ارجوكم ساعدوني قطوتي ينزل منها دم

[قطوطهـ]

السلام عليكم خواتي واخواني

انا عندي قطوه طبعا انا ما شريتها هيا جتني للبيت وبصراحه انا ما اعرف عمرها

المهم


مره نزل عليها دم وطلعته بره اقصد خليتها بحوش بيتناا

وبعدين طلعت برا البيت ضلت اسبوع كامل بره

وبعد ما ردت لقيتها وسخه وكأنها متهاوشه مع قطو

المهم سبحتها

ونسينا سالفة الدم

بس المصيبه ان اليوم كمان نزل عليها ومو عارفه ليييييييش

وانا الحين حطيتها بحوشنا بس قعد تموؤ وتحاول تدش

و تره طلع الدم من فتحة الشرج

واكلها دوم التونه


فياريت تقولو لي ليش نزل عليها

الله يخليكم يا اهل الخبره لا تخلوني انتضر على نار ولله كاسره خاطري

وعلى فكره: انا ما اعرف اذا تزوجت او لأ
وما اعرف اذا حامل ام لأ

بس الحين وقف الدم

وهل صحيح تأتي للقطط دوره شهريه؟؟؟؟؟؟




تحياتي

[حبيب إلياء]

القطط له دوره شهريه
الدم ينزل من مكان البول

[قطوطهـ]

نعم اخي

[حبيب إلياء]

القطه بلغت

[قطوطهـ]

انا عارفه انها بلغت بس ابي اعرف هل نزول الدم سبب عادي

وانا خايفه انها تكون حامل وسببت اجهاض؟؟؟

[JASSICA]

ممكن العيال ماتوا في بطنها انتي ليش تخرجيها برا اذا نزل منها دم كثير حاولي توقفيه بليز اختي اذا صرلها شي بسببكي لانك انتي ما اتصرفتي من البدايه كان وديتيها البيطري اول ما طلع الدم منها المهم الحين وديها البيطري ولا تأكليها تونه بعد اليوم التونه تجبلهم اسهال وتخلي ريحتهم معفنه

[sisi_moon]

وممكن بسب التــونـه .!.

الــتونه تسبب اسهال شديد للقــطط

والاسهال اذا صار شديد يســبب خروج دم معــاه

فـ اقطعي عنها التونه وعطيها دجاج أفضــل شي

وحرام لاتطلعينها بــرا بالحـوش ..خلص دامج تعتبرينها قطوتج عامليها تمام وحرصي عليها كثيررر وكأنج شاريتهاااا

بالتـوفيق

[قطوطهـ]

مشكورين وتره عندي بشاره

يوم الثنين من هاذا الاسبوع
انا حسيت انها بس تلعق منطقة الاسهال و تمؤ ومن جذي عرفت انها حامل وتب تولد
على طول انا عندي كبت معتدل الحراره يعني لا بارد ولا حار

المهم دخلته وضليت جمبها

وتره الكبت داخل البيت يعني لو شنو ما اخليها تولد بره
المهم ضلت من الساعه 5 الى الساعه 7 وانا اساعدها وهيا تحاول تدفع

المهم جذي الساعه سبعه ونص ولدت وجابت واحد بس

طبعا غيرت لها المكان بعد الولاده وهيا الحين نايمه مع ولدها ومرتاحه

ومشكورين ما قصرتو