الحقوووووني وش اسوي بهالببغاء

[ksacam]

السلاااااااام عليكم ورحمة الله وبركاته

مساكم او صبحكم الله بالخييير جمعياً .. معكم صديقكم العضو الجديد بالمنتدى الي تشرفت بتسجيلي فيه واجتمع بهالوجيه الطيبه

المهم انا عندي مشكله .. قدر الله علي يا اخوان وجاني هديه ببغاء رمادي وذنبه احمر
يقولون عمره سنه ونص لكن مشكلته جاني بكرتون صراحه لان الظاهر انه متعب شوي

انا استانست والله قلت فله وش وراي بربيلي ببغاء .. تعرفون انا راعي صقور بس ببغاء ماجربت <<والله من الهيط

الزبده بقولكم قصتي معه من فتحت الكرتون طاااار تقول شاف جني مدري البلا من وجهي والا من وشو عاد قعدت اناقز وراه بالشقه بحكم اني عزوبي يعني .. واخر شي احشر امه بزاوية المطبخ وامسكه ويعضضضضضني الا وجهي قايل كذا عاد طبعا ليت البلا من العض البلا من الجغير حقه

ياجماعه يرحم امكم كيف يسكت تخيلو اخر شي بعد ساعتين يوم تناتفت معه وقدرت احجره بزاويه اخرى وقفته على الستاند حقه وسنعت وضعه مع الاكل وكل شي وسكت بس صار اذا قربت منه مسافه اقل من متر يعطيني صوت الجغير ويصمخني لين اروح

عاد انا مدري وش اسوي رحت وماخليت منتدى الا قريت مواضيع ترويض فيه الي يقول اكله بيدك والثاني امسح راسه .. ياجماعه ترا ببغاء مو فانوس وش تمسح براسه انت وياه هو خلاني اصلا؟؟
يعض على طول ويحوس الدنيا اذا قربت منه

حتى الاكل اذا جيت احطله يخاف مره ويفقد الامل من الصراخ ويطيييييير وتشوفه ماشي مليون على البلكونه ويقبع بالقزاز ويطيح بالارض خخخخخخخخخخخ شكله غبي صراحه

على العموم الرجاء يعني الي مر عليه افلام زي هذي يساعدني والله ترا مبتلش ولا ودي اخليه عاجبني <<بشر امك

يالله ياخوان لاتبخلون بالردود .. مع السلامه