين بحاله خمول شديد وبس نايمه

افيدوني الله يخليكم هي وش فيها بالضبط

ونوع العلاج ايضا ولو سمحتو يكون متوفر في الصيدليات البشريه او في البيت

مع العلم اني اعطيتها قطرتين عصير برتقال لان يمكن ناقصها فيتامين

وكذالك ليمون
انا قريت ان علاج الاسهال هو زيت الزيتون واللي اعرفه ان هو لحالات الامساك

وبس

ولاهنتو يالغوالي

واللي يجاوبني له دعوه بظهر الغيب

شجن الليل · 19-09-2010, 06:43 AM

الانثى تعبانه مرره

والاسهال خطير عليهم

الافضل لازم يشوفهم بيطري علشان تلحق عليهم

طمنا عنهم

وان شاء الله يفيدونك الاعضاء

طيور الزينة · 19-09-2010, 11:08 AM

هذي الروابط راح تفيدك بإذن الله

http://www.2zoo.com/vb/showthread.php?t=146253

http://www.2zoo.com/vb/showthread.php?t=174979

بالتوفيق

انسان غير · 19-09-2010, 04:27 PM

خلاص ياشباب

الانثى ماتت

اليوم صحيت لقيتها جالسه تحت بالقفص

رحت اصلي ورجعت لقيتها تنتفض وماتت

ان لله وانا اليه راجعون

وربي ضاق صدري مع اني مو اول مره بس هي بالذات

شجن الليل · 19-09-2010, 08:49 PM

ربي يعوضك

ولا يضيق صدرك مكتوب لها

الاسهال معروف انه قااتل ربي يصبر قلبك

moad17 · 19-09-2010, 11:13 PM

الله يعوضك احسن منها ولله حزنت كانها حقتي الي ماتت

طيور الزينة · 19-09-2010, 11:41 PM

سبحان الله مقدر و مكتوب

الله يعوضك