طيورنا في شهر رمضان ///سجل تجربتك وملاحظاتك ليستفيد الجميع

[الصقر122]

السلام عليكم ورحمة الله وبركاته :

الجميع يعلم ان طريقة حياتنا تتغير في شهر رمضان
سواء نوعية الطعام واوقات العمل واوقات النوم والاستيقاض
واوقات الزيارات الاسرية واوقات خروجنا الى الاسواق
وكثير من الامور تتغير ....

ومن المعروف
ان الطيور بمختلف انواعها واشكالها في الطبيعة

تعيش بنظام واحد لا يختلف ابدا تنام في اوقات محدده
وتصحو في اوقات محدده ولا يؤثر في حياتها دخول شهر
رمضان او غيره من الشهور ....


فكيف تتعامل مع طيرك في شهر رمضان وهل اختلف موعد نومه (على وجه التحديد)
ام انك مازلت محافظا على برنامج طيرك كما كان قبل دخول شهر رمضان الكريم ؟!!

ام انك وجدت نفسك مجبرا على تغيير برنامج طيرك اليومي نظرا لتغير برنامجك في شهر رمضان


اتمنى ان يطرح كل عضو تجربته مع طائره في شهر رمضان لنتحاور هنا معا

ولكم جزيل الشكر

[ملك الدرر]

يعطيك العافيهـــ
انا عندي دره تقريباً من شهرين
ونضامها واحد في كل شيئ
بس لما جا رمضان الصباح نايم
واليل شوف الازعاج وخاصتاً
وقت الفطور طبعاً انا حاطهــ
بالصالهــ واذا فرشنا السفرهـ
وشاف الاكل يقوم يصفر ويزاعقــ
واذا ابغاه يسكت احط لهـ حبحب(جحـ)
وهذا معاناتي مع ازعاجهــ
تقبلــ مروريــ

[فهووود]

انا عندي اربع انواع زيبرا وجوزين بادجي وقفص فيه انتاج البادجي ومرزعه كروان على قدي من نسل معين طبعن مخليهم بغرفة بالبيت ويتم قفل النور عليهم بمجرد نومي ويكون فيه نور هادي

طبعن الاكل كل يوم اسوي نفس الطريقة اشيل الاكل كله واخليهم ساعتين وابدا اخبص بالبيض والخس والحبوب يسيروا ياكلو من الجوع ع طول واتركهم

واجي لجوز الكناري لي متعبني وحاطه بغرفه وحده قاعد اجهز الذكر ونفس الطريقه بس اغلب الوقت على نور خفيف والاكل خضروات للذكر والانثى بيض مسلوك وشابورة وحركتات

وبعدين اجي للفروخ والعب بحسبتهم لعب عشان اعودهم ع الولافه <=== كروان وبادجي

وان شاءلله انتظر بالقريب تفريخ الكروان

وهذا نظامي معهم وتحياتي

[كاسكووووو]

ان فيه لخبطه شوي احيانا يسهر الطير الى الساعه 1 الليل

[lost love]

انا والله عندي الأمزوني ..

للأسف اضطريت اني ما اطلعه من غرفه النوم إلا الظهر ..

والأكل واللعب والتدريب وكل شي نفسه ما تغير

اما النوم الحمد لله للحين ينام بعد صلاة المغرب مباشره

مو مثل بعض الناس اللي ما ينومه إلا الساعه 1 ... خخخخخخخخخخخخ

[هاااايز]

مرحبا اخوي انا قلبت وقت نومهم صار ينامون بعد الفجر ويصحون معي على اذان العصر والغرفه حقتي اكون مظلمها ومسكر الستاير ولا نور ولاشي كانه بالليل والعصر افتح الانوار واخليها الى صلاة الفجر وعلى هذا الحال ابيها تصحى معي وتنام معي لانهم اذا صحوا الصبح انواع الازعاج وتصفير وكلام وطيوري كاسكو واحد فرخ والثاني عمره سنتين ومافيه تغير بنشاط الطيور نفس النشاط والكلام والحركه

[كاسكـــو]

بالنسبه للطيوري نفس النظام لم يتغير شي

بعد صلاة العشاء اطفي النور عليهم واتركهم ينامون لحد ماتشرق عليهم الشمس من النافذه

[طير الهوى]

،،

بالنسبة لي .. النظام للطيور عندي كما هو لم يتغير فيهـ شيء .. بالنسبة للنوم وأوقات الأكل ..

لكن لاحظت تغيير للأسوأ (( بنسبة قليلة )) في نفسية الطيور عندي ..

أنا معودها إني أكون عندها فترة الظهر والعصر في غير رمضان .. يعني أطلعها من أقفاصها وأجيبها على يدي للمجلس ونلعب سوا ..

لكن الحين استغفر اللهـ .. نوووووم من بعد الفجر إلى العصر .. وإذا قمت انشغل يا أما أجيب أغراض وإلا انشغل بالنت مثل الحين .. أو تكون النفسية لك عليها لأني توي صاحي واسحب عليهم .. وبعد المغرب عاد اطلع ولا أشوفهم ..

ماعندي فترة اجلس معهم و الا اسولف عليهم .. إلا أوقات الصلوات لما ارجع من المسجد 5 دقايق وارجع انام ..

صاروا طول اليوم بس يصارخون ويزاعقون وينادوني باسمي من يوم يشوفوني طالع من غرفتي .. يعني صراخ عتب .. ليس إلا .. لأنها تعودت تكون اجتماعيهـ وانا الحين حرمتها من هالشي ..

عاد ان شاء اللهـ بشوف وقت اتفرغ لهم فيهـ .. وأتجاوز هالمرحلهـ بنجاح ..

مشكور يالغالي

،،

[دوني دوني]

بالنسبة لطيوري اختلفت اربعة وعشرين قيراط كانت في الأيام العادية تنام مبكر وتصح مبكر الحين النوم تلخبط عليها تنام على الظهر وتصحى المغرب هههه حتى الكلام اختلف حقها ما عاد تنطق مثل اول النوم ذابحه

[الامل]

مليونين % تغير ارحمه مسكين ينام ع الساعه 5 بعد لفجر ويصحى 11
حتى المسكين ينام احيانا العشاء والانوار مشغله بس وش اسوي اغلب البيت تكييف مركزي ماكو غير جزء من الممر مافيه تكييف وهالوقت كلن صاحي يجون عنده ويضايقونه لمايمرون
وعاد زاد الطين بله جونا ضيوف بالبيت كلن يقطله شي من الاطفال وخذ يااسهال اكرمكم الله
صايره حارس بس ع قفصه