هامسترتي جابت 6 بيبيات ... وناااااااااااسة

[أم دانة]

السلام عليكم


قبل شهر تقريبا اشتريت هامسترين ذكر وانثى من النوع الروسي (القزم)



طبعا ما اعرف شي عن الحمل والولادة
ولا كنت حاطة في بالي انها بسرعة بتحمل


يوم الثلاثاء سافرت ورجعت الجمعة
وطول هالفترة كانت الشغالة تمر تحط لهم الأكل والماء

انا اسبوعيا اغير لهم النشارة وانضف القفص

امس جيت انظف وانصدمت اني لقيت تحت الهامستر اشياء تتحرك


اثاريها حملت وولدت وانا ما ادري عن الدنيا




المهم ابي شوي نصايح تفيدني وتفيد الأم واطفالها
والمشكلة انه عندي بنت متعودة تفتح القفص وتمد يدها
لكن الان اخاف انه بنتي تسوي شي بالبيبيات

[أم دانة]

وفي شي ثاني
عليها تصرفات غريبة

القفص حقها اسلاك
دائما تتعلق بالاسلاك من فوق
ودائما تعضض الأسلاك مدري ليش

وكله توقف على رجلها وبعدين تطيح لورا وتتقلب
مدري ليش

[Bruce]

مبروكـ

زوديها بالاغذية الآزمة

خضروات وبروتينات

[الكلاسيكي]

الف مبروك المواليد اختي ..

شوفي اختي ممكن تعطيهم اكل الخاص بـ الهامسترات و جزر وخس و غيرها ..

الأشياء التي نريدك ان تنتبهي لها ..

لا تخلين الأطفال تلمس الصغار وهيئي لهم جو هادء لكي لا تخيفي الأم ع الصغار ..

لان هذا يعرض الصغر للأكل من قبل الأم .

وياليت تزودين الأم بـ بياض البيض لو ع الأقل لمره واحده للتعويض ..

وهنا توجد مواضيع تم الرد عليها رد وافي الرجاء منك الدخول و الأستفاده منها ..

http://www.2zoo.com/vb/showthread.php?t=133682

وهنا سؤال عن موعد الفطام ..

http://www.2zoo.com/vb/showthread.php?t=131861


مع تمنياتي لك بـ التوفيق ..

ولأي استفسار نحن في الخدمة ..

اخـ ابومحمد ـوك

[Pejo]

طيب الذكر فين حطيتيه هوا معاها ولا فصلتيه

[animal friend]

اختي اول شي افصلي الذكر عنها لانه ممكن ياكل البيبيات او الانثى تتوحش عليه وتهاجمه
وبخصوص الاكل حطيلها اكل الهامستر العادي بالاضافة الى الخضراوات (خس. طماط)
ولا تخلين بنتك تدخل يدها فالقفص لانه الانثى هالوقت تكون خايفة على اطفالها وممكن لا سمح الله تعض الصغيرة

بس نصيحة مني حاولي ما تخلين الهامسترات تتكاثر يعني ممكن تبيعين الصغار بعد ما يكبرون بس لا تبيعينهم وهم بعدهم صغار حرام
لانه الهامستر يتكاثر بسرعة
انا كان عندي 2 وخلال كم شهر صاروا حوالي 30


اسمحيلي على الاطاله
وبالتوفيق