قصص

[yazeed5]

السلام عليكم ورحمه الله وبركاته
انا اليوم سمعت من اخوي قصص تهول عن ايامه يومه صغير وش كان يسوي مع الحيوانات طبعا القصص قبل ٢٠ او ٢٥ سنه
اول قصه
١- كان اخوي مره راجع من المدرسه ولقا قرد في الطريق << وشلون جا القرد ما ادري اتوقع ينصب هو شاريه جا خذه ووداه البيت وربطه بسلسله وحطه بالحوش وكانو جيرانا يخافون منه يقول اخوي لولدهم تعال شفه يقول لا يسويلي (.....) المهم مره ابوي راجع من المسجد الفجر لقا عجوز ترن الجرس قال وش تبين قالت ابشوف قريدكم لاحظو التدليع ابوي عصب والظاهر دعا عليه يوم جا العصر وينفلت القرد ونحاش وتعلق بدريشه الجيران لين جو الشرطه والذبحوه ما ادري ليش يذبحونه ليه ما امسكوه والشرطه بعد يعني لو جابو ناس مختصين المهم وعاشو بسبات ونبات



٢- اخوي مره راح لسوق الحمام لقا مينا صغيره واخوي يعر الن المينا تكلم جا شراها وقال لصاحبها وشلون اخليها تكلم قال قص لسانها المهم اخوي صدق وجاب عيال الحاره يفزعون معه على فتح منقارها وطلعو لسانها وقصوه ما قعدت ٣ ايام الا وتموت مسكينه .



٣-اخوي كان مسوي عشه حمام بالصطح ومنول الصطوح مالها درج بس سلم من الارض لين الصطح جا اخوي بيرقا للصطح وما ادري وش صار بالسلم وينكسر ويطيح اخوي ويغما عليه حول ال ساعتين ويقوم ما عنده احد يوم قام جاب سلم ثاني ورق متخلف بمعنا الكلمه .



٤-بنفس العشه الي تو كان اخوي يعالج حمامه مره وحده جاها مرض ما ادري وش اسمه بس ما تقوا تحرك راسها واخوي كان بيطري جاب مسمار وحماه وحرقها من فوق وزان راسه لان من الحراره تلتهي وتحرك راسه لين يطق وتطيب بعد ما سوا هاذي الحركه طابو كل حمامه درو اهل الحاره وصار كل واحد حمامته تعبانع يجيبها لخوي و يعالجها صار يعالج الحمامه بريال << كيف المخ التجاري وبعها قام يتفلسف ويقول انا اجبر الكسور جابو حمامهم صار يلف الحمامه ب قماج ويكتمها لين تموت ودايم يتهاوش هو و هل الحاره على الحمام الي يموت .



٥- مره شرا كلب وجابه للبيت من دون ما يدري ابوي رجع ابوي من العمل سمع صوت كلب قال وين الكلب قالت اختي اخوي جايبه جا ابوي مسك اخوي ولكلب وطلعهم في الشارع قال خل ينفعك الكلب قال تجي والكب معك ربطتك انت وياه قدام البيت .



واخوي الحين ما ظره كل الي سواه ماشالله الحين هو عقيد

[دلوعةقطوتي]

لاحول ولاقوه الابالله
اخووووووووك فنووون التعذيب كلها مساكين الحيوانات
بس صراحه يطيح ويرجع يرقى ماشاءالله عليه بايع نفسه
اما العجوز اللي تدلع القرد شي والصبح جايه خطيره
يسلمووو عالقصص الحلوه واللي بعضها تحزن