المحللين النفسيين .. تفضلو :)

[Walter505]

صباح الخير جميعا

حبيت أطرح لكم حالة الببغاء الي عندي .. و ياريت الاعضاء الي عندهم خبرات في تحلليل نفسيات الطيور .. يحاولون يعطونا توقعاتهم عن هالحاله

طيب .. الببغاء الي عندي صار له تقريبا معاي حوالي الاسبوع ونص ..عمره سنتين تقريبا مو محجل.. مايتحرك من مكانه ولا له صوت.. صاير كأنه تحفه .. افتح باب القفص و اتركه ... ما يطلع من القفص .. اذا مديت له أكل .. احيانا ياكل من يدي .. واحيانا لا .. على حسب مزاجه ... اذا حاول امسح على راسه داخل القفص .. يرضى بس مع مقاومه خفيفه .. طبعاً هو خواف لدجه فضيعه ... حتى من ناحية الدفاع عن نفسه يخاف .. اذا قربت يدي منه .. يحاول يعضني .. و اذا وصل ليدي .. يتراجع من جديد .. ودي يعضني مره عشان احس انه ببغاء بس ما فيه فايده ... ما اعرف ماضيه .. بس يمكن راعيه السابق .. مبهدله ... طبعا هو ياكل كثير ..واحيانا يلعب في الاكل ... ما يجعر .. اصلا حتى اذا حاول يجعر احس صوته ضعيف .. كانه تعبان.
طبعا بالنسبه لحالته الصحيه .. كشفت عليه وطلع عنده دود .. والحين جالس ياخذ العلاج .. ما قالو لي فيه امراض ثانيه ... ولا اتوقع سلوكه نتيجة مرضه بالدود بس

هذا الي عندي حالياً .. وياريت المحللين ..يحاولون يفهمون وش نفسيه هالطير هذا

[Walter505]

وين راحو المحللين !! .. يعني لا محلليلن سوق الاسهم .. ولا الطيور

[احمد 14]

والله انا مبتدأ مثلك اخوي بس حاب افيدك بلي عندي يوم قلت انه لاقرب من يدك يرجع راسه ومايعضك ولايجعر يعني ماشاء الله عليه اليف ودا شيء طيب توفر عليك معانات الترويض وصبرله لانه كبير في السن لازم ياخد وقت عشان يتعود علىا الجو وعليك.... اهم شيء اقعد معه كثير خله يشوفك وقت كبير عشان يرتاح لك ويبدأيلعب ويصفر ويبدع ولاتنسىا حطه في مكان مرتفع عشان يرتاح وخله في مكان يمرون اهل البيت منه عشان يتعرف عليكم واهم شء انتبه علىا صحته وربي يبارك لك فيه وتسمعه قريب يلعب ويستانس ويونسك

[كاسكووووو]

طيرك يعتبر اليف بنسبة %20 شوف جرب الطريقة هاذي وانا مجربها شخصيا علا ببغاء متوحش ونفعت طبق نفس الخطوات

http://www.2zoo.com/vb/showthread.ph...DF%C7%D3%DF%E6

[بندولة حب]

طيرك خايف ويبغاله وقت عشان يتأقلم

والمفروض من يوم اشتريته حطيت القفص في مكان ولا قربت له الا وقت الاكل والشر تغيير بس

ومع الوقت بينطلق من نفسه

ولاتحاول تطلعه ولا شي خليه براحته لحد مايبتدي يتحرك ويصفر

والصبر مفتاح الفرج

وكل اللي اشترو افريقي صارلهم مثل حالتك

ركود ماقبل العاصفه

[ام ليان]

يبي له صبر واسبوع ونصف توه حتى يتأقلم

[prof]

أيه يا أخوي كلام بندولة حب صحيح 100 %

المفروض بما أنه تعبان وتوه ماله اسبوع لا تحاول تسوي له اي شي خله لين هو يطلبك

ويصفر ويلعب

وبالتوفيق لك

[Walter505]

احمد 14
كاسكووووو
بندولة حب
ام ليان
prof
يعطيكم العافيه و مشكورين على ارائكم .. هو بالفعل الطير خايف .. بس خوفه فوق المستوى ( حسب ما اشوفه) .. عموما .. راح نصبر عليه شوي .. و ان شالله بذكر لكم تطورات حالته في المستقبل ..
تقبلو تحياتي