اشترك في نشرتنا البريدية ليصلك كل جديد

كاسكو البحرين · 19-10-2006, 04:15 AM

السلام عليكم وكل عام وانتم بخير ان شاء الله

اخواني الكرام عندي كاسكو من قبل 3 شهور خذيته بس الخوف مني بشكل رهيب

مع الاهل ايزي حتى الوالده تجي تمسح على رااسه يحاول التهرب لكن جداً جداً قليل

لكن انا من يجوفني من بعيد كأنه يرى ملك الموت سبحان الله هل كل هالخوف

لأني قمت بقص جناحه في البداية ؟ او ني وقت العلاج امسكه بفوطه(خلق) وداوية بالبرهم على

القرحة التي تحت المنقار ؟

رجاءاً ساعدوني ودمتم سالمين والله يهنيكم مع طيوركم

مع السلامة

كاسكو البحرين · 19-10-2006, 06:47 AM

؟

عــزوووز · 19-10-2006, 09:40 AM

أخــوي يمكـن عـشان قصيت جناحه

صـار يخـاف منك

يحسبكـ بتضربـه

توتي · 19-10-2006, 01:58 PM

الكتاب واضح من عنوانه.. الطير ما خذ منك موقف على اللي سويته فيه.. الانه الرمادي طائر ذكي جدا ومستحيل ينسى اي موقف صار له.. لا يكون عصبت عليه ولا شي يا ويلك يا سواد ليلك.. كان المفروض انك وانته تداويه تكلمه بهدوء وتحسسه بالامان.. وانت هتقص جناحه ما تخليه يشوفك..

كل المطلوب منك الآن انك تحاول ترجع علاقتك معاه شوي شوي.. كلمه ودلعه واقضي معاه وقت طويل.. واكله من يدك..

انا موني كانت متعوده علي ولكن مرات يوم اقص ريشها تاخذ مني موقف واحس بها تبتعد فتره عني بس ترجع العلاقه عادي بعدين..

وفي موقف قالي اياه اخوي انه صديقه اشترى رمادي واول ما جابه البيت عصب عليه وصرخ في وجهه وانه الرمادي صار صديق للعايله الا هو لاء مع انه هو اللي مشترنه.. سبحان الله..

كاسكو البحرين · 20-10-2006, 03:25 AM

السلام عليكم

اخواني بارك الله فيكم على ردودكم المفيدة

وإن شاء الله سنسعى جاهدين لكي نصنع أحلى وأفضل علاقة بيني بين الكاسكو الغريب

وجزاكم الله خير الجزى اخواني

تقبلوا مني خالص التحية الإحترام

كاسكو البحرين