سؤال لمن لديهم الخبره ( كاسكو )

[ابو يـزن]

السلام عليكم ورحمة الله

اخواني الأعزاء اسعد الله جميع اوقاتكم

عندي اثنين كاسكو اعمارهم تقارب 8 اشهر الأول يتكلم ما يقارب 11 كلمه خمس منها مفهومه والباقي ليست مفهومه بعد ...
والثاني يحاول يتكلم بس ما يطلع منه صوت يقلد فتحت الفم ويحاول يطلع الكلام لكن مايقدر ومع ذلك يصفر ويشكل تشكيلات حلوه بالتصفير ..

لكني عازلهم كل واحد في غرفه ..

سؤالي :: لو جمعتهم في غرفه واحده او في قفص واحد كبير
هل يستطيع الثاني التعلم من الأول الكلام
او راح تصيبه حاله نفسيه لأن الأول يتكلم وهو لا يستطيع ؟؟
او راح تتنتكس حالتكم من الوضع الي هم فيه مدربين الي الجعير و عدم الطاعه ؟

ارجو الإجابه لمن لديهم الخبره في ذلك لأني حاب اجمعهم مع بعض في قفص واحد كبير

وشكراً لكم مقدماً

[الاثلة]

حياك الله اخوي

بالنسبة جمعهم في قفص واحد ما انصحك فيها خل كل واحد في قفصه الخاص افضل

بخصوص هل التأثر ايجابي او سلبي هذا راح تعرفه بعد ما تجمعهم في نفس الغرفة

ومن خلال متابعتك لهم راح تشوف النتائج بنفسك

والافضل تكون المدة بسيطة يوم او يومين وبعد ذلك تحكم عليهم هل يستمر جمعهم في نفس المكان او لا

دمتم سالمين

[أحبك توتو]

اي جرب مدة يوم او يومين بس مو بقفص واحد كل واحد بقفص بس بنفس الغرفه إذا شفت اللي ما يتكلم تكلم لو كلمة خلاص اجمعهم و إذا ما في فائده اعزلهم مثل قبل و اقعد فترة أطول مع اللي ما يتكلم

[ابو يـزن]

يعطيكم العافيه بجرب واحطهم بجنب بعض

[vipaltear]

سلام عليكم يا أخواني
الكاسيكو نفس الطفل تماما ، الاطفال اذا يلعبون مع بعض اشوفهم كل واحد يقلد على الثاني وكل واحد يجيب شئ جديد عشان يقلدونه،
انا عندي كاسيكو كبير صار لي معاه 8 شهور مو راضي يتكلم لكن يوم خلينا معاه كاسيكو يتكلم خلال اسبوع
أو أقل تكلم نفسه تماما ، واذا ادربهم على الكلام مع بعض اشوفهم يتفاعلون معاي كل واحد يشجع الثاني
غير اذا كل واحد ابروحه لايتفاعل ولا يصافر.

ملاحظة: في حالت الترويظ سواء تعليمه الركوب على اليد أو المسح على الراس يوفضل كل واحد ابروحه

[يوفاوي الكويت]

انا مجرب هالشي كان عندي طيرين

عادي حطهم جنب بعض وبصراحه كانو يغارون من بعض اذا واحد صفر الثاني صفر

واذا تلكم واحد الثاني تكلم

بس انا انصحك بوقت التدريب كل واحد يكون بروحه ما يشوف الثاني

[ابو يـزن]

يعطيكم العافيه فعلاً هذا الي صار
نطق اخيراً بكلمة كوكو اسم الطائر المتحدث بعد يومين من وضعهم بالقرب من بعض لقط الكلمه منه

الي لاحضته الغيره شايله بينهم كل واحد يتحدى الثاني