معلومات احتاجها ( افيدوني)

[HaiDy]

مرحبآ ..


عندي بعض الاسئله ارجو منكم اجابتي عليها اجابات وافيه ولكم مني جزيل الشكر ..



1- قرأت موضوع بالمنتدى انه عند ولادة القطه يجب اني انتبه للمشيمه مقارنة بعدد الاجنه سؤالي:/ هل كل جنين مرتبط بمشيمه لوحده ؟

وهل اسمح للقطة الأم ان تأكل المشيمه ام لا ؟ لان فيه ناس تقول لاتسمح وناس تقول اسمح !!

2- قرأت ايضاَ اني انتبه لكالسيوم القطة الحامل , سؤالي :/ ماهي الاطعمه اللي تمنحها كالسيوم؟

3- وقرأت انه من ادوات المساعده للولاده مطهر اليود , سؤالي :/ هل مطهر اليود هو نفسه اليودين الموجود بالصيدليه البشريه ؟ ..

4- بالنسبه لتطعيم الكيتنز عند اي عمر بالضبط .. وكم مرات التطعيم ؟ قالي صاحب المحل انه تتطعم سنوياَ لكن سؤالي سنويا للابد أو مده معينه ؟

5- عندي قط ذكر صار عمره سنه ونص تقريبا ولا مره طعمته والحمدلله صحته كويسه ياكل ويلعب وفضولي .. سؤالي:/ هل اقدر اطعمه بالعمر هذا ؟

6- بالنسبة لابرة الديدان وابرة البراغيث وفيه ابر كثيره .. مادري محتاره هل ضروريه كلها لابد اعطيهم ولا اذا احتاجوه يعني مرضو ؟

7- لنفرض ان احد الكيتنز احتاج رضاعة صناعية ولم اجد بالمحلات الحليب المخصص للكيتنز هل اعطيه حليب الصافي (حليب بقري) ؟


][شاكره رحابة صدوركم .. تساؤلاتي عديدة إْعذروني فإني اجهل هذه المعلومات وحابه تنوروني ][

[oOKittyOo]

1- قرأت موضوع بالمنتدى انه عند ولادة القطه يجب اني انتبه للمشيمه مقارنة بعدد الاجنه سؤالي:/ هل كل جنين مرتبط بمشيمه لوحده ؟

نعم كل جنين له مشيمه لوحده

وهل اسمح للقطة الأم ان تأكل المشيمه ام لا ؟ لان فيه ناس تقول لاتسمح وناس تقول اسمح !!

انتي لا تتدخلين يعني خليها شوي إذا اكلتها خلاص ما اكلتها ارميها .. "

بالنسبه لي قطوتي في أول ولاده ما اكلتها .. بس في الثانيه أكلتها .. "

بس لو فكرنا فيها بالعقل القطاوه في الشوارع محد يساعدها و تآكل المشيمه عادي و هذي فطره .. "

و لو فيها ضرر ما كان ربي ألهمهم بأكلها .. "

2- قرأت ايضاَ اني انتبه لكالسيوم القطة الحامل , سؤالي :/ ماهي الاطعمه اللي تمنحها كالسيوم؟

صراحه ماعرف بس اكيد الكالسيوم في الألبان و الأجبان .. بس اعتقد ان كثرة الحليب للقطاوه الكبيره يسبب اسهال "اكرمك الله " .. "

3- وقرأت انه من ادوات المساعده للولاده مطهر اليود , سؤالي :/ هل مطهر اليود هو نفسه اليودين الموجود بالصيدليه البشريه ؟ ..

ايه هو نفسه اسمه أيودين .. "

بس كيف يعني مساعد للولاده ؟؟

4- بالنسبه لتطعيم الكيتنز عند اي عمر بالضبط .. وكم مرات التطعيم ؟ قالي صاحب المحل انه تتطعم سنوياَ لكن سؤالي سنويا للابد أو مده معينه ؟

الكيتينز يآخذون أول تطعيمه بعمر شهرين و بعدها يصير كل سنه فيه تطعيمه و اعتقد للابد .. "

5- عندي قط ذكر صار عمره سنه ونص تقريبا ولا مره طعمته والحمدلله صحته كويسه ياكل ويلعب وفضولي .. سؤالي:/ هل اقدر اطعمه بالعمر هذا ؟

طبعا اول شي نقول ما شاء الله .. "

نعم اكيد و ضروري يتطعم عشان الأمراض .. "

و الوقايه و الاحتياط افضل .. لو مو عشان صحته عشانكم انتم .. "

6- بالنسبة لابرة الديدان وابرة البراغيث وفيه ابر كثيره .. مادري محتاره هل ضروريه كلها لابد اعطيهم ولا اذا احتاجوه يعني مرضو ؟

هذي مدري بس انا ولا مره اعطيت قطاوتي هـ الابر .. "

7- لنفرض ان احد الكيتنز احتاج رضاعة صناعية ولم اجد بالمحلات الحليب المخصص للكيتنز هل اعطيه حليب الصافي (حليب بقري) ؟

حليب السعوديه قليل الدسم هو انسب شي

و كمان جربت حليب المراعي نفس الشي و طبعا يتخفف بـ شوي مويه .. "

إن شاء الله أكون افدتك بالمعلومات اللي عندي .. "

و نصيحه أخيره .. "

لا تقلقين و لا تشيلين هم ولادة قطوتك .. "

لأن هم يعرفون كل شي بالفطره .. "

و لا تتدخلين في ولادتها إلا لو شفتي إن الوضع يحتاج .. "

بس خليكِ جنبها و امسحي عليها .. "

ربي يقومها بالسلامه و يطمنك عليها .. "

[HaiDy]

كيتي / ياقلبي تسلمين حاسه فيني .. طمنتيني ربي يطمنك على احبابك ..


بالنسبة لسؤالك عن اليودين يعتبر من ادوات المساعده للولاده .. بمعنى انه لو الأم منهكه او مشغوله اقوم انا اقص الحبل السري وذلك عن طريق تبليل القطنه باليودين وامسك فيها الحبل واقصه 2 سم عن جسم المولود


نورتيني الله ينور لك دربك وين مآكنتي