مساعده مع الامازون مالي :(

[Shama3ey]

السلام عليكم شلونكم شباب و شابات؟

قبل جم يوم شريت امازون بلو فرونتد اللي اهو الجاكو عمره بين ٢-٣ سنين ما يعض ولا يصارخ و ياكل من ايدي بس يخاف مني وايد ولا يرضى يركب على ايدي و طبعا انا ودي ادربه يركب على ايدي و ابيه يخليني امسح على ريشه بس حالي حال اي واحد اول مره يشتري كاسكو ... خايف يعضني ... فلبست دسوس (قفازات) و بس اقرب ايدي منه يموت من الخوف و يطق ايدي بمنقاره حيل بدون لا يعض و جربت بدون دسوس اقرب ايدي منه ما يعض ولا يطقني بس يوخر ما يبيني اجيسه
جربت امسك غصن واخليه يركب عليه بس هم ما يبي و يطق الغصن و مرات يعضه

شنو الحل؟ و شنو تنصحوني اسويله عشان يتدرب و يتعود علي؟ انا جربت اقوله (كوكو) مده يوم تقريبا و اليوم اللي وراه طلعته و اهو بالقفص و حطيته بالبلكونه استانس قام يصارخ على الطيور اللي بره و خربط شوي بالكلام بس مو مفهوم و سمعته يقول كوكو مره وحده و بس من عقبها ما قام يتكلم

فيدوني يا جماعه لو سمحتوا ترى اخوكم عليمي ووده يتعلم

[مجنون الامازون]

هلا بيك اخي العزيز شوف هذا الرابط ان شاء الله يفيدك وهو طريقتي لترويض الامازون

http://2zoo.com/vb/showthread.php?t=113998

[Shama3ey]

خوش طريقه اخوي لكن عندي سؤال: انا حاط داخل قفص الطير العاب و حاطله سلم (درج) و اشوفه مكيف عليهم دوم يعض بالالعاب و يصعد عالسلم و مو معطيني وجه كلش الا لمن اعطيه فول سوداني او فواكه بايدي غيره ولا بالبال اني موجود الا اذا حركت ايدي يمه اهني شوي ينتبه و يبين انه خايف .. هل تنصح اني اشيل الالعاب من القفص؟

انا شريتهم لاني لاحظت انه الامازون كله نافش ريشه و قاعد و ماله خلق يتحرك و للحين ما سمعته يتكلم

و بالنسه حق عمره (٢-٣ سنين ) هل راح يتكلم بعدين حاله حال الامزونات اللي نشوفهم باليوتيوب؟

يعطيك العافيه و اسمحلي على الاساله

[مجنون الامازون]

خليه في الاول يتعود عليك وبعد ذلك حط الالعاب مكافأة للطير .. بالنسبة للكلام عادي جدا في العمر هذا .. مع التعليم راح يتكلم لكن يمكن تتعب معاه شوي ..

وان شاء الله مع الوقت راح تشوفه 100%

[Shama3ey]

يعطيك العافيه اخوي

انا شلت الالعاب من قفص الطير و جابلته شوي امس و وكلته من ايدي و عقب ما شبع خلاني امسح على صدره و ما خلاني اجيس جناحه .. و لمن رحت عنه و رجعتله عقب كم ساعه (طبعا شايل الاكل كله من قفصه و مو مخليله غير الماي) ما صدق لمن شافني راح عند زاويه القفص و قام يغمغم ... وكلته تفاح من ايدي و مسحت على صدره شوي و صارلي كم يوم اعلمه كوكو مثل ما قلت بس للحين سمعته يقول كو ما يكمل الكلمه

واليوم الصبح جابلته بعد ووكلته من ايدي و طلعته على القفص استانس قام يخربط بالكلام خصوصا لمن يكون يوعان

هل طريقتي زينه؟ اني اخليه يجوع و انا اوكله بايدي كل مره؟ انا اكتشفت انه يموت بالتفاح والفول السوداني و ما ياكل اي شي غيرهم من ايدي