دخيلكم ردو عليه

[فاني]

مرحبا الساع

الصراااحه انا عندي قطووو شيرااازي وااايد يعض وماعرف اشووو اسوي وياااه

اضربه احيانااا لانه وااايد يعورني ف العض

عنده العااااب ماخليت شي ماخذت له بس بعده يعض

هو الحينه عمره ف الاشهور يعني 6

وفي شي ثاني بعد

اذا يبت له قطووو ثاني يتوحش ويصيييير كريه

لدرجة اني انا اخااااف منه واااايد

ماعرف ليش

حاولت اجيب قطووووو صديقتي بس نفس الحاله
ينتفخ ويظهر صووووت وشكله وحش يستوي


دخيلكم الي يعرف للقطاااوه
يرد عليه ومايبخل

لاني صدق محتاره افكر اني افره برع

البيت

[e111]

السلام عليكم ورحمة الله وبركاته

أولا : احيانا القط يعض من باب اللعب

والقط الشرس يكون نتيجه لتعرضه لموقف عنف أو يكون احد خوفه أو الجوع الشديد.

عشان كذا الضرب هو أسوء الحلول بل هو مشكلة كبيره. (الرفق بالحيوان) بال أن الضرب يزيد من عدوانية القطط لأنها تقوم بالدفاع عن نفسها أو تكون انتكاسه ويصبح القط شديد الخوف من الانسان وتكون عنده عقدة (حالة نفسية)

وسبحان الله الحيوانات تتعامل بأسولب الثواب والعقاب المعنوي
مثل التجاهل اذا بدا يعظ وتوقيف اللعب أو بصوت (بس) بس مايكون هواش وصوت مرتفع جداً.

الله الله بالين والمعاملة الحسنة عشان ناخذ أجر من الله

ثانياً : 6 أشهر عاده صغير ويعتبر البيت هو مملكته الخاصة ويزعل إذا شاف قط ثاني يدخل البيت وهذا شيء طبيعي يعني (غيرة) ويختلف قط عن قط آخر في ردة الفعل.

ثالثاً : هذي اشياء طبيعية وتربية القطط فيها مسئولية وإنشاء الله انكم قد المسئولية وماتتخلون عن القط من أول مشكله وإذا نفذ صبرك اعطيه أي أحد يكون ثقه يربيه, لآن اللقطط وخصوصاً الشيرازية تحتاج لعنايه ونظافة (وأرجو عدم فره برع البيت )

[فاني]

تسلم او تسلمين

ع الرد

وماقصرتواااااا

[بنت مكه]

ماقصر الأخ e111

[sisi_moon]

هلا اختــي

ماعليش هو إلى الآن يعتبر صغير فـ عـادي جدا انه يعض

بس انتي لاتتفـاعلين معه وقت مايعضج , بإنج يعني تضربينه ولا تحركين يدج بشكل ملفت له

هو كذا بيـزيد .

كل مـاعليج لا عضـج سكري يدج وقولي له بنبره حاده لاااااا ووخريها وطنشيه , هو بما انه كبير شـوي فـ ان شاءالله بيتأدب بسرعه , لان القطـاوه الصغار من كثر الطـاقه الي فيهم مايستوعبون انتي جالسه شتسوييين

قطوي وهو صغيير كان نشييييييييط لدرجه حتى النوم زي القطاوه ماينام مثلهم , كل وقته يلعب ويجينا ويعض فينـا , ولما نسوي له كذا ولا نبعد عنه يجي ينط عليناا

بس الحين هو عمره سبع شهور و3 أسابيع تقريبا وعضه صار قليــــل ولما أسوي له كذا ,, يهــوون

وكثري له من الألعـــاب الي يقدر يعضـهم ,, مو كور يعني

لاا , ألعــاب يقدر يعض فيـهم .. مثل الفـار الي تفرينه مفتاحه من ورا ويركض أو أي شي ممكن يعضه

واما عن انه مايتقبل القطو الثـاني

عـادي مره طبيــعي , وحتى حركاته في البخ والنفـخ بعد طبيـعيه , القطط الغريبه عن بعض يبي لها يومين ثلاثه على مايتقبلون بعض وبعضهـم يطولون أكثـــرر

وانـا عن تجربتـي قطوي ماخف من العض الا بعد ماجبت وياه قطو ثـاني

قطـوي وربي ذبحنااا من شقاوته بس من يوم جبت قطو ثـاني صار هو الي ياكل العض ;p

وحتى الثـاني مو مقصر عـض فيه بعد

لان خلص يفرغون طاقـتهم ونشاطهم مع بعـض بقصد اللعـب طبعا !

و القديم صـار جـدا أليف معناا . قبل والله ماكنا نقدر نمسح عليه , حتى لو نعسان بيموت من النـوم على طول يصحصح ويقوم يلعب ويعض

واذا ما تقدرين مو ضـروري ترا لان عمر قطوج كبير وممكن يهـدى بسرعه بعكس قطوي وقتها كان صغيييير وفيه طاقه كبيــــــره

وبالتوفيــق ياقمرر

[كوكي]

احسبي انك تتعاملين مع طفل

يعني لو هو عصب انتي بتتعصبين بعد؟؟

لازم تعامليه برقه و حنان عشان يكون هادي وياكي
و لاتضربيه ابد عشان مايكرهك و يعضك و يخربش يدك كلمايشوفك

[golden]

انزين مو تقولون عظة القطوه تسبب امراض

شلون الحين تخليها تعضها ؟؟؟

مفروض توخر عنها!!

[sisi_moon]

اخوي عـاد مو أي قطوه عضتها ضــاره

العضات القــــــــــووويه او عضه القطه المصـابه بمرض معيـن .. في هالحاله ضاره

واحنا ماقلنا لها تخليه يعضها .. لا بالعكس

بس بدل ماتتعامل معه بصراخ او ضرب تتعـامل معه بهــدوء

لان فعلا زي ماقالت اختي كوكي كل ماصار المالك هادي يصير القط هــادي

وانا مجربه هالشي .. وقت التحميـم , التمشيــط , وقت العــلاج , .. ETc

لما تتعـامل انت معه بهــدوء يصير هو هـــادي ومطيــع

[اخت امل]

نفس مشكلتي بس خلاص يدي ورجولي اتعودو ع العض
مستحيل اجيب قط ثاني لانة مثل بستك ماتتحمل تشوف اي قط
ع طول تبخ وتهاجم ويصير شكلها يفجع . بس اي اسوي احبها .اللة يعين

[e111]

المشاركة الأصلية كتبت بواسطة اخت امل

نفس مشكلتي بس خلاص يدي ورجولي اتعودو ع العض
مستحيل اجيب قط ثاني لانة مثل بستك ماتتحمل تشوف اي قط
ع طول تبخ وتهاجم ويصير شكلها يفجع . بس اي اسوي احبها .اللة يعين

السلام عليكم ورحمة الله وبركاته

ليش كل هذي المعاناة

كان عندي قطة (عسل) كانت ماشاء الله تحب اللعب جداً
لدرجة العض والمخش وأكتشفت أنه أنا السبب

كانت قطة صغيرة وكان الموضوع عادي (وكيوت)
تعودت القطة أو تعلمت أن هذا الشي طبيعي ولعب

ألين كبرت وصار الموضوع مؤلم وأطرافي كلها جروح كأني مربي قنفذ !!
صرت أول ماتعض أبعد عنها يدي وأتركها تلعب لحالها
ألين تركت العض وعقلت

بعد فترة رجعت كأني أشتقت لعظها أستفزها وألعبها وأمسك بطنها
رجعت تعض مره ثانية

إذاً الأفضل عدم تركها وتعويدها على العض
بمنعها بدون ظرب أو صياح
زين !!!!!!!!!!!!!!!

لابد من الرحمة والإعتناء بهم وتوفير الطعام والنظافة واللعب بهدوء وتدريبها (تربيتها)