كم سؤال

[دكتور أسنان]

بسم الله الرحمن الرحيم

السلام عليكم

اخواني عندي كم سؤال

الان عندي ذكر جاهز جداً جداً

لكن الانثى من الكير مبين انها مو جاهزه ينظفها ويوكلها لكن مايحبها تنظفه

المهم في اوقات يقوم الذكر ويغرد ويقترب منها لكنها تبعده بـ العض وهو ملزم لكنها ماتريد

يعني افصلهم ولا اخليهم مع بعض

هل لهم وقت محدد من السنة للتزاوج

وبعض الاحيان اشوف الانثى تعضض في القفص شيدل عليه هذه

طولنا عليكم ^^

شكراً

[رعوود]

اخوي دكتور أسنان

ممكن الانثى مو بالغة لسا

او ممكن غير جاهزه للتزاوج

حاليا انت اهتم بالتغذية الصحيه

وتأكد ان الانثى بالغه ووفر الجو اللازم

وباذن الله ينتجون

واذا امكن صوره لها يكون افضل

وبالعاده البادجي له موسم

لكن طيور الاسر معد لها موسم لان هي اصلا مفرخه بالحبس

ومتعوده عالتربية من قبل الانسان

يعني متى ما وفرت الاجواء المناسبه راح تنتج باذن الله

موفق

[دكتور أسنان]

اهلا وسهلا بـ اخي ""رعوود""

عذراً توه النت مستعدل^^

المهم اناا حطيت صور وشفتوها وقلتو جاهزه حتى الكير كان بني لكن الان تغير اللون إلى البيج مادري شنو يسمون اللون D:

المشكله اني حاطهم في الصاله لان الذكر تربيه وماابي اخربه يصلح ولا لازم اعزلهم

شكراً لك اخوي