هل من مجيب ,,

[saeeed9]

اولا وقبل الكلام,,

السلام عليكم ورحمة الله تعالى وبركاته,,

بسم الله والصلاة والسلام على رسول الله .. وبعد,,

انا أخوكم من البحرين,,

لي الشرف ان اكون وياكم ان افيد واستفيد,,

عندي طيرين كوكتيل اللون ابيض خالص,,

وحاب ادربهم اثنينهم ,,

واحد عمره جدي شهر واسبوع والثاني بعده باسبوع,,

بس اشوي يخافون يعني من ادخل يدي القفص يروحون يلزكون بالزاوية لانة للحين ما تعودوا على المكان واجد توه اسبوع..

ما شاء الله عليهم مستويين بس الثاني للحين اشوي راسه الريش ما كمل,, وهل هذا طبيعي ان ريش الراس يتاخر اشوي لو مريض ؟؟,,

وبكون شاكر لكم ان عطيتوني الطريقة القوية والافضل لتدريبهم اثنينهم ,,

والمشكلة الثانية .. هي بما ان هم من اللون الابيض الخالص صادهم اشوي بعض الحمس على جوانب ريشهم ,, فما الحل او الطريقة الاقوى والامثل والافضل لتنظيفهم

وجعلهم اكثر براقة بلونهم ( اللون ابيض خالص ) ؟؟

والسلاااااااااام عليكم ورحمته عليكم جميعا اخواني في الله ,,

[الأسد الملك]

وعليكم السلام ورحمة الله وبركاتهـ ..

ياهلا والله فيك

نورت المنتدى ..

اولاً

( ينقل الموضوع لـ قسم الأساله )

بالنسبه للريش الراس

اما انه شي وراثي ..

او انه بعدهـ صغير

الان ماتقدر تحدد اذا وصل عمره 4 شهور وما فوق تقدر تحدد اذا كان وراثي ولا صغير

بالنسبه لتدريبه ابد بس خلهم معك دايم واعطهم اكل بيدك والعب معاهم وان شاء الله هذا افضل تدريب ..

بالنسبه للوصخ الي في الريش

احظر منديل وماء دافئ وامسح على الريش عدة مرات حتى يزول ..

بالتوفيق ..

[الطائر الغامض]

افادك اخوي مشرف القسم الاسد الملك
جزاه الله الف خييييييييييير