اشترك في نشرتنا البريدية ليصلك كل جديد

صوغة · 08-10-2009, 10:49 AM

السلام عليكم

هذا سلمكم الله فرخ الدرة الي عندي وشاريته من يومين

ما أكل اليوم ويهرب من ابرة السريلاك مع انه اخر وجبه له امس 6 المغرب واللحين 11 الاربع صباحا

يعني مرت 16 ساعة بلا أكل

اخذته للطبيب سوا له تحليل فضلات اعزكم الله وقالي سليم مافيه شي وقص جنحانه لانه اليوم بس يبي يطير وبس

وكانت عينه اليمين تقفل شوي فحصها وقالي مافيه شي بس بحط له قطرة احتياط كوقاية

نشاطة ماتغير ولا صوته ماتغير

المهم الطبيب قالي سليم ومافيه حاجة ولاتأكلينه الا اذا جاع اذا رفض الاكل اتركيه معناته شبعان

فهل عادي يظل فترة طويلة بلا أكل؟؟

mur1415 · 08-10-2009, 10:57 AM

السلام عليكم
اعتقد شيء عادي لان الفرخ الى كان عندي بعض الاحيان ما يرضى ياكل
ارجعي له بعد ساعة وحاولي تأكليه وان شاء الله ياكل

صوغة · 08-10-2009, 11:00 AM

اوكي مشكور والله يجزاك خير

اخاف نفسيته تغيرت لاني اجبره على قفص من البارحة والله العالم

سكر · 08-10-2009, 01:57 PM

هلا فيك صوغة

ان شاء الله مافيه إلا العافية

بس الوضع متغير عليه,, وبدري عليه القفص,,

رجعيه في كرتون صغير, أو سلة مغلقة من جميع الجهات ماعدا الجهة العلوية,, وأعطيه الأكل بالتدريج شوي شوي حتى يشبع

إذا ما تجاوب معاك وما أكل,, الله يعينك لازم تغطي الكرتون من فوق بأي قطعة قماش متينة, بحيث يصير عنده ظلام,,,

وتحطيه في مكان هادي,, وبعد نص ساعة أو ساعة تكشفي عنه الغطا وتعطيه الأكل من جديد وهو داخل الكرتون,,

ننتظر ردك يا صوغة

ربي يوفقك في تربيته والعناية به

تحياتي

صوغة · 08-10-2009, 02:41 PM

اوكي اخوي سكر بطبق الي قلت عليه

والله يجزاك خير

وارجع واعلمكم وش صار معي

صوغة · 08-10-2009, 04:28 PM

رجعت له بعد ساعة اكل 2 ملم بلهفة ورفض يكمل وجبرته على 2 ملم زيادة لانه مابي بطنه ينشف ..

وكل ساعتين بجرب معه يمكن ماقالت لي بندولة حب اللحين مشغول بالطيران والتعرف على اللي حواليه

مشكورين جميعا على التفاعل معي

حب استطلاع · 08-10-2009, 05:51 PM

إن شاء الله طبيعي يا صوغة
وألاحظ الكل يشتكي من إمتناع فروخ الدرة عن الأكل في فترة معينه من عمرها
والسبب يرجع لمحاولة منها لتخفيف وزنها حتى تتمكن من الطيران
وأعطيه الأكل متى ما أحتاج
بالتوفيق لنا ولك

صوغة · 08-10-2009, 06:32 PM

صدقت اخوي حب استطلاع فرخي روحه وقلبه وانظاره مزروووعه اتجاااه الشبابيك وطاار كذا مره بس قصينا اجنحته..

وتسلم على المروور والنصيحة والله يجزاك خير

بندولة حب · 08-10-2009, 07:26 PM

قايله لك ياصوغه قصي جنحانه من بدري عشان مايجرب الطيران
لأن الدره طير نذل مع او فتحت شباك يهرب

صوغة · 08-10-2009, 07:35 PM

هههههههههههههه بندوله

وابشركم توني جاية منه صحيته وعشيته واكل تقريبا 8 ملم من نفسه بدون ما اجبره الحمدلله

<<< بشري نفسك

نفعت خطة اخوي سكر

الله يجزاكم الف خير ولايحرمكم الراحة ابدا