حيوانك المفضل وكيف تهتم فيه ؟؟

[سويت هارت]

مرحبا حبايبي

فكرة الموضوع تعتمد على حيوانك المفضل ..

نوعه..
اسمه ..
عمرة ..
مدة تربيته..
اكله المفضل ..
كم مرة تروشه ..
يلعب معك او لا ..
مواقف طريفه لك معاه ..
كيف تربيه ..( داخل البيت _ خارجه _قفص )
طرق عنايتك ..
الجميل بتربيته والسيئ فيها ..
تكلم \ تكلمي عن طرق تربيتك له ؟؟

ومعلوماااات عنه ؟؟

الموضوع هذا يساااعد الاعضاء الجدد بتربيه ..
مثلي
ومثلكم ..

[سويت هارت]

راح ابدء الموضوع ..

انا ربيت حيونات كثيره ..
بس اعزهم لقلبي ..
هو تيس صغير
نوعه ..
مثل ما يقولو سوري ..
اسمه ..
كنت كل يوم اسميه اسم ..
عمرة ..
مات من زمااااان
مدة تربيته..
يمكن 5 سنين ما اذكر بصراااحه ..
اكله المفضل ..
يحب ياكل شعري ..
كم مرة تروشه ..
كل يوم (( ما كنت احب ريحته ))
يلعب معك او لا ..
كنت انا وياه نلعب صيد تعرفون صغار كنا ..
الله يذكر ايام زماااان ..
مواقف طريفه لك معاه ..
اذكر مره لما كبر وبلغ صار اطول مني وكنت اجري وهو يجري معاي ما لقيت الا هذاك الي نطحني وطيرني للعالي ..
وما دريت عن نفسي الا عيني بعينه ..
وجالس الاخ ياكل شعري ..
كيف تربيه ..
كان طبعا بالبدايه في البيت ( خارجه ) بعدين وداه ابوي( الله يرحمه ) للمزرعه ..
طرق عنايتك ..
كنت ارضعه من وهو صغير كنت اشربه حليب برضاعه ..
وكنت ابخه بفليت واروشه كل يوم ..
وامسح انفه بديتول ..
بس لا احد يسوي زيي ..
افتك مني لما راح المزرعه ..
هههههههه
الجميل بتربيته والسيئ فيها ..
الجميل في تربيته علمني المسؤليه من انا صغيره ..
كان حصاني الكذبي ..
كان سرير حلوا ودافي كنت انام بحضنه ولا كان يتحرك الا لما اصحى ..
بالمرحله الاولى من حياته يحب يلعب معاك طول الوقت ..
السيئ بتربيته ,, بمجرد بلوغه صار ما يلعب معاي ما همة الا اكل وشرب ومغازل بالغنم ..
( فقدته ) ..
ريحته كل ما كبر زاده ..
وصار ينطحك كثير ..
تكلم \ تكلمي عن طرق تربيتك له ؟؟
اعطيه حب وشعير وفواكه وخضر لكن مو بكثرة ..
يحب البرسيم الاخضر اكثر من اي حاجه ثانيه ..
احاول ما اكثر له من الاكل ..
لأنه يتعبه ..
العنايه بنظافه الحظيره وتعقيمها من فترة وفترة ورشها بمبيد الحشرات ..
الكشف الصحي المستمر الدايم لهم ...
ومعلوماااات عنه ؟؟
يحب التسلق الرفس والنطح ..
لونه اسود وابيض ..
امه ماتت وصرت انا امه ..
يحب حلوى التوفي ..
طبعا هو مات والسبب مو كبر بالسن لا على العكس ..
بس حصل بينه وبين كلب من كلاب المزرعه جدل فتهاوشوا فعضاه الكلب ومات ..

هو احب حيوان لي بعد بستي لولو ..
لأنه حسيت اني امه وانا صغيره ..

الي بعدووووو

[مهووس الحيوانات]

موضوع وفكرة جميلة يسعدني أكون أول من يرد

وأحب أكلمكم شوي عن حيواني

=-=

نوعه..

الحرباء الشائعة ولها أسماء مثل : حرباء البحر المتوسط - الحرباء الأوروبية
واسمها العلمي هو : chamaeleo chamaeleon

اسمه ..

للحين ماله اسم ثابت

عمرة ..

مدري بس صغنطوط

مدة تربيته..

تقريبًا نص سنة

اكله المفضل ..

الجراد

كم مرة تروشه ..

مرة في الاسبوع لكني مو منظم

يلعب معك او لا ..

لا

مواقف طريفه لك معاه ..

ممم مادري مافيه لكن مرة عطيته حشرة ويوم جا بيصيدها بلسانه مد لسانه وبدل مايسحب الحشرة له هو انسحب لها شكله طلع يضحك

كيف تربيه ..( داخل البيت _ خارجه _قفص )

قفص

طرق عنايتك ..

أعتني به قد ما أقدر ، أصيدله الحشرات وأتفشل قدام الناس وأنا أصيد الحشرات بس أهم شي أفرحه ، وأشيله أحينًا ومدلعه في بيته ، وخصصتله قطارة لتشريبه

الجميل بتربيته والسيئ فيها ..

بالنسبة لي الجميل فيها كل شي ، وأكثر شي طريقة أكله وتغييره لونه ، والسيء هو انه مو مرتاح وتوفير الأكل له صعب ، وإن الأغلبية معارضين لتربيتي له

تكلم \ تكلمي عن طرق تربيتك له ؟؟

حاطه في قفص كبير ، مع أغصان وأوراق صناعية وتراب جبته من بيئته الطبيعية ، وحاط القفص عند دريشة جهة الشرق تدخل منها أشعة شمس الصباح ، وأصيدله حشرات منوعة وأشربه بالتقطير كم مرة في الاسبوع .

ومعلوماااات عنه ؟؟

صغير ومتوحش شوي بس حبوب ويتحملني كثييير الله يصبره ويعينه

رغم الفترة الطويلة لنا مع بعض هو للحين يخاف مني لأني مو كثير أشيله

يحب الجراد أكثر شي والجنادب ، ويحب الفراش شوي ، ومايحب الخنافس

مسكين ظفرين من أظافره مفقودة بس ان شالله يكون كل شي تمام ومايحس بتعب ولا ألم

=-=

الله يحفظه بس

وشكرًا عالموضوع

[سويت هارت]

العفووووو ..
اسعدني تفاعلك ..

[pinky]

مره فكره فكره رهيييبه

أوك ببدأ ..

نوعه..

قطه شيرازيه مهجنه تايقر مون فيس

اسمه ..

جيجي

عمرة ..

8شهور على وشك دخول 9 شهورو مشاء الله حآمل

مدة تربيته..

9 شهور


اكله المفضل ..

اكل البيت + دراي فود

كم مرة تروشه ..

بالصيف : اسبوعيا

بالشتا : كل 3 اسابيع


يلعب معك او لا ..

مجنونه لعب

مواقف طريفه لك معاه ..

احلى شي يوم تجي تجري عندي وتنطنط على الجمب هههههه وترفع ظهررها رهيييييييييبه تضحكني مره

كيف تربيه ..( داخل البيت _ خارجه _قفص )

بالبيت طبعا


الجميل بتربيته والسيئ فيها ..

وووهـ وهـ كل شئ جميييل وربي

تقهرني شوي أنهآ دلوعه بارده
تكلم \ تكلمي عن طرق تربيتك له ؟؟

عادي مهتمه فيها احسن اهتمآم ونظآفه الحمد الله

ومعلوماااات عنه ؟؟

مزآجيه مره وتعرف تزعـل الدووبآ

[سويت هارت]

الله يخليه لك يارب ..

اسعدني تفاعلك ..

[في خاطري شي]

المشاركة الأصلية كتبت بواسطة سويت هارت

مواقف طريفه لك معاه ..

اذكر مره لما كبر وبلغ صار اطول مني وكنت اجري وهو يجري معاي ما لقيت الا هذاك الي نطحني وطيرني للعالي ..
وما دريت عن نفسي الا عيني بعينه ..

هههههههههههههههههههههههههههههه

وربي مت ضحك .. اتخيلتك وانتي طاايره ومحجر لك بزاويه

المشاركة الأصلية كتبت بواسطة سويت هارت

بس لا احد يسوي زيي ..
افتك مني لما راح المزرعه ..
هههههههه

من جد ... تورط فيك ههههههههههههههههه

المشاركة الأصلية كتبت بواسطة سويت هارت

كان حصاني الكذبي ..

هههههههههههههههه

الله يقطع بليسك

بس ماقلتي وش لونه .. حصان هالاحلام

المشاركة الأصلية كتبت بواسطة سويت هارت

السيئ بتربيته ,, بمجرد بلوغه صار ما يلعب معاي ما همة الا اكل وشرب ومغازل بالغنم ..

افأأأأأأأأأأأأأ خائن هالوفاء


اجل يوم كبر .. كبر هباله معاه






هههههههههههه



من جد موضوعك فضيييييييييييييييييييييييييييييييييع واعجبني كثييييييييييير

ولي عودة مفصله مع حيواني المفضل

[سويت هارت]

ننتظر ردك ..

وعلى فكرة ذكرة لون حصااان الاحلام ..

اسعدني مرورك ..

[في خاطري شي]

عدت من جديد

وللمعلوميه .. موضوعك هذا كله بركه تدرين ليش ؟

لاني بدخل ألفيه جديده .. وانطلق من خلال موضوعك الى مرحلة الاحتراف

عموما ارجع لموضوعنا الاساسي

نوعه..

ببغاء افريقي - جمو

اسمه ..

روكي

عمرة ..

سنه وشهرين

مدة تربيته..

6 شهور

اكله المفضل ..

وفيه غيره الحب الشمسي
وطبعا اعطيه فواكه - خضار - فول سوداني - عين الجمل بالعسل

كم مرة تروشه ..

فترة الصيف يوميا - اما فترة الشتاء معدل كل جمعه بالاسبوع

يلعب معك او لا ..

يلعب بتردد لانه لسه جديد وماتمكن مني بالمره

مواقف طريفه لك معاه ..

والله مافي مواقف طريفه لانه لسى جديد عندنا

بس احلى موقف يوم كنت بطلع من البيت وسمعت احد يقولي " بآآآآآآآآآآآآي"

فزيت من الصوت الغريب وضحكت ضحك وجلست عنده ساعه كامله .. لانو اول مره ينطق الكلمه ،، والحين اذا رجعت وشافني يقولي " حياااااااااااك الله "

كيف تربيه ..( داخل البيت _ خارجه _قفص )

داخل البيت طبعا

طرق عنايتك ..

بصراحه عالية المستوى ، انا تهمني البيئه اللي يعيش فيها .. كل ماكان مكان الطائر نظيف كل ماكانت صحته جيده ، ومن هالمبدأ يوميا أأكد على الشغاله تنظف القفص وتحط له الاكل اللي انا محدده

الجميل بتربيته والسيئ فيها ..

الجميل بتربيته احساسي اتجاهه انه واحد من اهل البيت واكثر ،، وااعتبره صديقي اللي دائما اشتاق له لما اسافر او اكون خارج البيت

والسيء في تربيته : الجعير في بداية دخوله للبيت كان مسبب لي ازعاج وردة فعل اتجاهه <--<< بغى يبيعه

تكلم \ تكلمي عن طرق تربيتك له ؟؟

اسلوبي بتربيته اقرب عنده دائما واجلس الاعبه واخليه يصعد على يدي مجرد ماقوله تعااال .. والحين دربته على اقوله نزل راسك وينزله احكه له

طبعا هذا غير اني يوميا اعطيه اكل من يدي واحطه على كتفي ونروح نتمشى في البيت

بس برضو لسه يعني يعمل هالاشياء بنوع من التردد

وفضلا عن الكلمات اللي لسه بادي ينطقها مثل (( بابا ، روكي ، بآي ، حياك الله ، ياحلو <--<< بس لسه الكلمه مكسره ماضبطها تمام

ومعلوماااات عنه ؟؟

احيانا عرفت له اوقات معينه .. يكون فيها زعلان او ماله خلق احد

ولما اجي بلاعبه يعضني .. مع اني اتحديته مره وقسيت عليه اقصد ازجعته وعضني بقوه


ويسلمووووووووووووو على موضوعك المميز

عن جد اعجبني .. واتمنى تثبيته لانه مهم ومفيد

[سويت هارت]

الله يخليه لك يااااااارب ..

و اسعدني مرورك يالغلا اكثر ..



ومبرووووووووك الألفيه ..