استفسارات عن ببغائي

[هدوونه]

بسم الله الرحمن الرحيم

السلام عليكم ورحمة الله وبركاته

حابه استفسر عن هالببغاء


ايش نوعه ؟؟ اللي اعرفه نيبالي الدره المطوقه ,, هل صحيح انه نيبالي ؟؟

عمره ؟؟ قال لي اسبوعين هل صحيح

الاكل ؟؟ عطاني رضاعه وقال حطي فيها سيريلاك ومويه لانه للحين ما ياكل طيب متى يصير ياكل

جنسه كيف اعرف ؟؟

طبعا قال يتكلم فيه موضوع بالقسم يفيدني بهالشي

طبعا لانه صغير راح اخليه يتعود يدخل ويطلع من القفص

شي ثاني

عندي قطوه كيف اخليهم يتآلفوا

مع العلم اني طلعته وعادي يطلع على يدي ويمشي بس انه خايف يعني يرتجف شوي بعدين يهدى

ولما حطيته بالقفص وقربت عليه القطوه نفخ عليها

ومدري وش بعد قفصه كبير نوعا ما

برضوا كيف ادربه ع الكلام وكم المده كل يوم وهل بشكل متواصل او لا

وهذي صوره

[شايب حائل]

يا بعد حيي يتربى بعزك والله انا مثلك جديد على تربئه الطيور وماقدر اقول لك شي اخاف اجيب العيد

[روجيادا]

السلام عليكم ورحمه الله وبركاته اختي هذا درة نيبالي وعمره اكبر من اسبوعين هذا اللي اقدر اساعدك فيه ماراح يقصروا الاخوان معك .. تقبلي مروري

[طير جارح]

هذي دره نيبالية والعمر تقرياً 6 اسابيع والله اعلم
و تختلف الطيور وقت الفطام لاكن انتي حاولي تعطينه بطاطس مسلوقة و تفاح مهروس و ....
و الجنس ما يعرف بهالعمر
و بالنسبة للقطوة صراحة ما أعرف للقطاوة ولا قد ربيتهن
اتمنى اني افدتك

[mr . bahman]

مو اسبوعين
أكثر من شهرين

وبالنسبة للقطوة إذا كانت صغيرة ماهي مشكلة يتعودوا على بعض
وإذا كانت كبيرة
تتعود عليه مع الوقت لكن في البداية لا تحطهم مع بعض إلا اذا كانت الدرة داخل القفص

[د. إحتـراف]

بسم الله الرحمن الرحيم

السلام عليكم ورحمه الله وبركاته

اختي العزيزه ببغائك هو طير الدره النيباليه والعمر اكبر من اسبوعين .

بالنسبه للاكل سيريلاك + بطاطس مهروس بدون أي اضافه + تفاح + قطعه صغيره من الموز ( قد الظفر ) .

اختي الغاليه انتي مستعجله مره ع الكلام الطير توه يبغاله عشان يتكلم يكون عمره مابين 7 الى 9 شهور حتى يبدأ في الكلام .

والجنس يبان بضهور طوق حول العنق لذكر .


واذا تبغينه ياكل بنفسه لسه بدري عليه

نصائح لك ابعدي الطير عن اي تيار هوائي

خذي الطير في حضنك ساعات كثيره

تمشي بالطير في البيت

بالنسبه للقطو والطير انتبهي يا اختي لا يروح الطير عليك الا اذا كنتي ضامنه القطو ماراح يسوي له شي

تقبلي مروري

[هدوونه]

يعطيكم ربي الف عافيه وما قصرتوا

معقوله اكبر من شهرين ؟؟

انا ما عندي خبره بالطيور هذي بس ليش قال لي اسبوعين

طيب مو مشكله

بالنسبة للاكل راح اجرب لها واليوم اكلتها بيدي واكلت الحمد لله

امممم بالنسبة للكلام طيب كيف بحثت بالنت وشفت ناس كثير كاتبين انه من وهي صغيره وفترة الفطام هو افضل وقت للتدريب ع الكلام وراح تتكلم

كيف 7 شهور ×_×

وبالنسبة للجو مهيئه له جو دافي

وبالنسبة للقطوه عادي صغيره واليفه واثنينهم يخافوا من بعض

وانا مخليته ع رحاته بالبيت يعني بس وقت النوم ادخله للقفص

بالنسبة للطوق متى يظهر سمعت لما يصير عمره سنه ونص هل هذا صحيح ؟؟؟

[بوسارة]

شنو نوع طيرج ؟

[يوفاوي الكويت]

علي البركه
يتربي بعزج
اهم شي ابعدي الدره عن التيارات الهوائية

[أحمد الهاملي]

ماشاء الله تبارك الرحمن
اختي العزيزه انا من عشاق الدره النيباليه وقبل شهرين اشتريت فرخ نفس الي عندك وحسب تقديري لشكله انه ذكر والله العالم والعمر المناسب لتحديد جنسه ذكر او انثى عندما يصير عمره سنه فاذا ظهر عليه طوق اسود مع اللون الاحمر فهو ذكر واذا لم يظهر اي شي فهي انثى وبخصوص العمر المناسب لتعليم الفرخ الكلام 5 شهور فما فوق والسموحه على الاطاله.
ويتربى في عزج ان شاء الله