امووونه الامووورة عندها سؤال للخبراء...

[امونه]

السلام عليكم و رحمة الله


شخباركم شباب و بنات ^^

حبيت اسألكم ان عندي جرو جيرمن شبرد شعره طويل نسبيا

و عمره 2 شهر

و شعره يتساقط

كل ما احط ايدي ع الجلب احصل شعر فأيدي


هل هذا مرض

ام ان الجلب يغير شعره


ابي الجواب الشافي

و حبيت اسأل شو ممكن ااكل الجلب


و اخوي و ربعه يدخلون المزرعه اللي فيها الجلب

و يطعمونه لاني مو فاضية بس هو يجوفني يوميا تقريبا


بيتعود علي؟؟

و حبيت اعرف نصايح منكم

اموونه محتاجتنكم

[بو راشد]

اي الشيخه من الممكن انه يبدل

وعليج بتسبيحه وتمشيطه عشان تساعدينه على هالشي .. وبعدين تمشطينه بشكل يومي او يوم وترك لوقت بسيط

بس اذا لاحظتي كثره تساقط الشعر .. وما توقف هالشي .. حاولي تشوفين اي تغير في لون او شكل الجلد وخلوه من الحشرات

ووديه البيطري

الكلب من الممكن انه يتعود عليج .. وانا اتوقع انه بيتعود على الناس كلهم ومراح يكون كلب حراسه .. ان كان الكل ياكله ويلعب معاه .. يعني بيكون كلب وديع !

واحرصي على نظافه المكان .. وحاولي انج تاكلينه غذاء متكامل ومعاه شوي زيت كبد الحوت عشان لمعان الشعر

[امونه]

مشكووور اخوي ع النصايح

والله كفيت ووفيت


بس بغيت راي بقية الاعضاء و الخبراء

لا تبخلون على دلوعتكم

[فايز]

المشاركة الأصلية كتبت بواسطة بو راشد

اي الشيخه من الممكن انه يبدل

وعليج بتسبيحه وتمشيطه عشان تساعدينه على هالشي .. وبعدين تمشطينه بشكل يومي او يوم وترك لوقت بسيط

بس اذا لاحظتي كثره تساقط الشعر .. وما توقف هالشي .. حاولي تشوفين اي تغير في لون او شكل الجلد وخلوه من الحشرات

ووديه البيطري

الكلب من الممكن انه يتعود عليج .. وانا اتوقع انه بيتعود على الناس كلهم ومراح يكون كلب حراسه .. ان كان الكل ياكله ويلعب معاه .. يعني بيكون كلب وديع !

واحرصي على نظافه المكان .. وحاولي انج تاكلينه غذاء متكامل ومعاه شوي زيت كبد الحوت عشان لمعان الشعر

_______________________________________

الـسـلام عـلـيـكـم

انا اتفق مع كلام اخوي بو راشد ماقصر كفا ووفا...

مع السلامه تحياتي لك

[uae_pitbull]

احــتمال فيه مرض الــيرب مدام الشعر يتساقط لنه المكان الي عايش فيه مش نظيف فيه شامبو خاص للكلاب استعمليه مرتين علي الاقل اسبوعيـا وان شاءالله بيكون اوكيه

[pitbull-lover]

المشاركة الأصلية كتبت بواسطة uae_pitbull

احــتمال فيه مرض الــيرب مدام الشعر يتساقط لنه المكان الي عايش فيه مش نظيف فيه شامبو خاص للكلاب استعمليه مرتين علي الاقل اسبوعيـا وان شاءالله بيكون اوكيه

بسم الله الرحمن الرحيم

انا اختلف مع رأي الاخ uae_pitbull لان الكلب الي فيه جرب ما يتساقط كل شعره دفعه وحده تلاقي مناطق يصير فيها زي الفتحات الكبيره يعني فتحات خاليه من الشعر والكلب الي فيه جرب تشوف في جسمه زي القشره حقت الشعر و تلاقي الكلب كثير ما يحك المناطق المصابه بهذا المرض والاخت قالت ان الكلب يسقط شعره بس ... وانا انوقع انه قاعد يبدل شعره .. وانا اتفق مع الاخ بو راشد وكلامه 100% صح ..

تقبلي مني اختي اجمل التحيات مع تمنياتي لك بالتوفيق ..

[بطائن الأسرار]

اختنا سعيد جدا بالمشاركة بين الخبراء و الأعضاء
و انا اتفق تماما و كليا مع الأخ بيت بول و بو راشد

[بو خالد]

بوراشد & pitbull-lover يعطيكم العافيه على الافاده وكلام ميه ميه يا شباب

[راعي روتات]

كفو و وفو الشباب