اشترك في نشرتنا البريدية ليصلك كل جديد

Mr.Faisal · 05-10-2009, 02:22 AM

السلام عليكم ورحمة الله وبركاته ..

اخواني , انا عضو جديد في المنتدى وما املك اي تجربة حقيقه في تربية الحيونات ..فأتمنى تعذروني على جهلي بهذه الامور ..

قبل ايام وانا خارج من البيت لقيت قطه صغيره حديثة الولاده في حديقة البيت ..كانت تموء بشكل مستمر تجاهلتها وقلت في نفسي امها بتأخذها قريب ..لكن للأسف مر يوم كامل وامها ما جت ..اشفقت عليها وقلت ممكن تكون جائعه واحضرت لها صحن صغير فيه حليب من البيت وشربت ..

واستمريت على هذا المنوال لاربع ايام تقريبا وحسيتها بدت تكبر وعيونها فتحت وبدت تلعب ..قلت مادام هذا الحال اربيها لحد ما تكبر وتبدأ تعرف تأكل واطلعها الشارع ..لكن فوجئت اليوم اني لقيتها ميته للأسف ..

من الاشياء الي لاحظتها عليها انها تبدا بالمواء بصوت عالي اذا ضلت وحيده ..لازم احد معاها علشان تسكت ..ولاحظت ان فيها اسهال خلال هاليومين .

مادري هل انا اساءت معاملتها ؟ لاني حاسس بالذنب

وشكرا

sisi_moon · 05-10-2009, 03:13 AM

مرحبا اخوي فيصل

لا انت مالك ذنب لانك كنت ماتدري بأمور القطط الرضيعه ..

هو الغلط انك أعطيتها حليب .. من غير ماتخففـه ويمكن كان كامل الدسم .. مما سبب لها اسهااال

والقطط المواليد تتعب من الاسهال كثير ويسبب لها جفـــاف .. فـ هذا أقوى سبب لوفاتهاا .. والله اعلـم

ماعليك اخوي لاتأنب نفسك كثيـر .. انت ماكنت عارف شي .. بس الحين بإمكانك تعرف كل شي .. شوف المواضيع المثبته بكل قسم

شوف استفسارات الأعضاء وبإذن الله بتصير عندك خبـرهـ حلوهـ كثيـــــرر ..

بالتوفيق يارب

Mr.Faisal · 05-10-2009, 03:46 AM

شكرا اختي على الاجابة ..ردك خفف عني كثير

قرأت موضوعك عن العناية بقط رضيع ..موضوع قيم ومفيد جدا ..ياليتني بس اطلعت قبل فوات الاوان

قدر الله وما شاء فعل

محبوبة من الحيوانات · 05-10-2009, 03:47 AM

البسس ما تشرب الا من امها ولا انا غلطانه؟لاني حاولت اشرب بسه صغيره و ما شربت ما تشرب الا من امها و شكلها كانت تعبانه من اول من قبل ما تاخذها انت ...ويا حراااام شكلها تحسبك امها عشان كذا تصيح اذا رحت عنها... الله يرحمها

Here I am · 05-10-2009, 10:44 AM

الله يرزقك على حسن معاملتك للحيوان

AL-MAFIA · 06-10-2009, 01:21 AM

اخوي القط الرضيعة تشرب بالسرنجة وتحط على راس السرنج بلف سيكل المطاطي ومكتوب الموضوع كامل عن الإعتناء بالرضع ولازم الحليب يكون حليب أطفال بودر خفيف ودافي شوي ومكان يكون دافي وتحتها مكان طري بس مو زنبك ولا تفكر فيها الله مو كاتبلها تعيش وانت ما قصرت *_^

~~josy~~ · 06-10-2009, 07:20 AM

مرحباا

معلش خيووو بس لانك ماكنت تعرف بهيك تربية معلش

بس هو الغلط والله اعلم من الحليب

لانه يجيبلهم اسهال كتير

وجفاف

صارت مع وحدة اعرفها

معلش
بيكفي انك حاولت تعتني فيها
الله بيعطيك على قد نيتك الطيبة

وبالاخير هيك هو عمرها الي الله كاتبه

Octopus · 07-10-2009, 12:21 AM

في غلط انت سويتها حسب ما قريت من النص

وهو ان الشارع ليس مكان امن لصغار القطط بسب السيارات